ታዋቂው የአዲስ አበባ ዩኒቨርሲቲ በሕወሃት ሰዎች ወደአልጋ አከራይነት ሲሸጋገር፣ ሕወሃት ዩኒቨርሲቲዎች እያስፋፋሁ ነው ይላል፣ ፀረ-አማራው የትምህርት ሚኒስትር የከፍተኛ ትምህርት ዘርፍ ወደ ሁለተኛው ዕድገትና ትራንስፎርሜሽን ዕቅድ እየተሻገረ ነው ይሉታል የኢትዮጵያን ዝሕብ

26 Feb

Posted by The Ethiopia Observatory (TEO)
በአዲስ ዘመን የከፍተኛ ትምህርት ዘርፍ ወደ ሁለተኛው ዕድገትና ትራንስፎርሜሽን እቅድ እየተሻገረ ነው

አቶ ሽፈራው ሸጉጤ በአክሱም ከተማ ራህማይ ሆቴል የተካሄደውን ሃያ ስምንተኛውን የከፍተኛ ትምህርት ተቋማዊ ለውጥ ምክር ቤት ጉባኤ እየመሩ ሳለ አንድ አስደንጋጭና አስገራሚ መረጃ አቀበሉ። በአዲስ አበባ ዩኒቨርሲቲ ከ750 በላይ የተማሪዎች ማደርያ ክፍሎች ወይንም ከ2700 በላይ አልጋዎች ለተማሪዎች የተሰጡ «በድብቅ እየተከራዩ ተገኝተዋል» አሉ። እነዚህ ማደሪያ ክፍሎች ማንነታቸው የማይታወቅ ግለሰቦችና በዩኒቨርሲቲው በተመላላሽ ተማሪነታቸው የሚያውቃቸው ተማሪዎች በወር አራት መቶ ብር ሂሳብ እየከፈሉ እየተጠቀሙባቸው ይገኛሉ። (ይህ ገንዘብ በወር ሲሰላ ከአንድ ሚሊዮን ብር በላይ ይሆናል)

ይህን መረጃ የተዛበ መሆኑን በመጥቀስ የዩኒቨርሲቲው የሥራ ኃላፊዎች ተከራከሩ። የዩኒቨርሲቲው የቦርድ አባላትና ጉዳዩን አጥንተው የደረሱበት ግለሰቦች ከጉባኤው ፊት ተጠይቀው «ትክክል ነው» ሲሉ አረጋገጡ። ከብዙ ውዝግብ በኋላ የዩኒቨርሲቲው የሥራ ኃላፊዎች ጉዳዩን አምነው ተቀበሉ። «እንደያውም የተገኘው የማደሪያ ክፍሎች ቁጥር ማደሪያ የለም ተብለው እየተመላለሱ ከሚማሩ ተማሪዎች ቁጥር ጋር ተቀራራቢ ሆኖ ተገኝቷል» የመጀመሪያ አቋማቸውን ቀይረው እውነታውን ገለጹ። ችግሩን ለመፍታት የተለያዩ ሥራዎች እየሠሩ መሆናቸውን ተናገሩ። አቶ ሽፈራውም ይሄ የአዲስ አበባ ዩኒቨርሲቲ ችግር ብቻ አለመሆኑን በመጥቀስ ሁሉም የመንግሥት ዩኒቨርሲቲዎች ከጉባኤው መልስ ግቢዎቻቸውን እንዲፈትሹ ጥብቅ ማሳሰብያ ሰጥተዋል።፡ ስለትምህርት ጥራት ይቀባጥራል -አጥፊዎቹ ሕወሃቶች ናቸውና ተጠያቂዎች አይሆኑም

አቶ ሽፈራው እንደገለጹት፤ የዚህ ዓይነቱ ክስተት የመልካም አስተዳደርና የኪራይ ሰብሳቢነት መገለጫ በመሆኑ ዩኒቨርሲቲዎች ከዚህ አኳያ ራሳቸውን መፈተሽ ይኖርባቸዋል። እንዲሁም ሰላማዊ መማር ማስተማርን የሚፈታተኑ ችግሮችን ለመፍታት እያደረጉ ያሉት ትግል ፍሬ እያፈራ መሆን አለመሆኑን መፈተሽ ይጠበቅባቸዋል። እነዚህ ችግሮች ሊፈቱ የሚችሉትም «በተደራጀ የትምህርት ልማት ሠራዊት አማካኝነት ስለሆነ ለዚህ ጉዳይ ትልቅ ትኩረት መስጠት ይገባል» ነው ያሉት።

የትምህርት ሚኒስትር ዴኤታው ዶክተር ካባ ዑርጌሳ ባቀረቡት የዘርፉ አንደኛው የዕድገትና የትራንስፎርሜሽን እቅድ አፈፃፀም ሪፖርት ላይ «በአብዛኛው ግቦቻችን የተሳኩ ሲሆኑ ያልተሳኩትም ቢሆኑ በጥብቅ ዲሲፕሊንና በቁርጠኝነት በየደረጃው ያለነው አካላት ብንረባረብ ኖሮ ማሳካት እንችል እንደነበረ ከእስከአሁኑ ሂደታችን ልንረዳ ችለናል» ብለዋል።

በሚኒስትር ዴኤታው ሪፖርት እንደተገለጸው ዘርፉ የነበረበትን የተደራሽነትና ፍትሐዊነት ችግር ለመፍታት ተጨማሪ አሥር ዩኒቨርሲቲዎችን ለመገንባት የታቀደው እቅድ ሙሉ በሙሉ ተሳክቷል። በመንግሥት ተቋማት በቅድመ ምረቃ የመደበኛ የተማሪዎች ቁጥር 467ሺ ለማድረስ ቢታቀድም ማሳካት የተቻለው 387ሺ685 ያህሉን ወይንም 83 በመቶውን ነው።

በድህረ ምረቃም የተማሪዎች ቁጥርን 16ሺ አንድ መቶ ለማድረስ ታቅዶ ከእቅድ በላይ በመሥራት 27ሺ 643 ማድረስ እንደተቻለ ነው ያብራሩት። ከዚህ ውስጥ ደግሞ ሦስት ሺ አንድ መቶ ሠላሳ ዘጠኙ በሦስተኛ ዲግሪ ደረጃ ያሉ ተማሪዎች መሆናቸውን ዶክተር ካባ ይናገራሉ። «የሴት ተማሪዎችና የመምህራን ቁጥር እያደገ ቢመጣም ያላቸው ተሳትፎ ግን ብዙም አልተሻሻለም ነው» የሚሉት ለአብነት ያህልም የሴት መምህራን ተሳትፎ ከአሥራ ሦስት በመቶ እንዳልበለጠ ነው የገለጹት።

ሚኒስትር ዴኤታው እንደሚገልጹት፤ የመምህራኑን ቁጥር በ2001ዓ.ም ከነበረበት በሦስት እጥፍ መጨመሩንና ከተማሪዎች ጋር ያለው ጥምርታ ርቀት ምጣኔን ጨምሮ ከእቅድ በላይ ተፈጽሟል። የትምህርት ደረጃ ስብጥሩ ግን ገና ብዙ ይቀረዋል።

ተገቢ የትምህርት መርሐግብሮችን መክፈት በተመለከተ የታቀደው ሰባ በሠላሳ ምጣኔ ሙሉ ለሙሉ ቀደም ብሎ ጭምር መሳካቱን በምህንድስናው ዘርፍም በባቡር መንገድና በስኳር፣ በመንገድና በሌሎች ቁልፍ ልማት ፈፃሚዎች የሚፈልጓቸው መስኮች መከፈታቸውንና የኢንጅነሪንግና የቴክኖሎጂ እቅድ መሳካቱን ዶክተር ካባ ገልጸዋል።

በተጨማሪም ዶክተር ካባ በሥርዓተ ትምህርት ቀረፃ፣ ትግበራና ሥርዓት ማስጠበቅ፣ በማህበረሰብ አገልግሎት፣ በዩኒቨርሲቲ ኢንዱ ስትሪ ትስስር፣ የላቀ ጠቀሜታ ያለው የአይ ሲ ቲ መሠረተ ልማት መስፋፋት፣ የውስጥ ገቢን ጨምሮ የፋይናንስ ምንጮችን በማስፋፋትና በማጎልበት፣ የግል ከፍተኛ ትምህርት ተቋማት ክትትልና ድጋፍ ብቁ ከፍተኛ የትምህርት ተቋማት መፍጠርና በማጠናከር ረገድ የተሠሩ ሥራዎችና ውጤታቸውን ከነተግዳሮታቸው ዘርዝረው ለጉባኤው አቅርበዋል።

በጉባኤው ላይ የዘርፉ ሁለተኛው የዕድገትና ትራንስፎርሜሽን እቅድ ቀርቦ ውይይት ተደርጎበታል። በእቅዱ መሠረትም አሥራ አንድ አዳዲስ ዩኒቨርሲቲዎች ይገነባሉ፣ የሰባ ሠላሳ ፕሮግራም ይቀጥላል፣ የተማሪ መምህር ጥምርታ አንድ ለአሥራ ዘጠኝ፣ የተማሪ ተመራማሪዎች ቁጥርም አሥር ሺ ይደርሳል፣ እያንዳንዱ ተቋም አንድ ሁለተኛ ደረጃ ትምህርት ቤትን ያበለጽጋል፣ የሴት መምህራን ተሳትፎ ሠላሳ በመቶ ይደርሳል፣ የተቋማትና «የኢንዱስትሪ ትስስር ተጠናክሮ ይቀጥላል» የሚል ይገኝበታል።
 

ተዛማጅ ጽሁፍ:

    በአዊ ዩኒቨርሲቲ መሠረት መጣል ስም፡ የእንጂባራ ሕዝብ በ5 ቀን ብር 15 ሚሊዮን አዋጥቶ ለም/ጠቅላይ ሚኒስትሩ እንዲያስረክብ በታዘዘው መሠረት ጉሮሮውን ዘግቶ ክፍያውን ፈጸመ
%d bloggers like this: