ሕገ ወጥ ሌላው ዘረፋ: ንግድ ባንክ ከአማራ ክልል ተፈናቀሉ ለተባሉ የትግራይ ተወላጆች ገንዘብ ሊሰጥ ነው!

2 Nov

የአዘጋጁ አስተያየት፡

    ሕወሃት ከመጣ ጀምሮ ያላሠቃየው፣ ያላፈናቀለው ኢትዮጵያዊ የለም። ከዚህ በፊት በመለስ ትዕዛዝና በሽፈራው ሽጉጤ አስፈጻሚነት አማሮች ከጉራ ፈርዳ ተፈናቅለዋል። ያን ጊዜ የሕወሃት አስተዳደር ዓላማው ዕርዳታ እንኳ እንዳይገኙ ማድረግ ነበር። በሌሎች ኢትዮጵያውያንም ላይ እንዲሁ!

    ታዲያ ምንደነው ሕወሃት ከየሥፍራው በትዕዛዝ እንዲወጡ ላደረጋቸው ትግሬዎች የኢትዮጵያ ንግድ ባንክ የታክስ ከፋዩን አደራ በመስበር፣ ድጎማ የሚሠጣቸው? የዚህ ዓላማው በአገዛዝ ዘመኑ የረሳቸውን ትግሬዎች እኔ አለሁላችሁ ለማለት የሚያደርገው አፍራሽ ድጎማ ነው!

    ዛሬ ለከሠረው የሕወሃት ፖለቲካም ሆነ ለተቀባዩ ትግሬዎችም አይበጃቸውም! ይህም እንደገና የሕዝብና ቁጣ፡ ቂምና የወደፊቱ ግጭት ጥንስስ ይሆናል! የሚያስዛነው ግን አብሮ በኖረ ሕዝብ መካከል መቃቃርን ይፈጥራል!

==============
 

Posted by The Ethiopia Observatory (TEO)
 

ጥቅምት ፳፪ ቀን ፳፻፱ (ኢሳት ዜና):- በአማራ ክልል የተካሄደውን ህዝባዊ ተቃውሞ ተከትሎ ከክልሉ ተፈናቅለዋል ለተባሉ የትግራይ ተወላጆች የሚደረገው የገንዘብ መዋጮ ወደ ባንኮችም ተሸጋግሮ ንግድ ባንክ፣ 5 ሚሊዮን ብር የሚጠጋ ገንዘብ ለመስጠት መዘጋጀቱን የባንኩ ምንጮች ለኢሳት ገልጸዋል።

የባንኩ ፕሬዚዳንት አቶ በቃሉ ዘለቀ የፊታችን ሃሙስ መቀሌ ላይ በሚደረገው ስብሰባ ላይ ገንዘቡን ይሰጣሉ ተብሎ ይጠበቃል። የባንኩ የሩብ አመት ስብሰባ መቀሌ ላይ ለማድረግ ከታሰበ በሁዋላ፣ በአገሪቱ በተነሳው ተቃውሞ ተከትሎ ፕሬዚዳንቱ በሌሉበት ስብሰባው የተሰረዘ ቢሆንም፣ ፕሬዚዳንቱ ግን ስብሰባው መካሄድ አለበት የሚል ትእዛዝ በመስጠታቸው በእለቱ ስብሰባው ይካሄዳል።

ከአማራ ክልል ተፈናቅለዋል ለተባሉ የትግራይ ትወላጆች የተለያዩ ክልሎች ተወካዮች ገንዘብ በማዋጣት ትግራይ ድረስ እየሄዱ ሰጥተዋል። ንግድ ባንክን በቦርድ ሰብሳቢነት የሚመሩት አቶ በረከት ስምዖን ሲሆኑ፣ አቶ አባይ ጸሃየና አቶ ሲራጅ ፈርጌሳ፣ ዶ/ር ወልዳይ አመሃ፣ ዶ/ር መስፍን በላቸው፣ አቶ ጌታቸው ነጌራና አቶ ነብዩ ሳሙኤል በቦርድ አባልነት ይገኙበታል።
 

%d bloggers like this: