ሽፍጥ የጎላበት ፖለቲካዊ ውሎ ዛሬም በኢትዮጵያ ፓርላማ!

19 Oct

Posted by The Ethiopia Observatory (TEO)

ጠቅላይ ሚኒስትር ዐቢይ አሕመድ በየሥፍራው ንግግር ባደረጉ ወቅት፣ ስንቱን ጠቅሰን አጣቅሰን ለማመሳክር እንችላለን?

ዝም ብለን ብናልፍ፣ ጉዳዩ የሚታየው ሰልችቷቸው ተዉት በሚል ሣይሆን—’ኮንፍዩዝ አደረግናቸው’ ብለው ሽመልስ አብዲሣ በኢትዮጵያ ሕዝብ ላይ እንዳፌዙ—የዐቢይ አሕመድ እውነትን በነፃነት መደፍጠጥ ሕዝባችን ለዘለዓለም መቀለጃ ያደርጋል!

ነፃነቱንና ክብሩን የተለየ ሥፍራ የሚሠጥ ዜጋ ሁሉ ይህንን እምቢ ማለት አለበት! ውሸት በሉት ቅጥፈት፣ ምንጊዜም የእውነትና የሃቅ ጠላቶች ናቸው! ሃሰቱ ኅሊናን ማቁሰሉ ብቻ ሣይሆን ሰብዓዊነትን ማዋረዱ ጉዳቱ ከፍተኛ ነው!

ሁልጊዜም ፖለቲከኞች ይዋሻሉ ይባላል። ይህንንም ሁላችንም በጠቅላይ ሚኒስትር ዐቢይ ላይ በተደጋጋሚ ታዝበናል፤ ቀደም ሲል አብረዋቸው ከሠሩ የቀድሞ የሥራ ባልደረቦቻቸውም ሠምተናል!

ዐቢይ አሕመድ ዛሬ ፓርላማ ሲደመጡ፡ በፍትህ ጉዳይ በምንም መልኩ መንግሥታቸው ጣልቃ እንዳልገቡ ሲተረትሩ መስማትን የበለጠ የሚያሳዛን ነገር የለም! ለኔ እስክንድር ነጋ ወዳጅም ጓደኛም አይደለንም። ስለዚህ ለእርሱ ያለኝ አመለካከት፡ በራሱ መንገድ እውነቱ አድርጎ በያዘው አቋም ለኢትዮጵያ ሕዝብ ደኅንነት የሚታገል ስው አድርጌ አየዋለሁ። ይህ ማለት እኔ እርሱ የያዘውን መንገድ ደግፋለሁ ማለት ሣይሆን፣ ግለሰቡ በጥሩ ዕውነትና ለኢትዮጵያውያን የተሳካ ነገ የሚታገል ስው አድርጌ ተቀብየዋለሁ።

ዐቢይ አሕመድ ግን ግለሰባዊ መብቶቹን በመረጋገጥ ከቤተ መንግሥትዎ ‘ጦርነት ያወጁበት’ ሰው ሆኖ፣ ቄሮም የመንግሥትዎም ፖሊሶች እስከዛሬ የሚያሳድዱት ዜጋ ሆኗል!

የቀድሞ ዐቃቤ ሕግ አዳነች አቤቤ እንኳ በሚያሳፍር መንገድ ለአሜሪካ ድምፅ በሠጡት ቃለ መጠይቅ ክስ ከመሠረቱበት መካከል —ኦሮሞችን ማጥላላትና ቆሮ ላይ ጥላች ዘመቻ ማድረጉ ማለታቸውን በጆሮዬ ሰምቻለሁ! እነዚህን ነገሮች እስክንድር ያደርጋል ብየ አላምንም! ቄሮች ለፈጸሙት ወንጀሎች እንደዚያ ቢልስ—መላው የኢትዮጵያ ሕዝብ አይደለም ወይ ያንን ስለወንጀለኛው ቄሮ ያለው?

ሌላው አንድ አስገራሚ ነጥብ ጠቅላይ ሚኒስትሩ ያነሱት ከሃቅ የራቀው ጉዳይ የሃገራችን 2012 የኤኮኖሚ ዓመታዊ ዕድገት 6.1% ማለታቸው ነው። ልክ ከሕወሃት በተገኘው ልምድ መሠረት፡ የዋጋ ግሽበቱ ሕዝቡን ባማረረበት ሁኔታ አፍሪካ ውስጥ ይህን መሰል ዕድገት እንደማይገኝ ዓለም አቀፍ ድርጅቶች ቀደም አድርገው ቢተነብዩና ሕዝባችንም በግሽበቱ በሚገረፍባት ሃገር ለፈበረኩት ‘ሃቅ’ —ማለትም ባዶ ቁጥር መቆማቸው— በሚያሳዝን መንገድ ትዝብት ብቻ ነው ያተረፈላልችው!

ሰሞኑን ግራ የገባት የቤት እመቤት ዘይትን በምሣሌነት በማንሳት፡ መንግሥት ድጎማ በሠጠ መጠን ተጠቃሚው ቸርቻሪው ሲሆን፣ ዋጋው ታቹ ያለውን ኅብረተሰብን መዘንጋቱን ብቻ ነው ያሳየን ማለቷ ግርም ሲለኝ ነበር! ይህ ለእርሳቸው ትርጉም ባይሠጣቸው፡ እምብዛም አይገርምም ዛሬ አባባላቸው እንዳሳየን!

መቼ ይሆን ጠቅላይ ሚኒስትሩ ዕውነትን ጋሻ የሚያደርጉት?

በተ/ከንቲባ አዳነች ቀጭን ትዕዛዝ በ8ፖሊሶች ተመሥገን ደሣለኝን የማሣሠር ሥልጣን፣ የኢትዮጵያ ዴሞክራሲና የለውጥ ሂደት እንደግመል ሽንት የኋሊት መመለሱ ፈታኝ ግንዛቤ ትቷል!

17 Oct

Posted by The Ethiopia Observatory (TEO)

በእሥር ቤት ከአንድ ሌሊት አዳር በኋላ—ጋዜጠኛ ተመስገን ደሣለኝ በስንፈልግህ እንጠራሃለን ግንዛቤ—የጉድ ሃገር ሐሙስ ከእሥር በጊዜያዊነት ተፈቷል!

ለማንኛውም ሲፈልጉ ማሠር፡ ሲፈልጉ መፍታት ሕገ ወጥ አሠራር መሆኑ እየታወቀ፣ የቸርነት ምልክት ይመስል፡ የዜጎች የዴሞክራሲ መብቶች መከበርና ሰብዓዊ መብቶቻቸው መሠረታዊነት ትርጉም ቅጣምባር የጠፋው የዐቢይ አስተዳደር ሃገርን መምራት ንጉሡ ደስ እንዳላቸው—ማለትም ደስ እንዳለው የፈለገውን ማድረግ የሚችልባትን ኢትዮጵያ መመሥረት —ተደርጎ መወሰዱ ነው የመላው ዜጎችን ነገ እጅግ አስፈሪ ያደረገው።

ከሚያዝያ 2018 በኋላ እንዴት ነው—ጠቅላይ ሚኒስትሩ ቀስ በቀስና ደስ እንዳለው፣ ብዙ ነገሮች በጥቅምት 2020 ኢትዮጵያ ውስጥ በዘፈቀደና የአንድን ግለሰብ ወይንም ቡድን ፍላጎት ወደሚያስፈጸሙበት አዘቅት እንደገና ያዘቀጥነው?

ሕገ ወጥ አሠራር መሆኑ እየታወቀ፣ የዚህን ዕውነታ ማፈረጥረጥ ግድ ስለሚል፡ የችግሩ ምንጭ በኢትዮጵያ መዋቅራዊ ዕድገትና አሠራር ሥረ መሠረት እንዳይኖረው እያደረገ ያለው የጠቅላይ ሚኒስትሩ አሠራርና፣ በተለይም ራሳቸውን ለማንኛውም ነገር ማዕከል በማድረግ በሃገሪቱ መዋቅራዊ አሠራር ተግባራዊ እንዳይሆን እያደረጉ ነው።

መዋቅሮች ውክልናቸውና ኃላፌታቸው በብሩህ ቀለማት ቢጻፉም፡ ጠቅላይ ሚኒስትሩ ከአመራር ጋር ተቀራርበው የሚሠሩትና አፈጻጸም የሚያዩ ከግለሰቡ አመራር ጋር ባላቸው ቅርበትና ወዳጅንት ብቻ መሆኑ ነው! በዐቃቢ ሕጉ በአጭሩ ቆይታቸው ወቅት እንዳየነው፣ ወይዘሮ አዳነችም ክብሪት ከጫሩ እውነትና ሃገርን አብረው ያቃጥላሉ!

አባባሌ ግልፅ ካልሆነ፡ ከሕግ አንፃር እንኳ ቢታይ፡ ሁሉም ዜጎች በሥራ ላይ ባለው የኢትዮጵያ ሕገ መንግሥት አንቀጽ 25 አስተሳሰብ እንኳ “ሁሉም ሰዎች በሕግ ፊት እኩል ናቸው፤ በመካከላቸውም ማንኛውም ዐይነት ልዩነት ሳይደረግ በሕግ እኩል ጥበቃ ይደረግላቸዋል” ይላል። ታዲያ ምነው ያ የሕገ መንግሥቱ ድንጋጌ በወይዘሮ አዳነች ምክንያት ተፈጻሚነቱ ገደል ገባ?

በመሆኑም ተመሥገን ለምን ታሠረን ለጊዜው ወደወደጎን ገፍተን፡ ነገሩን በዘለቄታ መልኩ ስናጤን፡ አሁን መፈታቱ ቢያስደስተንም፣ ይህ ትላንትናን ናፋቂ ሕገወጥና ፊውዳላዊ ባህሪና ድርጊት—ለዐቢይ መንግሥትም አሣፋሪ ዕለት መሆን አለበት።

ለዚያውም አሣሪው ታሣሪውን —አንድ የሕወሃት እሥር ቤት በጅጉ ታማሚ አድርጎ ለለቀቀው፣ ዕውነትን ማኅተቡ ላደረገ ብሩህ አዕምሮና ልቡ በኢትዮጵያ ፍቅር የሚነድን ዜጋ—ለመያዝ ስምንት የፖሊስ ኃይል?

በተደጋጋሚ ፖሊስ የዶክትሪኑን ሪፎርም አካሄደ ሲባል ከአሥር ቀናት በማይበልጥ ጊዜ ድግግሞሹን ስምተናል። ዋናው ጥያቄ መሆን ያለበት አመራሮቹ ብቃት አላቸውን ወይንስ ለጠቅላይ ሚኒስትሩ የምልመላ መለኪያቸው ለእርሳቸው ያለው ታማኝነት ብቻ መሆን ይኖርበታልን?

ከሕዝባችን ደኅንነትና የሃገራችን ተቋማዊ አሠራር አንፃር ሲታይ፡ ዛሬም በጥቅም የተሣሠሩ ሰዎች ሥልጣናቸውን መከታ አድርገው ራሳቸውን የሚጠቅሙባት ኢትዮጵያ ለመገንባት መሯሯጣቸውን አመላካች ነው። ትላንት ሕዝቡ በትግሉ ያዘፈቀው ሥርዓት ዛሬም ጥርስ እንዲኖረው መደረጉን በገሃድ እያየን ነው። ምንም ይሁን ምንም ለዚህ ደግሞ ምክንያቱ፣ ከእንግዲህ የትላንቱን ብልሹ አሠራር እነርሱ ሥራ ላይ እያዋሉ ለዘለቄታው በሰላም መኖር አይቻልም።

ከፊውዳላዊነቱ (ሠራዊቱ)፡ አዛዦችና መዋቅሩ ነፃ ባለመውጣቱ፡ የተ/ከንቲባ አዳነችንና መንግሥታዊ ደጋፊዎቿን ቃል ተቀብሎ ታዛዥና ቅጥረኛ መስሎ መታየቱም ለዜጎች እጅግ አሳዛኝ ሆኗል። እኔን ከማዳመጥ፡ ጠቅላይ ሚኒስትሩ ፌስቡክን ብዙ ይጠቀማሉ። እዚህም ላይ ችግሩ ግን፡ ሌላው እንዳይጠቀምበት እርሳቸው ማጥላላትንና መሳደብን የፖለቲካ ብልጠት እርሳችው እንደሚጠቀሙበት ሁሉ ዜጎችም እንደማኅበራዊ ሚዲያነቱ ስለሚጠቀሙበት፡ በተመሥገን ደሣለኝ መታሠርና መፈታት ዙርያ የተጻፉትን— ከተቃዋሚ ፓርቲ [ተፋልሚዎቻቸው] ጋር ስብሰባ ላይ ቢውሉም— ቀደም ብለውም ሆነ ከዚያ በኋላ እንደተመለክቷቸው አልጠራጠርም!

ድንገት በሥራ ብዛት ምክንያት— ወይንም እንደሚሉት በመጠየፍ ጠቅላይ ሚኒስትሩ ሳያነቧቸው ቀርተው ከሆነ—ዋናው የዜጎች ስሜት በተፈጸመው እሥር እንዲሁም ተመሥገን ሕግ ፊት ሳይቀርብ—ስትፈለግ ትመጣለህ ተብሎ ወደቤቱ እንዲሄድ መደረጉ፡ ሃገራችን ውስጥ በሕግ ስም እየተማለ፡ ሕግ ፊት እኩልነት፡ ፍትህና ነፃነት በየቀኑ መደፍጠጣችውን አመላካች ሆኗል።

በመሆኑም ስለዜጎች ስሜት ለጠቅላይ ሚኒስትሩ የተጠቃለለ ግንዛቤ እንዲያስጨብጥ፡ የዐባይ ሚዲያን “አውድማ – እራስን የመከላከል ጥሪ” ጋብዥያቸዋለሁ!

ከላይ ቀደም ሲል “የተ/ከንቲባ አዳነችና መንግሥታዊ ደጋፊዎቿን” ስል የጠቀስኩት አቶ ታዬ ደንደአ በእሥር ዘመኑ የከፈለውን መሥዋዕትነት በማሰብና ኢትዮጵያዊነትን ደግፎ የጻፋችውን በማስታወስ ያሳደረብኝን ከበሬታ ስለተፈታተነበኝ በመበሳጨት ነበር። ሌላው ቀርቶ እኔ እስከዛሬ ከትሬዥሪ ገንዘብ ወጥቶ ለብልፅግና አባላት ሴሚናር የውሎ አበል ለመክፈል ይዞ የሄደውን ሁለት ሚሊዮን ብር ደብረዘይት ላይ ‘በተመሳሳይ ቁልፍ ከመኪና ውስጥ ወሰዱብኝ’ ታዬ ደንዲአን በሌብነት ጠርጥሮ ገንዘቡን አዘርፎ ነው የሚል ድምጽ ያልተሰማበትን ምክንያት—ስገምት—ሕዝቡ ይህ ሰው ንፁህ ነው የሚል ስሜት ይዞ ይመስለኛል።

ከዚህ በፊት የዚህ ዐይነት የግለስብ ጥብቅና ውስጥ አቶ ታዬ ለመግባቱ እርግጠኛ አይደለሁም! አሁን ግን የሃገራችን ፖለቲካ ብቻ ሣይሆን፣ አቶ ታዪም ትዝብት ላይ የወደቀ ይመስለኛል!

ለማንኛውም አብዛኛው ሕዝባችን ድሃና መሃይምነት የተጫነው ቢሆንም፣ በድን ደንቆሮ አድርጎ ሁሉንም እንዲውጥ መጠበቁ ተላላነት ነው!

የቀድሞው የፖርላማ አባልና የአሁኑ አዲሱ ምክትል አፈጉባኤ ተስፋዬ ግን ቀደም ሲል የገነቡት የሕዝብ ድጋፍ ስለመኖሩ እስከዛሬ ምንም ማስረጃ አላየሁም! ከአሁኑ አጀማመራቸው፣ በአፈጉባዔው ቢሮ ይህን ዕድል ያገኛሉ ብዬ አላምንም!

ለነገሩ ማኅበራዊ ሚዲያ ታዪ ደንዴአ ላይ እንጂ—ምክትል አፈ ጉባዔ ተስፋዬ ላይ ስለቀድሞ ማንነታቸው አንዳንዶች ነካ ካደረጉት ውጭ ––በፓርላማ በነበሩበት ወቅት በሕወሃት ዘንድ ተቀባይነት ለማግኘት ካደረጓችው ጥረቶች ውጭ እምብዛም ትኩረት ስበው አላላየሁም!

ዋናው ጥያቄ ግን የዜጎች ጉጉት ወደጎን በሥርዓቱ አቀንቃኞች ተረግጦ ለምንድነው ሃገራችን ከቀን ቀን እንዲህ እያሽቆለቆለች ያለችው? እንዴት ነው ያን የመሰለው የዜጎች የዴሞክራሲና በሃገር በሰላምና በሕግ የመተዳደር መብት ጥማት —ያላንዳች ሃፍረት—በዚህ ደረጃ ተስፋ አስቆራጭ እየሆነ የመጣው?

አምና እኮ በዚህ ወቅት ሃገሪቱ ኃዘን ላይ ነበረች 86 ዜጎቻችን ታርደውና በሌላም መንገድ ተድገድለው፣ የጠቅላይ ሚኒስትሩ መንግሥት ጭንቀት ለሃገር፡ ለሟቾች ቤተሰብ ሣይሆን፣ ፌዴራል መንገድ የዘጉትን እንኳ ለመገሰጽ ነፍሰ ገዳዮቹን ለማውገዝና በሕግ እንዲታይ ለማበረታት ያሉበት እንኳ አልታወቀም ነበር።

ይህም እንደ አባገዳ ሠንበቶ አቆጥቶኝ ስለነበር በእንግሊዝኛ ታህሳስ 1/2019 አንድ Open Letter ጽፌልዎ ነበር። PART Iን ተከትሎ ለተወሰኑ ቀናት ኢትዮጵያ ውስጥ የኔ ብሎግ THE ETHIOPIA OBSERVATORY (TEO) እንዳይነበብ መዘጋቱን ተገነዘብሁ!

እኔም PART IIን ስልክልዎ ገጼ መዘጋቱንና ደብዳቢየን እርስዎም አንብበው የሚወስዱትን እርምጃ ቢወስዱ ለሃገር እንዲሚጠቅም እንጂ በሩን መዝጋት የማይጠቅም መሆኑን ነበር። ለማንኛውም ብዙም ሳይቆይ ገጼም ከእሥር ቀን በኋላ መለቀቁን ተገነዘብሁ!

ይኽ የመንግሥትዎ impulse ወደ ሚያዋጣ መንገድ አይመራም!

የኢትዮጵያ አየር መንገድን በከፊል ወደ ግል ለማዘዋወር የተጀመረው ሂደት መቆሙን ገንዘብ ሚኒስቴር አስታወቀ!

13 Oct
የገንዘብ ሚኒስትር አቶ አህመድ ሽዴ

Posted by The Ethiopia Observatory (TEO)

አዲስ አበባ፣ ጥቅምት 3፣ 2013 (ኤፍ.ቢ.ሲ) የኢትዮጵያ አየር መንገድን በከፊል ወደ ግል ለማዘዋወር የተጀመረው ሂደት መቆሙን የገንዘብ ሚኒስቴር አስታወቀ።

የገንዘብ ሚኒስትር አቶ አህመድ ሽዴ የ2013 ዓ.ም የመጀመሪያው ሩብ ዓመት አፈፃፀምን አስመልክቶ መግለጫ ሰጥተዋል።

በመግለጫቸውም በገቢ ደረጃ በመጀመሪያው ሩብ ዓመት 80 ነጥብ ቢሊየን ብር በላይ ገቢ ሲሰበሰብ፤ 97 ነጥብ 7 ቢሊየን ብር ወጪ ተደርጓል ብለዋል።

ይህም በወጪ ደረጃ የበጀት እጥረት እንደነበር ጠቅሰው፥ እጥረቱን ለመሸፈን ከብሄራዊ ባንክ ወጪ በማድረግ የዋጋ ግሽበት እንዳይጨምር በግምጃ ቤት ሰነድ አማካኝነት ከግል ባንኮች በመደበር እንዲሸፈን ተደርጓልም ነው ያሉት።

በብድር እና እርዳታ በመጀመሪያው ሩብ ዓመት 474 ሚሊየን የአሜሪካ ዶላር ገቢ መገኘቱን ያነሱት ሚኒስትሩ፥ ከኮሮና ጋር በተያያዘ በሚደረግ ድጋፍ 131 ሚሊየን ዶላር ከጀርመን እና ከጃፓን መንግስት መገኘቱንም አስታውቀዋል።

ከዋጋ ግሽበት ጋር በተያያዘ ካለፈው ወር ጋር ሲነፃፀር መጠነኛ ቅናሽ ማሳየቱንም ሚኒስትሩ በመግለጫቸው አንስተዋል።

ከፕራይቬታይዜሽን ጋር በተያያዘ በቴሌኮም ዘርፍ ከዚህ ቀደም ፍቃድ ይሰጣል ከተባለው ሁለት የቴሌኮም ኩባንያዎች በተጨማሪ ከመንግስት ጋር በጋራ የሚሰራ ለአንድ ተጨማሪ የቴሌኮም ኩባንያም ፍቃድ እንደሚሰጥም አውስተዋል።

ይህም በአጠቃላይ በያዝነው ዓመት ፍቃድ ይሰጣቸዋል የተባሉትን የቴሌኮም ኩባንያዎች ቁጥር ወደ 3 ከፍ እንደሚያደርገው እና ይህንን ለማስኬድም የፕራይቬታይዜሽን ስራው ተጠናክሮ መቀጠሉን ገልፀዋል።

የፕራይቬታይዜሽን አካል የሆነውን የሎጂስቲክስ ዘርፍ ግን ኢትዮጵያ የባህር ወደብ የሌላት በመሆኑ የሎጂስቲክ አገልግሎት እንዲሳለጥ ከማድረግ አንፃር ለግል ድርጅቶች ይሰጣል ነው ያሉት።

ከኢትዮጵያ አየር መንገድ ጋር በተያያዘ የኢትዮጵያ አየር መንገድን በከፊል ወደ ግል ለማዘዋወር የተጀመረው ሂደት መቋረጡንም ጠቁመዋል።

ከኢትዮጵያ አየር መንገድ ዓለም አቀፍ ስምና ዝና እንዲሁም ትርፋማ ከሆኑ ድርጅቶች አንዱ በመሆኑም መንግስት ይህን በመገንዘብ ፕራይቬታይዝ የማድረጉን ሂደት ማቋረጡን አስረድተዋል።

ከስኳር ፋብሪካ ፕሮጀክቶች ጋር በተያያዘ ፕሮጀክቶቹን ወደ ግል ለማዛወር የተለያዩ የውጭ ኩባንያዎች እንዲገቡ እየተሰራ መሆኑንም ነው በመግለጫቸው ያነሱት።

ለመንግስት የስራ ሀላፊዎች ሲ ኤም ሲ አካባቢ የተገነቡ መኖሪያ ቤቶችን በጨረታ በመሸጥ እስከ 1 ቢሊየን ብር ለማግኘት መታቀዱንም ነው ሚኒስትሩ የገለፁት።

ይህም ህንፃዎች በተገነቡበት አካባቢ የሪል ስቴት መንደር በመሆኑ እና ከደህንነት አንፃርም ጥያቄ የሚያስነሳ ስለሆነ ቤቶቹን ለመሸጥ ጨረታ ወጥቷል ብለዋል ሚኒስትሩ።

ከትግራይ ክልል ጋር በተያያዘ የፌዴሬሽን ምክር ቤት በክልሉ የሚገኙ የካቢኔ አባላት ህጋዊ ባልሆነ ምርጫ ተመርጠናል በሚል የሀገሪቱን ህገ መንግስት በመጣሳቸው አሁን ባለው ሁኔታ የገንዘብ ሚኒስቴር ለትግራይ ክልል መንግስት በጀት እንደማይለቅም ነው የተናገሩት።

በትግራይ ክልል ለሚገኙ የአገልግሎት ሰጪ ተቋማት በወረዳዎች እና ከተማ አስተዳደሮች በኩል በተጠና ሁኔታ እንዲደርሳቸው ጥረት እየተደረገ እንደሚገኝም ጠቅሰዋል።

ከአንበጣ መንጋ ወረርሽኝ ጋር በተያያዘ በሀገሪቱ ኢኮኖሚ ላይ ያደረሰው ጉዳት ምን ያክል ነው የሚለው ወደ ፊት የሚጠና ሆኖ፤ አሁን ላይ ከዓለም ባንክ በተገኘ 60 ሚሊየን ዶላር ከግብርና ሚኒስቴር ጋር በመተባበር የተለያዩ የመከላከል ስራዎች እየተሰሩ መሆናቸውን ገልፀዋል።

ወረርሽኑ በኢትዮጵያ አቅም ብቻ የሚጠፋ ባለመሆኑ ከኢዳግ እና ከምስራቅ አፍሪካ የአንበጣ መከላከል ባለስልጣን ጋር በቅንጅት ለመስራት ጥረት እየተደረገ ይገኛል።

/በፀጋዬ ንጉስ

“በኢትዮጵያችን እየታየ ያለው ለከት ያጣ ግፍ ቅስም የሚሰብርና በምንም ዐይነት መንገድ ልንታገሰው አይገባም “— አቶ አንዷለም አራጌ

11 Oct

Posted by The Ethiopia Observatory (TEO)

‘አባ ብላ ገመዳ’–    ፍትሕ መጽሔት

10 Oct

The Ethiopia Observatory (TEO)

እረ ተረኞቹ በሃጫሉ ስም ዘረፋው ይብቃችሁ!

9 Oct

Posted by The Ethiopia Observatory (TEO)

ለሃጫሉ ሁንዴሳ ቤተሰቦች የአዲስ አበባ ከተማ ከተማ ከንቲባ በግብር ከፋዩ ገንዘብ ቤት ተሠጣችው። እስካሁንም ለአክቲቪስቱ ብዙ ነገሮች በስሙ ተሠይመውለታል–ትምህርት ቤቶች፡ መንገዶች፣ አምቦ ዩኒቨርሲቲ ማዕከል፣ ወዘተ

ይህ የትላንቱ የከንቲባዋ ‘ሥጦታ’ ያለጥያቄና የከተማው ሕዝብ አንዴም ሳይወያይበት ዘረፋ ተደርጎ ተወስዷል—ተረኛው የዐቢይ አስተዳደር የታወቀበት ባሕር!

የሚያስገርመው ለተያያዙት ዘረፋ አልጠግብ ባይነታቸው እየተተገበረ የሚታየው በሳዑዲ ዐረብያ በቁም ዕሥር ላይ የሚገኘው አላሙዲ ከ1980ዎቹ ያለበት በአሥርት ሚሊዮኖት ብር ዕዳዎች ተሠርዞለታል ተብሏል። በአጭር አባባል ከላይ እስከ መካከል የተከፋፈሉት እነማናቸው? ኢትዮጵያ እንደሆነ፡ መንግሥት በተባለ ኃይል ዘላለም እንድትዋረድና እንድትዘረፍ መሆኑ ግልፅ ነው።

ሃጫሉም በቁሙ ከእነዚሁ ዘራፊዎች አልተለየም–በአዲስ አበባ ተሠጥቶት የነበረውን መሬት በ80 ሚሊዮን ብር መሸጡ ይታወሳል።

እረ ተረኞቹ ይብቃችሁ!

የፌዴሬሽን ምክር ቤት ዛሬ ባካሄደው መደበኛ ስብሰባ የትግራይ ክልልን በሚመለከት ውሳኔ አሳለፈ

7 Oct

አዲስ አበባ፣ መስከረም 26፣ 2013 (ኤፍ.ቢ.ሲ) የፌዴሬሽን ምክር ዛሬ ባካሄደው መደበኛ ጉባዔ የፌደራል መንግስት ከትግራይ ክልል ምክር ቤት እና ከፍተኛ የህግ አስፈጻሚ አካል ጋር ምንም ዓይነት ግንኙነት ማድረግ እንደማይቻል ወስኗል፡፡

የፌዴሬሽን ምክር ቤት የህገመንግስት ትርጉምና የማንነት ጉዳዮች ቋሚ ኮሚቴ ፀሐፊ አቶ ወርቁ አዳሙ በጉዳዩ ዙሪያ መግለጫ ሰጥተዋል፡፡

በዚህም ፌደራል መንግስት ከትግራይ ክልል መንግስት ጋር ግንኙነት እንዳያደርግ ውሳኔ መተላለፉን ነው የተናገሩት፡፡

እንዲሁም የፌደራል መንግስት የትግራይ ህዝብን የሰላም የልማትና መሰረታዊ አገልግሎት ማዕከል በማድረግ ከወረዳ፣ ከከተማ ከቀበሌ አስተዳደሮች ጨምሮ በክልሉ ከሚገኘው ህጋዊ ተቋምማት ብቻ የስራ ግንኙነት እንደሚያደርግም ወስኗል፡፡

አቶ ወርቁ በመግለጫቸው የውሳኔው አፈጻጸምና የፌዴሬሽን ምክር ቤት አፈጉባዔ እና በሚመለከተው ቋሚ ኮሚቴ ክትትል እንደሚያደርግም ነው የገለጹት፡፡

ይህ ውሳኔ የተወሰነው ከዚህ ቀደም በነሃሴ 30 ቀን 2012 ዓ.ም የፌዴሬሽን ምክር ቤት ባደረገው አስቸኳይ ስብሰባ በወሰነው ውሳኔ መሰረት መሆኑ ተገልጻል፡፡

ከዚህ ቀደም የተወሰነው ውሳኔ የትግራይ ብሔራዊ ክልላዊ መንግስት ምክር ቤት፣ አስፈፃሚ አካላት እና የምርጫ ኮሚሽን ምርጫን በሚመለከት ያወጣው አዋጅ፣ ያሳለፏቸው ውሳኔዎችና የፈፀሟቸው ተግባራት ከሕገ መንግስቱ ጋር የሚቃረኑ በመሆናቸው በሕገ መንግስቱ አንቀጽ 9(1) መሰረት እንዳልተደረጉ የሚቆጠሩ፣ የማይፀኑ እና ተፈፃሚነት የሌላቸው ናቸው የሚል እንደነበር ይታወሳል፡፡

ሣህሉ! ተቀበል ምላሼን በትዊተር በጠየቅኸኝ መሠረት Sahelu @Sahelu_bs

6 Oct

የኢትዮጵያ ቀደምት ጉዳዮችና ተግባሮች ምንድናቸው ለሚለው የሃገሪቱ አሠራር ምንነት ቀጥተኛ/ትክክለኛ መልስ መሥጠት አይቻልም። ጠ/ሚሩ ድንገት የመጣባቸው ሃሣብ የሃገሪቱ ቀዳሚ ዓላማ ተደርጎ ሲሠራ ይታያል።

በዘመናዊ የመንግሥት አሠራር፣ ማቀድ፣ ያለውን ሃብትና ንብረት አብቃቅቶ በተግባር መተርጎም ምርጡ መንገድ ሲሆን፣ የመስቀል አደባባይ ዐይነት ፕሮጄክት፣ በድንገት ቤተ መንግሥቱን ውስጡንና ውጭውን እንደሸገር ሁሉ ማስዋብ ቅድሚያ እየተሠጠው በሃገሪቷ ገንዘብ አጠቃቀም ረገድ አላስፈላጊ ሽሚያ ፈጥሯል።

ይህ ከሆነ ግን እንዴት ነው ሥራውና  ውጤቱ ፊናንስ የሚደረገው? እንደሰማነው የተደረገው ተደርጎ ግን አጋጣሚ ሲገኝ የመንግሥት ኃላፊዎች ድል እንዳደረጉና፤ ጥሩ ውጤት መገኘቱ ይነገረናል!

አብዛኞች ሌሎች ሃገሮች የተወሰኑ ዓመታት ዕቅድ አላቸው። ለዚህ ገንዘብ በበጀት ይያዛል። ይህንን ፕሮግራም አስፈጻሚዎች እንዲከታተሉት በሕግ ይጸድቃል። ብሄራዊ ኦዲተር ጂኔራል በዚህ ላይ ለፓርላማ ሪፖርት በማቅረብ የሥራ አፈጻጸሙን ይገመግማል።

እኛ ሃገር የመንግሥት አመእራር ለኦዲተር ጄነራሉ ጊዜ እንደሌው በጠ/ሚሩና አፈ ጉባዔው ተዶልቱ ሃገሪቱ 76 ቢሊዮን ብር በጀት ስታፀድቅ ኦዲተሩ ድርሽ እንዳይሉ ኮቪድ ምክንያት ተደርጎ ነገሩ ሁሉ ተደነቃቅፎ አረፈው—ሪፖርተር እንደዘገበው።

ፕሬዚደንቷ ያለፈውን ዓመት በስኬትና  ጉድለት የታጀበ ነው ቢሉንም፣ (ሀ) ዲፕሎማሲው ጥሩ ውጤት ማስገኘቱን ሲያነሱ አስደንግጦኛል። (ለ) የዓለም የቡናና የወርቅ ዋጋ ሲያንሠራራ የኛ ሥራ ውጤት የፎሬክስ ገቢያችንን እንዳበራከተ ተደርጎ ተነስቷል።

እኛ ሃገር ግን የዕቅድና የሥራ ውጤት ሣይሆን፣ ከላይ እንደተጠቀስው ጠቅላይ ሚኒስትሩን የሚያስደስቸው ነገር ሲፈጸም ነው የምናየው።

ኢትዮጵያ በዲፕሎማሲ በኩል ችግር እየገጠማት መሆኑ ቢታወቅም፣ ድል እንዳደረገች ተደርጎ ሲነገር መስማቱ አይመችም። በኖቤል የሰላም ሽልማት በሚመራት ሃገር፣ እሥራትና የስብዓዊ መብቶች ጥሰትና የዜጎች ግድያ እይተባለ በተደጋጋሚ ይነሣል—መፍትሄው እስካሁን ባይታወቅም።

የሕግ የበላይነትን ፕሪዜደንቷ ቢያነሱም፣ ያለፈው ዓመት ጥቅምት ወር 86 ሰዎች ቢገደሉም ተጠያቂ የተደረገ ግለሰብ የለም–ለሕይወታቸው መጥፍፋት ምክንያቱ ምን እንደሆነ ቢታወቅም! መንግሥት የዜጎችን ድኅንነት የማረጋገጥ ኃላፊነቱን ሲወጣ አላየንም! ”በአጠቃላይ በሰላም ወጥቶ በሰላም እንዲገባ ሃገራዊውን ሰላም የማረጋገጥ ሥራ ሕዝቡን ባሳተፈ መልኩ ይሰራል” ነው ፕሬዚደንቷ ያሉት። ምንድነው የታሠበው? የአብዮት ጥበቃ፣ ወይንስ ለብልፅግና ዘብነት?

ፕሬዚደንቷ ትክክል ናቸው፤ የዲሞክራሲ መርሆች ዜጎችንና መንግሥትንን አቀራርቦ በመቻቻል እንዲሠሩ የሚያደርግ ነው—ኢትዮጵያ ውስጥ ሥልጣን ላይ ያለው ሥልጣን የሌለውን መዝለፍ እየተባባሰ ቢሆንም!

እጅግ አዝናለሁ ለጠ/ሚ ዐብይ ምንጊዜም ፖለቲካ ተቃዋሚው ተፋላሚያቸው ነው። ተፃራሪ ነውና በስብሰባ አዳራሽ እንኳ ከፍ ዝቅ እያደረጉ ማብጠልጠልና አላስፈላጊ ያልሆነ ከእርሳቸው የማይጠበቅ አሽሙርተኝነትና ዘለፋን ሲወረውሩ ማዳመጥ የተለመደ ሆኗል። ይህ የመንግሥታቸው ችግር አይደለምን? እርሳቸው ሲመሰገኑ፣ ሌላው ለምን ይብጠለጠላል?

ይህበ ምንም መልኲ የሃገር አመራር ጥበብ ወይንም ዲፕሎማሲ አካል ነው ብዬ አላምንም! በሌሎች ስሞቹ ማስፈራራት ወይንም ማሸማቀቅ ነው! @EthiopiaMoment

EthiopiaObservatory (TEO)

%d bloggers like this: