Addis Abeba residents say lack of water and power interruption clear evidence of bad govarnance

7 Apr

Posted by The Ethiopia Observatory

Minister of Water, Irrigation & Energy Alemayehu Tegenu, our chief negotiator with Egypt, responds to complaints of bad governance by Addis Abeba residents. The minister must have infuriated everyone in speaking with the much-dreaded tone of the ETV, as follows:

    “It is true that there has been power and water interruption in may parts of the city. Government realizes the frustration of the public. However, to address the problems effort is being exerted. As regards power breakdown the office responsible for power has been split into two parts – one producing power and the other building infrastructural capacity. Regarding water, the office concerned has designed speedy short and long-term plan to find solutions.”

    “የውኃ መስኖና ኢነርጂ ሚኒስትሩ አቶ አለማየሁ ተገኑ ጉዳዩን አስመልክተው በሰጡት ምላሽ በከተማዋ የተለያዩ ቦታዎች የኤሌክትሪክ ኃይል መቆራረጥና የውኃ እጥረት መኖሩን ተናግረዋል። በዚህ ምክንያት በህዝቡ ዘንድ የተፈጠረው ቅሬታ እንደሚታወቅና የኤሌክትሪክ ኃይል መቆራረጥ ችግሩን ለመቅረፍ ሥራዎች እየተሰሩ ናቸው፤ ከሥራዎቹ መካከልም ኮርፖሬሽኑ ግንባታውንና አገልግሎቱን በሚከታተሉ ሁለት ድርጅቶች መከፈሉን ለማሳያነት ጠቅሰዋል … የውኃ አቅርቦት ችግሩን ለመቅረፍ የከተማዋ አስተዳደር የአፋጣኝ፣ የመካከለኛና የረጅም ጊዜ ዕቅድ ነድፎ በመሥራት ላይ እንደሆነ ነው ሚኒስትሩ ያስረዱት።”

One cannot be sure if Minister Alemayehu Tegenu has not contributed more to W/o Adanetch Diecha’s frustration, whose neighborhood of Shiro Meda has not had electricity since November/December 2013!
 
========================

አዲስ አበባ መጋቢት 28/2006 (ኢዜአ) በአዲስ አበባ ከተማ የሚስተዋለው የኤሌክትሪክ ኃይልና የውኃ መቆራረጥ የአቅርቦት ሳይሆን የዘርፉ የመልካም አስተዳደር ችግር የፈጠረው እንደሆነ ነዋሪዎች ገለጹ።

ሲቪል ሰርቪስ ሚኒስቴር በበኩሉ የችግሩን ምንጭ በመለየት እርምጃ እንዲወሰድ ለማድረግ በዝግጅት ላይ መሆኑን አስታውቋል።

ወይዘሮ አዳነች ዴቻ በአዲስ አበባ ከተማ ሽሮ ሜዳ ልዩ ስሙ ታቦት ማደሪያ አካባቢ ነዋሪ ናቸው።

ካለፈው ታህሣሥ ወር መጨረሻ ጀምሮ በአካባቢያቸው የኤሌክትሪክ አገልግሎት ጨርሶ የለም በሚባል ደረጃ በመቋረጡ ለተጨማሪ ወጪ መዳረጋቸውና ይህም በኑሯቸው ላይ ከፍተኛ ጫና እንደፈጠረባቸው ይናገራሉ።

እንደ ወይዘሮ አዳነች በርካታ የሽሮ ሜዳ አካባቢ ነዋሪዎች ከሦስት ወራት በፊት ጀምሮ የተፈጠረው ከፍተኛ የኤሌክትሪክ ኃይል መቆራረጥና መጥፋት እንዲሁም የውኃ እጥረት የዕለት ተዕለት ኑሯቸውን ፈታኝ እንዳደረገባቸው ነው የሚገልጹት።

“ችግራችንን በተደጋጋሚ ጊዜ ለሚመለከታቸው አካላት አቤት ብለን ምላሽ በማጣታችን አቤቱታችን ቢሰማ በማለት ይመለከተዋል ወደተባለው መሥሪያ ቤት ደጃፍ ተሰብስበን በመሄድ መፍትሄ ይሰጠን ስንል አቤት ብንልም ችግራችን አሁንም አልተፈታም” ሲሉ አማረዋል።

“ችግሩ የኃይል እጥረት ሳይሆን የመልካም አስተዳደርና ብልሹ ሥነ-ምግባር ነው” በማለት ነዋሪዎቹ አስተያየታቸውን ሰጥተዋል።

የውኃ መስኖና ኢነርጂ ሚኒስትሩ አቶ አለማየሁ ተገኑ ጉዳዩን አስመልክተው በሰጡት ምላሽ በከተማዋ የተለያዩ ቦታዎች የኤሌክትሪክ ኃይል መቆራረጥና የውኃ እጥረት መኖሩን ተናግረዋል።

በዚህ ምክንያት በህዝቡ ዘንድ የተፈጠረው ቅሬታ እንደሚታወቅና የኤሌክትሪክ ኃይል መቆራረጥ ችግሩን ለመቅረፍ ሥራዎች እየተሰሩ ናቸው፤ ከሥራዎቹ መካከልም ኮርፖሬሽኑ ግንባታውንና አገልግሎቱን በሚከታተሉ ሁለት ድርጅቶች መከፈሉን ለማሳያነት ጠቅሰዋል።

የውኃ አቅርቦት ችግሩን ለመቅረፍ የከተማዋ አስተዳደር የአፋጣኝ፣ የመካከለኛና የረጅም ጊዜ ዕቅድ ነድፎ በመሥራት ላይ እንደሆነ ነው ሚኒስትሩ ያስረዱት።

የኤሌክትሪክ ኃይልን በተመለከተ በህዝቡ እየተነሱ ያሉትን የመልካም አስተዳደር ችግሮች ለመቅረፍ በአዲስ መልክ በተዋቀረውና የአስተዳደር ሥራውን በተረከበው ኩባንያ አማካይነት ሥራዎች መጀመራቸውና ችግሮቹም እየተፈተሹ መሆናቸውን ተናግረዋል።

የውኃ አቅርቦትን በተመለከተም ፍትሃዊ ሥርጭት ለማረጋገጥ እጥረት ባለበት አካባቢ ሁሉም ተጠቃሚዎች ውኃ የሚያገኙበትን አሰራር ሊዘረጋ እንደሚገባ ነው ያስረዱት።

በአገልግሎት አሰጣጡ ላይ የሚያጋጥሙ ብልሹ አሰራሮች ከመዋጋትና ከመታገል አኳያ ኅብረተሰቡ የላቀ አስተዋጽኦ እንዳለው በመጥቀስ የዚህ ዓይነቱ ድርጊት የሚፈጽሙትን ህዝቡ በጠቆምና መረጃ በመስጠት ሊተባበር እንደሚገባ ሚኒስትሩ አስገንዝበዋል።

በሲቪል ሰርቪስ ሚኒስቴር የመልካም አስተዳደር ዘርፍ ሚኒስትር ዴኤታ አቶ ተመስገን ጥላሁን በጉዳዩ ዙሪያ በሰጡት አስተያየት መንግሥት በተያዘው ዓመት ለመልካም አስተዳደር ልዩ ትኩረት በመስጠት ችግሩን ደረጃ በደረጃ ለመቅረፍ ሕዝቡን ያሳተፈ እንቅስቃሴ ጀምሯል።

በዚሁ መሰረትም 34 የሚሆኑ ሚኒስቴር መሥሪያ ቤቶች ከነተጠሪ ተቋሞቻቸው ያሉባቸውን የመልካም አስተዳደር ችግሮችና ለዜጎች በሚሰጡት አገልግሎት ዙሪያ ክፍተቶች እንዲለዩ መደረጉን ገልጸዋል።

በተነፃፃሪ ሕዝቡን በስፋት የሚያገለግሉ ተቋማት መለየት የተቻለ ሲሆን ከእነዚህ መካከል ኅብረተሰቡ በመብራትና በውኃ አገልግሎት ብሶቱን እንዲያሰማ እያደረገ ያለው የውኃ መስኖና ኢነርጂ ሚኒስቴር አንዱ መሆኑን ጠቁመዋል።

የሚኒስቴሩ ተጠሪ ተቋማት የአገልግሎት አሰጣጥ ችግር አሁንም በከፋ ሁኔታ ላይ ያለ መሆኑን በመጥቀስ ለማሻሻል ሰፊ ሥራ የሚጠይቅ እንደሆነም አመልክተዋል።

የሲቪል ሰርቪስ ሚኒስቴርም ከውኃ መስኖና ኢነርጂ ሚኒስትርና ከተጠሪ ተቋማቱ የሥራ ኃላፊዎች ጋር በመነጋገር የችግሩን ምንጭ በተጨባጭ ለመለየት የቁጥጥር ሥራ አካሂዶ እርምጃ እንዲወሰድ ለማድረግ ዝግጅት በማድረግ ላይ መሆኑን ሚኒስትር ዴኤታው ተናግረዋል።

ሕዝቡ በተጀመረው የመልካም አስተዳደር ሥርዓት የሚኖረውን ተጠቃሚነት በሚገባ ማረጋገጥ እንዲቻል በግልጽነትና በተጠያቂነት መርህ ላይ የተመሰረተ ጠንካራ ተቋማዊ አሰራር ተግባራዊ ማድረግ እንደሚገባ ጠቅላይ ሚኒስትር ኃይለማርያም ደሳለኝ ጥቅምት 28 ቀን 2006 ዓ.ም ይፋ በተደረገው የመልካም አስተዳደር አገራዊ ንቅናቄ መድረክ ላይ ማስገንዘባቸው የሚታወስ ነው።

ከዚህ አኳያ ሙስናና ብልሹ አሰራርን የሚጠየፍ የሕዝብ አገልጋይ በተደራጀ መልኩ በመፍጠር የሕዝብ እርካታ የሚያስገኙ መንግሥታዊ አግልግሎት ሰጪ ተቋማት በዜጎች ተሳትፎ መረጋገጥ እንዳለበት በማመልከት ጭምር።

የፍትህ፣ የውኃ መስኖና ኢነርጅ፣ የመገናኛ ኢንፎርሜሽን ቴክኖሎጂ፣ የከተማ ቤቶችና ኮንስትራክሽን፣ የትራንስፖርት ሚኒስቴር በስፋት የመልካም አስተዳደር እጦት የሚስተዋልባቸው ተቋማት ተብለው መለየታቸው የሚታወቅ ነው።

በአገልግሎት አሰጣጥ ረገድ ከሕዝብ ጋር ቀጥተኛ ግንኙነት ያላቸው የውኃ መስኖና ኢነርጂን ጨምሮ ስምንት የዘርፍ መሥሪያ ቤቶች የሚታዩባቸውን የመልካም አስተዳደር ችግሮች መፍታት የሚያስችል አጣዳፊ ዕቅድ በአገራዊ መድረኩ እንዲያቀርቡ መደረጉን ኢዜአ በዘገባው አመልክቷል።
 

%d bloggers like this: