የአገሪቱ የውጭ ምንዛሪ ክምችት የ2 ነጥብ 2 ወራት የገቢ ንግድን ይሸፍናል – ተክለወልድ አጥናፉ

17 May
    የአዘጋጁ አስተያየት

    ጊዜው በገፋ መጠን በውጭ ንግዷ ሳይሆን፡ ሃገሪቱ በውጭ ግል ሃዋላ መኖር ጀምራለች ማለት ይሆን? በዚህ በዘጠኝ ወር ውስጥ፡ ከዶላር አንጻር የኢትዮጵያ ብር 5.8% ወርዷል። ይህ በውጭ ገበያ ተወዳዳሪነትን ይጨምራል ብንል እንኳ፡ የሃገሪቱ የውጭ ምንዛሪ ክምችት የጨመረው በሽቀጦች ንግድ መሻሻልና ገቢያችን በመጨመሩ ምክንያት እይደለም።

    የብሔራዊ ባንኩ አስተዳዳሪ እንደገለጹት፡ ገቢው የዳበረው ግለስብ ኢይጵያውያን ወድ ሃገር ቤት በሚልኩት የውጭ ምንዛሪ እንደሆነ መገመት ይቻላል – የባንኩ ገዥ ክንግድ ምን ያህል ገቢ እንድተገኝ ድምሩን ባለመስጠታቸው። ካለፈው ዓመት ጋር ብቻ ሲነጻጸር የግል ሃዋላ የንገዘብ ሽግግር (private transfer) 43% በመጨመር ወደ $2.1 ቢልዮን ከፍ ብሏል፡፡

    በተጨማሪም፡ የብድር አቅርቦትን ለማሻሻል ብር 45.1 ቢልዮን ቢመደብም፤ ሥራ ላይ የዋለው መጠን ግን ከብር 13 ሚሊዮን አልበለጠም። ይህም ምን ያህል የኤኮኖሚ እንቅሳቃሴ ሃገር ውስጥ ለመቀዛቀዙ ተጨማሪ ማስረጃ ነው።

    የዓለም ኤኮኖሚ መቀዝቀዝ ለዚህ መጠናኛ አስተዋኦ አንዳለው ቢታወቅም፤ የኢትዮጵያ የውጭ ንግድ ገና ከማለዳው ትክክለኛው ፖሊሲና አግጣጫ አልያዘም። ይህም ሃግሪቱ ውስጥ ለምርት መስፋፋትና ለአገልግሎቶች መሻሻል ሁኔታው ባለመኖሩ ነው። በተጨማሪም፡ ጉበኝነት፡ ከመሬት ቅርምትና ክታክስ ጋር ተያይዞ የሕግ ተከባሪነትና ተፈጻሚነት መመንመን ሁኔታውን አባብሰውታል።

    ባለፈው ዓመት አቶ ተክለወልድ ጥሩ የፖሊሲ ምክር ለፓርላማው ስጥተው ነበር። ይኸውም ለዋጋ ግሽበትም ሆነ ለሌሎች ሁሉም የኤዶኖምው ችግሮች መፍትሄው ምርት! የበለጠ የእርሻ ምርት! ብለው ነበር። ኢንፍሌሽን ቀነስ ቢባልም፤ ሌሎቹ ችጎርች እንዳሉ ሰለሆነ፤ እዚህ ላይ እሳቸወም በፖሊሲው ተስፋ ቆረጡ መስለኝ፡ በአሁኑ ጊዜ ገታ ማለታቸው አስገርሞኛል።

==================000=======================

Posted by The Ethiopia Observatory

በባሃሩ ይድነቃቸው* የአገሪቱ የውጭ ምንዛሪ ክምችት የ2 ነጥብ 2 ወራት የገቢ ንግድን ይሸፍናል

አዲስ አበባ ፣ግንቦት 7 ፣2005 ( ኤፍ.ቢ.ሲ) የተረጋጋ የፋይናንስ ስርዓትን እውን በማድረግ የዋጋ ንረቱን ወደ ነጠላ አሃዝ ለማውረድ የኢትዮጵያ ብሔራዊ ባንክ የተጫወተው ሚና ውጤታማ ነው ተባለ።

ባንኩ የ9 ወራት ዕቅድ አፈጻጸም ሪፖርቱን ለህዝብ ተወካዮች ምክር ቤት የበጀትና ፋይናነስ ጉዳዮች ቋሚ ኮሚቴ ባቀረበበት ወቅት ነው ይህ የተባለው።

በአሁኑ ወቅትም ምንም አይነት የወጪ ምንዛሬ እጥረት እንደሌለና የ2 ነጥብ 2 ወር የገቢ ንግድ ወጪን ለመሸፈን የሚያስችል ክምችት መኖሩን ነው የባንኩ ዋና ገዥ አቶ ተክለ ወልድ አጥናፉ የተናገሩት።

ለውጭ ምንዛሪው ግኝትም የወጪ ንግዱ፣ የውጭ ቀጥተኛ ኢንቨስትመንትና መንግስታዊ የውጭ ዕርዳታ ድርሻ ቢኖራቸውም ፥ ከግል ሃዋላ ዘርፍ የተገኘው ገቢ ግን ከፍተኛ መሆኑ ክምችቱን ከፍ ማድረጉን አስረድተዋል።

በ9 ወሩም ከግል ሃዋላ ፍሰት 2 ነጥብ 1 ቢሊዮን የአሜሪካን ዶላር መገኘቱ ሲነገር ፥ ይህም ከአምናው ተመሳሳይ ወቅት ጋር ሲነጻጸር የ43 ነጥብ 1 በመቶ ዕድገት አለው።

ከውጭ ምንዛሪ ተመን ጋር በተያያዘ ግን በዘጠኝ ወሩ የብር ዋጋ ከአሜሪካን ዶላር አንጻር በ5 ነጥብ 8 በመቶ ዝቅ ማለቱ ተመልክቷል ፤ በጥቁር ገቢያ ደግሞ 7 ነጥብ 7 በመቶ ነው የብር ዋጋ ከአሜሪካን ዶላር አንፃር ዝቅ ያለው።

ይህን ለማስቀረትም ባንኩ በጥቁር ገቢያ ላይ ተገቢውን ቁጥጥር ከሚመለከታቸው ባለደርሻ አካላት ጋር እንዲያደረግ በቋሚ ኮሚቴው አቅጣጫ ተቀምጧል።

የቋሚ ኮሚቴው ሰብሳቢ አቶ ዋና ዋኬ እንዳሉት ከሆነም ባንኩ ሃገሪቱን የፋይናንስ ስርዓት እንዲኖራት ከማድረግ አንጻር በባንኮችና ፋይናንስ ተቋማት ላይ የሚያደርገው ክትትልና ቁጥጥር ውጤታማ ነው።

ይህ እንዳለ ሆኖ በመንግስት ቅድሚያ ለተሰጣቸው ዘርፎች በቂ የብድር አቅርቦት እንዲኖር ከማድረግ አኳያ በዘጠኝ ወራቱ 45 ነጥብ 1 ቢሊዮን ብር ለማበደር ቢታቀድም ፥ ተፈጻሚ የሆነው ግን 30 ነጥብ 4 ቢሊዮን ብሩ ብቻ ነው።

ከዚህ አንፃር ባንኩ በቀጣይ ትኩረት ሰጥቶ መስራት እንዳለበት ቋሚ ኮሚቴው ።

*FBC

%d bloggers like this: