ድርቅም ርሃብም የለም ሲሉ የነበሩት የሕወሃት ገጽታ “በተለይ ሕፃናትና እናቶች እንዳይጎዱ ሊታሰብበት ይገባል” ይላሉ – ነሐሴ ላይ በመውረግረግ ኢትዮጵያ ውስጥ ረሃብ የለም የተጎዱ ሕፃናት የሉም እንዳላሉ! አሁን ዓላማው ድርቁም ርሃቡም ያለው አፋርና ሶማሌ ክልል ውስጥ ብቻ ነው ለማለት ይሆን?

15 Oct

Posted by The Ethiopia Observatory (TEO)

አዲስ አበባ፣ ጥቅምት 3፣ 2008 (ኤፍ.ቢ.ሲ) በአገሪቱ አንዳንድ አካባቢዎች የተከሰተውን ድርቅ ለመቋቋም መንግስት የሚያደርገውን ድጋፍና እርዳታ ያጠናክራል ሲሉ ጠቅላይ ሚኒስትር ኃይለማሪያም ደሳለኝ ገለጹ።

የአብዮታዊው ዴሞክራሲ ምክትል መሪ  በአጭሩ ታጥቀው ድርቅን በኦጋዴን ሲፋለሙ (ኤፍ.ቢ.ሲ)

በሃስትና ቅጥፈት እስካሁን ከዋናው ተወዳዳሪ የሆኑት አብዮታዊው ምሁርና የአብዮታዊው ዴሞክራሲ ምክትል መሪ በአጭሩ ታጥቀው ድርቅን ሲፋለሙ (ኤፍ.ቢ.ሲ)

በኢትዮጵያ ሶማሌ ክልል ሲቲ ዞን በመገኘት በአካባቢው የተከሰተውን ድርቅ መቋቋም በሚቻልበት ሁኔታ ላይ ከተለያዩ የማህበረሰብ ክፍሎች ጋር ውይይት አድርገዋል።

ጠቅላይ ሚኒስትሩ በዚሁ ጊዜ እንዳሉት በአገሪቱ የተለያዩ አካባቢዎች የተከሰተውን ድርቅ ለመቋቋም መንግስት እስካሁን 2 ቢሊየን ብር ወጪ አድርጓል።

በአጠቃላይ የኤልኒኖ ተፅዕኖ ለመቋቋም 10 ቢሊየን ብር እንደሚያስፈልግም ጠቅላይ ሚኒስትር ሀይለማርያም ጠቁመዋል።

በቀጣይም ድርቁ በተከሰተባቸው የአገሪቱ አካባቢዎች ዜጎች ለርሃብና ሞት እንደይዳረጉ፣ በተለይም ሴቶችና ህፃናት የጉዳቱ ሰለባ እንደይሆኑና እንስሳትም መኖ እንዲያገኙ በማድረግ መንግስት የሚሰጠውን እርዳታና ድጋፍ አጠናክሮ ይቀጥላል ብለዋል።

በኢትዮጵያ ሶማሌ ክልል የተለያዩ አካባቢዎች በድርቁ ሳቢያ የተጎዱ አካባቢዎችን ከክልሉ መንግስት ጋር በመተባበር የሚደረገው እርዳታና ድጋፍ እንደሚቀጥል ገልጸዋል።

ከሲቲ ዞን የተውጣጡ የሃይማኖት አባቶች፣ ሴቶችና ወጣቶች ከጠቅላይ ሚኒስትሩ ጋር ባደረጉት ውይይትም በድርቁ የተጎዱ ዜጎችን በመርዳት በክልሉና በፌዴራል መንግስት በኩል እስካሁን በተደረገላቸው እርዳታ ምስጋናቸውን አቅርበዋል።

በአካባቢው ከተከሰተው ድርቅ አንፃር ቀደም ብሎ እርዳታ ባይደረግላቸው ህይወታቸው አደጋ ላይ ይወድቅ እንደነበር የገለጹት ተሳታፊዎቹ፥ የድርቁ ሁኔታ በዚሁ ከቀጠለ የሚደረገው ድጋፍም መቀጠል እንዳለበት አሳስበዋል።

በተለይ ጡት የሚያጠቡና ነፍሰ ጡር እናቶች እንዲሁም ህፃናት ልዩ ትኩረት ሊደረግላቸው እንደሚገባም ነዋሪዎቹ አስተያየታቸውን ሰጥተዋል።

የእንስሳት መኖ እጥረት የተከሰተባቸውና አሁንም እርዳታ የሚሹ አካባቢዎች መኖራቸውን ጠቁመው መንግስትና ሌላው ማህበረሰብም አስፈላጊውን እገዛ እንዲያደርግ ጠይቀዋል።

በክልሉ የተፋሰስ ልማት ተጠናክሮ እንዲቀጥል፣ የመንገድና ሌሎች መሰረተ ልማቶች እንዲስፋፉ በማድረግ የፌደራል መንግስት ድጋፍ እንዲያደርግም ጠይቀዋል።

ጠቅላይ ሚኒስትር ኃይለማሪያም በዚሁ ጊዜ በሰጡት ምላሽ በኤል ኒኖ ሳቢያ የተከሰተውን ድርቅ ለመቋቋም በመንግስት በኩል የሚደረገው ጥረት ቀጣይነት ይኖረዋል።

ድርቁ በሰውና በእንስሳት ላይ ጉዳት እንዳያስከትል መረባረብ ቅድሚያ የሚሰጠው ተግባር መሆኑንም አመልክተዋል።

በእስካሁኑ ሂደት በጥቂት አካባቢዎች በእንስሳት ላይ ሞት ቢያስከትልም በሰዎች ላይ ግን የህይወት መጥፋት እንዳያስከትል በማድረግ ክትትልና ድጋፍ መደረጉን ገልጸዋል።

የድርቁ ሁኔታ በቀጣዮቹ ስድስት ወራትም ይቀጥላል የሚል ግምት መኖሩን የጠቆሙት ጠቅላይ ሚኒስትሩ፥ በሰውና በእንስሳት ላይ ከባድ ጉዳት እንዳያስከትል መንግስት ከህዝቡ ጋር ተባብሮ ይሰራል ብለዋል።

በኢትዮጵያ ሶማሌ ክልል ከሚገኙት 68 ወረዳዎች 19ኙ በድርቁ የተነኩ ሲሆን፥ 375 ሺህ ዜጎች እርዳታ ያስፈልጋቸዋል።

በፌደራል መንግስት በኩል እስካሁን የ51 ሚሊየን ብር ድጋፍ ሲደረግ የክልሉ መንግስትም ከ300 ሚሊየን ብር በላይ መድቦ እርዳታና ድጋፍ በማድረግ ላይ ይገኛል።

የኢትዮጵያ ሶማሌ ክልል ርዕሰ መስታዳድር አብዲ ኡመር በበኩላቸው በክልሉ 17 ወረዳዎች በድርቁ መጎዳታቸውን እና ከእነዚህ ውስጥ ሰባቱ ወረዳዎች ይበልጥ መጠቃታቸውን ገልጸዋል፡፡

ክልሉ ከፌዴራል መንግሥት ጋር በመሆን የአስቸኳይ ጊዜ የምግብ፣ የመድኃኒትና የመኖ አቅርቦት ከማሰራጨት በተጨማሪ ዘላቂ መፍትሄዎችንም በተቀናጀ መንገድ በመተግበር ላይ መሆኑን ተናግረዋል፡፡
===============

አዲስ አበባ፣ ጥቅምት 4፣ 2008 (ኤፍ. ቢ. ሲ) ጠቅላይ ሚኒስትር ኃይለማርያም ደሳለኝ በአፋር ክልል በድርቅ ከተጎዱ አካባቢዎች አንዱ የሆነውን የአሚባራ ወረዳን ተዘዋውረው ጎበኙ።

ጠቅላይ ሚኒስትሩ በድርቁ ጉዳት ከደረሰባቸው አርብቶ አደሮች ጋርም ዛሬ ወይይት አካሂደዋል።

በዚህም መንግስት በድርቅ ለተጎዱ የህብረተሰብ ክፍሎች የሚያደርገውን ድጋፍ አጠናክሮ እንደሚቀጥል ተናግረዋል።

በድርቁ ምክንያት በሰው ህይወት ላይ የደረሰ ጉዳት ባይኖርም የኑሯቸዉ መሰረት የሆኑት ከብቶቻቸው በመሞታቸው ከእንስሳትና እንስሳት ተዋጽኦ ያገኙት የነበረው ገቢና ምግብ ቀንሷል፤ በተለይ ህፃናትና እናቶች እንዳይጎዱ ሊታሰብበት ይገባል ብለዋል።

የአብዮታዊው ዴሞክራሲ ምክትል መሪ የለም ያሉትን ድርቅ መኖር ተቀብለው ለአፋሮች አመራር ሲሰጡ (ፎቶ ፋናhttp://www.fanabc.com/media/k2/items/cache/187192f7ca287628f0a505c33d4cc832_L.jpg?t=1444929986)

በሃስትና ቅጥፈት እስካሁን ከዋናው ተወዳዳሪ የሆኑት አብዮታዊው ምሁርና የአብዮታዊው ዴሞክራሲ ምክትል መሪ የለም ያሉትን ድርቅ መኖር ተቀብለው ለአፋሮች አመራር ሲሰጡ (ፎቶ ፋና http://www.fanabc.com/media/k2/items/cache/187192f7ca287628f0a505c33d4cc832_L.jpg?t=1444929986)

ጠቅላይ ሚኒስትር ኃይለማርያም ከነዋሪዎቹ ለተነሱ ጥያቄዎች በሰጡት ምላሽ ድርቁ በህብረተሰቡ ላይ የከፋ ጉዳት እንዳያስከትል የሚያደረጉ ልዩ ልዩ ድጋፎች ተጠናክረው እንደሚቀጥሉ አረጋግጠዋል።

በተለይም በእናቶችና ህጻናት ላይ ጉዳት እንዳይደርስ ከእንስሳት ተዋፅኦ የሚያገኙትን ምግብ የሚተኩ የአልሚ ምግብ ድጋፍ ይደረጋል ነው ያሉት።

ነዋሪዎቹ “ፕሮሶፒስ ” የተባለው መጤ አረም የእርሻና ግጦሽ መሬቶችን በመውረር በእንስሳት ምርትና ምርታማነት ላይ ከፍተኛ ጉዳት እያደረሰ በመሆኑ መፍትሄ እንዲፈለግለት ለጠቅላይ ሚኒስትሩ አንስተዋል፡፡

መጤ አረሙን በቴክኖሎጂ ወደ ኤሌክትሪክ ሃይል ለመቀየር ስራ መጀመሩን የተናገሩት አቶ ኃይለማርያም፥ የበሰቃ ውሃ የሚያደርሰውን ጉዳት መቀነስ የሚቻልበትና

ከተቻለም ለልማት የሚውልበትን ሁኔታ ለመፍጠር መንግስት በአለም አቀፍ ድርጅት ጥናት እየስጠና መሆኑን ገልጸዋል።

የሃላይደቤ ጥልቅ የከርሰ- ምደር ውሃን በቅርቡ ጥቅም ላይ በማዋል የአካባቢው ህብረተሰብ ለእርሻ ስራ እንዲጠቀምበትና አካባቢዉን ወደ ለምነት ለመቀየር መንግስት ቁርጠኛ መሆኑንም ተናግረዋል።
 

%d bloggers like this: