UPDATE: ከሞላ አስገዶም ጋር ዓመት የፈጀ ምሥጢራዊ ግንኙነት ነበረኝ ይላል ሕወሃት!

14 Sep

Posted by The Ethiopia Observatory (TEO)

አዲስ አበባ፣ መስከረም 3፣ 2008 (ኤፍ.ቢ.ሲ) ከኢትዮጵያ የደህንነት ተቋም ጋር ለአንድ ዓመት በተደረገ ምስጢራዊ ግንኙነት የትግራይ ህዝብ ዴሞክራሲያዊ ንቅናቄ (ትህዴን) ታጣቂ ሀይል መስከረም 1፣ 2008 ዓ.ም ወደ እናት አገሩ ኢትዮጵያ ገብቷል።

ከ800 በላይ አባላት ያሉት ታጣቂ ሀይሉ የሻዕብያ ቅጥረኛና የኢትዮጵያ ፀረ ሰላም ሃይል የሆነው አሸባሪው ግንቦት 7 ኢትዮጵያ ላይ ያነጣጠረውን የጥፋት ሴራ ባለመቀበል ነው ወደ እናት ሀገሩ የተመለሰው።

የብሔራዊ የመረጃና የደህንነት አገልግሎትና የፌዴራል ፖሊስ የፀረ ሽብር ግብረ ሃይል ትናንት ማምሻውን የላከልን መግለጫ እንደሚያስረዳው፥ በሞላ አስገዶም የሚመራው ይህ ሀይል የሻዕብያን ድርጊት በመቃወም ነው በመተማና ሁመራ አድርጎ ወደ ሀገሩ የተመለሰው።

ሃይሉ በጉዞ ወቅት ከሻዕብያ የተሰነዘረበትን ጥቃት ተቋቁሞ በአንፃሩ የሻዕብያን ሰራዊት እየደመሰሰ ወደ እናት ሀገሩ ሊመለስ ችሏል።

የታጣቂ ሃይሉ መሪ ሞላ አስገዶም ከኢትዮጵያ የደህንነት ተቋም ጋር ለአንድ ዓመት ምስጢራዊ ግንኙነት በማድረግ ብዙ መስዋዕትነት በመክፈል ነው ከነሙሉ ትጥቁ እና ሎጀስቲክ መሳሪያው አገሩ የገባው።

አቶ ሞላ አስገዶም አገር ወዳድ ጓደኞቹን በማስተባበር ለኢትዮጵያ መንግስት የደህንንት ሃይል በየጊዜው መረጃ በመስጠት የማይተካ ሚና መጫወቱንም መግለጫው ጠቅሷል።

ግብረሃይሉ በሞላ አስገዶም የሚመራው ታጣቂው ሃይል ከኤርትራ መንግስት በመንገድ ላይ የተከፈተበትን ተኩስ በመቋቋም እና የሻዕቢያ መሳሪያዎችን እንዲሁም ሰራዊትን ከመደምሰስ ባለፈ የሚጠቀምባቸውን መሳሪያዎች እያወደመ ነው ወደ አገሩ የተመለሰው።

አቶ ሞላ በተጨማሪም የአሸባሪው ግንቦት 7 ሊቀመንበር ብርሃኑ ነጋ አዲስ የተመሰረተውን ውህደት እንዳይመራ እና ተገዶ ኤርትራ እንዲገባ ብዙ እንስቃሴዎችን ማድረጉም ተመልክቷል።

በመግለጫው ሞላ አስገዶም ከመንግስት የተሰጠውን ግዳጅ በድል ማጠናቀቁንም እስታውቋል።

የሱዳን መንግስት ብሎም የትግራይ እና አማራ ክልል መንግስታት የመከላከያ ሰራዊቱን ጨምሮ ተልዕኮውን በመደገፍ ያበረከቱት አስተዋፅኦ ትልቅ ግምት እንደሚሰጠው መግለጫው አመልክቷል።
 

Related articles:

TPDM’s Mola Asgedom said to be in Sudan: Plausible given Khartoum’s close relations with TPLF & Eritrea, or are there other players on the chessboard?

የትግራይ ትግል ቡድን (ደሚሕት) ሊቀመንበር አቶ ሞላ አስገዶም፣ ከጥቂት ጓደኞቻችው ጋር በአዲስ ዓመት ዋዜማ ሕወሃትን መቀላቀላቸው ተሰማ!

ሰበር ዜና: የዴምህት ሊቀመንበርና ከ600 በላይ የሚቆጠሩ የንቅናቄው አባላት ከኤርትራ ኮበለሉ

Addis Ababa praises Sudan for repatriating Ethiopian rebels
 

%d bloggers like this: