መሬት ለሱዳን ለመሥጠት ወያኔ እያደረገ ያለው እንቅስቃሴ በኢንሳ እየተመራ መሆኑን አንድ ከፍተኛ ባለሙያ አጋለጠ፤ ሕዝቡ በየአካባቢው በንቃት በመከታተል ምልክት እንዳይተከል በመቋቋም አደጋውን እንዲያከሽፍ ጥሪ አድረገ!

26 Jan

በከፍያለው ገብረመድኅን – The Ethiopia Observatory (TEO)

በመረጃና ደህንነት ኤጀንሲ(ኢንሳ) ውስጥ ተቀጥሮ የሚሠራ አንድ ከፍተኛ ባለሙያ ኢትዮጵያዊ አማካይነት ኢሣት ያገኝው አስተማማኝ መረጃ እንደሚያሳየው፣ የኢትዮጵያን የመሬት መረጃ የሚሰበስብ የኢትዮጵያ ካርታ ስራ ኤጀንሲ የተባለ መስሪያ ቤት ቢኖርም፣ መንግስት ፎቶ የማንሳቱ ሥራራበኢንሳ እንዲካሄድ ማድረጉ የተለያዩ አላማዎችን ለማስፈጸም ነው ይላል።

የመረጃ ደህንነት ኤጀንሲ በአንድ ብሄር የተያዘ፣ ከመከላከያው ጋር ጥብቅ ቁርኝት ያለው እንዲሁም ለወያኔ ድርጀቶችና ደጋፊዎች መሬት በመስጠት፣ የወያኔን የፖለቲካ ኢኮኖሚ ደግፈው እንዲይዙ ለማድረግ ነው ይላል።

እስካሁን 46 የፎቶ መቆጣጠሪያ ምልክቶች ተስርተው ያለቁ ሲሆን፣ የአየር ላይ ፎቶ የማንሳቱ ስራ እየተሰራ እያለ ለሁለት ሳምንታት በአየር ጸባይ ምክንያት እንዲሁም በአካባቢው እየተነሳ ባለው ሕዝባዊ ተቃውሞ የተነሳ የአየር መቆጣጠሪያ ምልክት ለማቆም ባለመቻሉ እንዲቆም ከተደረገ በሁዋላ፣ ፎቶ የማንሳቱ ስራ እንደገና ተጀምሯል ይላል ሃገር ወዳዱ ግለሰብ የሠጠው መረጃ።
 

 
በመጀመሪያው ዙር የሚካሄደው የፎቶ ማንሳት ስራ ከመተማ እስከ ቋራ ያለውን ወደ 365 ኪሜ እርዝመት ያለው መሬት የሚሸፍን ሲሆን፣ በሂደትም በቤንሻንጉል ክልል አካባቢ ያለውን ፎቶ የማንሳቱ ስራ ይቀጥላል።

አሁን አንገብጋቢው ነገር ይላል ባለሙያው፣ በጎንደርና በሱዳን እንዲሁም በጎንደርና በምእራብ ትግራይ የሚሰሩ የአየር መቆጣጠሪያ ምልክቶች እንዳይሰሩ የአካባቢው ሕዝብ በንቃት መጠበቅ እንዳለበት ባለሙያው ገልጿል።
/ኢሣት
 

%d bloggers like this: