13 የሃይማኖት አባቶችና ካህናት አርበኞች ግንቦት 7ትን ተቀላቅለው ሕዝብን ማስተባበር ጀመሩ!

19 Nov

Posted by The Ethiopia Observatory (TEO)
 
ኅዳር ፰ ቀን ፳፻፱ ዓ/ም (ኢሳት ዜና):- በዋልድባ ገዳም እና በተለያዩ ቤተክርስቲያኖች ሲያገለግሉ የነበሩ 13ቱ አባቶች ወደ በረሃ ለመውረድ የወሰኑት አገዛዙ በህዝብ ላይ የሚያደርሰውን ግፍ እያዩ ዝም ለማለት ኅሊናቸውና ሃይማኖታቸው ስላልፈቀደ መሆኑን ተናግረዋል።

ጠመንጃ ይዘን ባንዋጋም፣ በረሃ ወርደን ሕዝቡ ለነጻነቱ እንዲነሳ እየቀሰቀስነው ነው ያሉት አባቶች፣ በረሃ ውስጥ ከአርበኞች ግንቦት7 አደራጆች ጋር ከተገናኙ በሁዋላ የኢትዮጵያ ወጣት ትግሉን እንዲቀላቀል ትምህርት በመስጠት ላይ መሆናቸውንም ገልጸዋል።

ከአርበኞች ግንቦት7 መሪ ከፕ/ር ብርሃኑ ነጋና ከሌሎችም የድርጅቱ መሪዎች ጋር በቅርበት በመነጋገር በአካባቢው የተጀመረው ትግል ዳር እንዲደርስ የበኩላቸውን እየተወጡ መሆኑንም አባቶቹ ተናግረዋል። የአርማጭሆና የአካባቢው ሕዝብ ከጎናችን ተሰልፎ ድጋፉን እየሰጠን ነው የሚሉት ሌላ አባት፣ መላው የኢትዮጵያ ሕዝብ እየተቀጣጠለ የመጣውን ትግል ተቀላቅሎ የአገዛዙን ዕድሜ እንዲያሳጥር መልዕክት አስተላልፈዋል።

እኝህ አባት ጳጳሳትና መነኮሳት ሌላውም እንደየስጦታው ተነስቶ ይህን አሸባሪ አገዛዝ ሊያስወግደው ይገባል ብለዋል።

አባቶቹ ቀደም ብለው በሰሜን ጎንደር ሲካሄድ የነበረውን ሕዝባዊ ተቃውሞ ሲያስተባባሩ እንደነበር ይታወቃል።
 

ተዛማጅ:

ጠ/ሚ ኃይለማርያም በአስቸኳይ ጊዜ አዋጁ ምክንያት እነርሱ አሸንፈው ወደ ተለመደው የልማት ሥር መመለሳቸውን ቅዳሜ ገለጹ – ምኞት ይሁን ቅዠት ሕዝቡ ግን ከእርሳቸው በተሻለ ሁኔታ እየተገነዘበ እየታዘባቸው ነው!
 

በአማራ ክልል እራሳቸውን ባደራጁ ወጣት ግብረ ሃይሎች የተላከ መልክት
 

%d bloggers like this: