የአስቸኳይ ጊዚ አዋጅ በአማራ ክልል ም/ቤት ውድቅ ሆነ!

25 Oct

Posted by The Ethiopia Observatory (TEO)
by Freedom4Ethiopia
 

ስራ ላይ ከዋለ በኋላ በፌደራል መንግስት ፓርላማ ጸደቀ የተባለለት የወያኒ አስቸኳይ ጊዚ አዋጅ በክልል ም/ቤቶች ያጸድቁታል ተብሎ ሲጠበቅ የአማራ ክልል ም/ቢት አዋጁን ውድቅ ማድረጉ ታወቀ።

የወያኔ ባለስልጣናትን ግራ ያጋባው ይህ የአማራ ክልል ም/ቢት ውሳኔን ለማስቀልበስ የም/ቤቱን አባላት በቡድንና በተናጠል የተደረገው ልመናና ልምምጥ ውጤት ሳያስገኝ ትናንት ቅዳሜ በድጋሚ የተሞከረው አዋጁን የማጸደቅ ሙከራም በድጋሚ በእንቢተኝነት ለመክሸፍ መብቃቱን ከአካባቢው የሚደርሰን መረጃ ያስረዳል።

የም/ቢቱ አባላት አማራውን በአዋጅ ስም በጅምላ ለመፍጀት የታቀደ ስለሆነ በመረጠን ህዝብም ላይ የጭፍጨፋ አዋጅ አናጸድቅም በማለት አዳራሹን እረግጠው በመውጣት አቁዋማቸውን ያሳዩ ሲሆን በፌደራሉ ፓርላማ ጸደቀ የተባለለትን አዋጅ ውድቅ በማድረግ የህዝብ አጋርነታቸውን አሳይተዋል ተብሏል።
 

%d bloggers like this: