አይ ጌታቸው ረዳ!                               “በአሜሪካ የውጭ ጉዳይ መሥሪያ ቤት ውስጥ የኢትዮጵያን ገጽታ ለማበላሸት የሚሠሩ አሉ!”

26 Oct

Posted by The Ethiopia Observatory (TEO)
by The Ethiopian Reporter
 

አሜሪካውያን ወደ ኢትዮጵያ የሚያደርጉትን ጉዞ እንዲሰርዙ የሚከለክል መግለጫ መውጣቱን መንግሥት ተቃወመ፡፡

የአሜሪካ የውጭ ጉዳይ መሥሪያ ቤት ሰሞኑን ባወጣው መግለጫ የአሜሪካ ዜጎች ወደ ኢትዮጵያ ከመጓዝ እንዲታቀቡ ማሳሰቡን፣ የመንግሥት ኮሙዩኒኬሽን ጉዳዮች ጽሕፈት ቤት ኃላፊ ሚኒስትር አቶ ጌታቸው ረዳ ተቃውመውታል፡፡

አቶ ጌታቸው ሰኞ ጥቅምት 14 ቀን 2008 ከአሜሪካ ድምፅ የእንግሊዝኛ አገልግሎት ጋር ባደረጉት ቃለ ምልልስ፣ የአሜሪካ የውጭ ጉዳይ ሚኒስቴር ያወጣው የጉዞ ክልከላ የኢትዮጵያን ሁኔታ የማይገልጽ እንደሆነ ጠቁመዋል፡፡

“በአሜሪካ የውጭ ጉዳይ መሥሪያ ቤት ውስጥ የኢትዮጵያን ገጽታ ለማበላሸት የሚሠሩ አሉ፤” ሲሉ ተችተዋል፡፡ ለዚህም መንግሥት ማስረጃ እንዳለው ተናግረዋል፡፡

የአሜሪካ የውጭ ጉዳይ መሥሪያ ቤት ባወጣው መግለጫ ኢትዮጵያ ውስጥ እየተካሄደ ባለው ግጭት አዘል ተቃውሞ በመቶዎች የሚቆጠሩ መሞታቸውን፣ በሺዎች የሚቆጠሩ መታሰራቸውንና ንብረቶች እየወደሙ መሆኑን ገልጾ አሜሪካውያን ወደ ኢትዮጵያ የሚያደርጉትን ጉዛ እንዲሰርዙ ያሳስባል፡፡

በኢትዮጵያ ውስጥ ባለው ወቅታዊ የፀጥታ ችግር በአዲስ አበባ የሚገኘው የአሜሪካ ኤምባሲ የቆንስላ አገልግሎት ከአዲስ አበባ ውጪ መስጠት እንደማይችል ይጠቅሳል፡፡

ኢንተርኔትና የስልክ አገልግሎቶች በመቋረጣቸው ወይም በመዘጋታቸው የአሜሪካ ኤምባሲ ከአሜሪካ ዜጐች ጋር የሚያደርገው ግንኙነት ላይ መገደቡን ይገልጻል፡፡

አቶ ጌታቸው ለአሜሪካ ድምፅ በሰጡት ቃለ ምልልስ፣ መግለጫው ኢትዮጵያን እንደማይገልጽና አገሪቱ በአሁኑ ወቅት የተረጋጋች መሆኗን አስረድተዋል፡፡

ይህ በእንዲህ እንዳለ በኢትዮጵያ ጉብኝት ለማድረግ ቀጠሮ ይዘው የነበሩ ቱሪስቶች በአገሪቱ በታወጀው የአስቸኳይ ጊዜ አዋጅ ምክንያት በርካቶች ጉዟቸውን እየሰረዙ መሆኑን አስጐብኚ ድርጅቶች ለሪፖርተር ገልጸዋል፡፡

ከሞላ ጐደል 90 በመቶ የሚሆኑ ቀጠሮ የያዙ ቱሪስቶች እንደቀሩባቸው ሪፖርተር ያነጋገራቸው ሦስት አስጐብኚዎች ተናግረዋል፡፡

በዚህ ጉዳይ ላይ መግለጫ የሰጡት የፌዴራል ጠቅላይ ዋና ዓቃቤ ሕግ አቶ ጌታቸው አምባዬ፣ የአስቸኳይ ጊዜ አዋጁ ቱሪስቶችን የሚመለከት አለመሆኑን ገልጸዋል፡፡ ማንኛውም ቱሪስት ያለ ቅድመ ሁኔታ በየትኛውም የአገሪቱ ክፍል መዘዋወር እንደሚችል ማረጋገጫ ሰጥተዋል፡፡
 

ተዛማጅ:

    Foreign Minister Tedros Adhanom: “Ethiopia unrest fueled by Human Rights Watch & opposition in diaspora”

    Ethiopia accuses Egypt, Eritrea of fueling unrest

    Ethiopia accuses Eritrea of ‘kidnapping’ protests | Daily Mail Online

    Ethiopia accuses Egypt, Eritrea of fueling unrest

 

%d bloggers like this: