Federal court holds hearings on charges relating to expulsion of Amhara ethnic group members from Benishangul-Gumuz

4 Nov

Posted by The Ethiopia Observatory

አሶሳ ጥቅምት 24/2006 (ኢ.ዜ.አ.) ከቤኒሻንጉል ጉሙዝ ክልል የአማራ ተወላጆችን ያለአግባብ በማፈናቀል ኢ-ሰብዓዊ ድርጊት ፈጽመዋል በሚል በተከሰሱ በእነ አቶ ዋልተጂ በጋሎ የክስ መዝገብ የ44 አቃቢ ህግ ምስክሮችን ቃል የፌደራል ከፍተኛ ፍርድ ቤት ተዘዋዋሪ ችሎት አዳመጠ ። ተዘዋዋሪ ችሎቱ የአቃቢ ህግ ምስክሮችን ቃል ያዳመጠዉ ከጥቅምት 18 እስከ 20 /2006 ዓም በአሶሳ ለሶስት ተከታታይ ቀናት በዋለው ችሎት ነዉ ።

የእነ ዋልተጅ በጋሎ የክስ መዝገብ ፍርድ ቤቱ በአሶሳ ባካሄደው በዚሁ ችሎት አቃቢ ህግ ያቀረባቻውን 44 ሰዎች የሰጡትን የምስክርነት ቃል አንድ በአንድ አዳምጧል።፡ ከ74 የአቃቢ ህግ የሰው ምስክሮች መካከል ባለፈው ነሐሴ 3 እና 6 / 2005 ባተካሄደው ችሎት ምስክርነታቸውን የሰጡትን የሰባት ሰዎችን ጨምሮ በዚህ ችሎት ምስክርነታቸውን የሰጡ 44 ሰዎች ሲሆኑ የአብዛኞቹ ቃል ተመሳሳይ እንደሆነ አቃቢ ህግ ገልጾአል፡፡

በመሆኑም ፍርድ ቤቱ ጊዜን በመቆጠብ ፈጣን ውሳኔን መስጠት ለማስቻል ቀሪ የአቃቢ ህግ የሰው ምስክሮች እንዲቀርብ ትእዛዝ ማስተላለፉን ተዘዋዋሪ ችሎቱ አስረድቶአል፡፡

ሁለት የተከሳሾች ጠበቆች አቃቢ ህግ ባቀረባቸው 44ቱ ሰዎች በሰጡት የምስክርነት ቃል ተከትሎ በእያንዳንዳቸው ላይ መስቀልኛ ጥያቄ ማቅረባቸውንም ተዘዋዋሪ ችሎቱ ለኢዜአ አብራርቶአል፡፡

ፍርድ ቤቱ የተከሳሾች ጠበቆች የሚያቀርቡትን የመከላከያ ምስክር ለመስማት ለታህሳስ 23 / 2006 ዓ.ም. ተለዋጭ ቀጠሮ መስጠቱን ተዘዋዋሪ ችሎቱ አስታውቆአል፡፡

በቤኒሻንጉል ጉሙዝ ክልል ጠቅላይ ፍርድ ቤት አዳራሽ የተካሄደውን ይህንኑ የወንጀል ችሎት ከ100 የሚበልጡ የተከሳሽ ቤተሰቦችና ሌሎች ግሰቦች ተከታትለዋል ፡፡

በፌደራል አቃቢ ህግ በእነ አቶ ዋልተጅ በጋሎ የክስ መዝገብ የተከሰሱ 26 ግለሰቦች ሲሆኑ የካማሽ ዞን እና በስሩ የሚገኙ ወረዳዎች ከፍተኛ አመራሮችና ፖሊሶች ናቸው፡፡ ግለሰቦቹ መጋቢት ወር /2005 ከ3ሺህ የሚበልጡ የአማራ ተወላጆችን ከዞኑ በማፈናቀል ወንጀል ተከሰው ከሃምሌ 8/2005 ጀምሮ ጉዳያቸው በዚሁ ፍርድ ቤት እየታየ እንደሚገኝ በተከታታይ መዘገቡ ይታወሳል፡፡
 

ተዛማጅ ጽሁፍ:

    Benishangul-Gumuz president retracts decision to cleanse region of Amhara settlers; blames “rent-seeking subordinates”

    ኢትዮጵያ ወደአደገኛ አግጣጫ እያመራች ነው

%d bloggers like this: