State Minister Tadesse Haile in his usual footing: Ethiopia is only nation in the world with cheapest electricity & attractive to investors – Huge discount for both its lack & frequent disruptions?

31 Oct

Posted by The Ethiopia Observatory (TEO)

አዲስ አበባ፣ ጥቅምት 20፣ 2007 (ኤፍ.ቢ.ሲ.) በኢትዮጵያ የኤሌክትሪክ ሀይል አገልግሎት ከዓለም እጅግ ዝቅተኛ የሚባል መሆኑ ተመለከተ።

ኬ ፒ ኤም ጂ አፍሪካ የተባለ ተቋም በደቡብ አፍሪካ ጆሃንበርግ ከተማ “በኢትዮጵያ መዋዕለ ንዋይዎን ያፍሱ” በሚል ርእስ ዛሬ ባዘጋጀው መድረክ ላይ እንተገለፀው በኢትዮጵያ የኤሌከትሪክ ዋጋ በኪሎ ዋት አምስት የአሜሪካን ሳንቲም መሆኑ ተጠቁሟል።

ይህ በዓለም ዝቅተኛ የሆነ የኤሌክትሪክ ዋጋ አገሪቱ ለኢንቨስትመንት ተመራጭ እንድትሆን ካደረጓት መልካም ሁኔታዎች አንዱ ነው ተብሏል።

በመድረኩ ላይ የኢትዮጵያ ዓየር መንገድ በ40 የአፍሪካ አገራት ያለው ፈጣን የጭነት አገልግሎትም የሸቀጥ ትራንስፖርትን በማቅለል ለኢንቨስትመንት መስፋፋት የበኩሉን አስተዋፀኦ እያበረከተ ነው የሚል ሀሳብ ተነስቷል።

የኢንዱስትሪ ሚኒስትር ድኤታ አቶ ታደሰ ሀይሌ ኢትዮጵያ የአፍሪካ የአማራጮች ማዕከል ሆና መቀጠሏን በመድረኩ ላይ ተናግረዋል።

አቶ ታደሰ በኢትዮጵያ ምቹ የኢንቨስትመንት ሁኔታ ለመፍጠር እየተከናወኑ ያሉትን ስራዎች ዘርዝረዋል።

የደቡብ አፍሪካ የንግድና ኢንዱስትሪ ሚኒስቴር የአፍሪካ የሁለትዮሽ የኢኮኖሚ ግኑኝነት ዋና ዳይሬክተር ዞሌልዋ ምሉምቢ ፒተር በበኩላቸው ኢትዮጵያ ምርቶቿን ከቀረጥ ነፃ እንድታስገባ በተለያዩ የበለፀጉ አገራት እድል ማግኘቷም ዓለም አቀፍ ኩባንያዎች ወደ አገሪቱ እንዲጎርፉ እያደረገ ነው የሚል ሀሳብ ሰንዝረዋል።

አገራቸው የግብርና ምርቶችን ብቻ ከኢትዮጵያ እንደምታስገባ ጠቅሰው፥ አሁን ግን ሌሎች የንግድ ዘርፎችም ካሉ ማየት ይገባናል ነው ያሉት።
 

%d bloggers like this: