የሕወሃት ጠቅላይ ፍርድ ቤት በነሃብታሙ አያሌው መዝገብ ላይ ውሳኔ አስተላለፈ: አብረሃ ደስታና ዳንኤል ሺበሺ ወደእስር ይመለሳሉ! ንጹሃኑ እስከዛሬ በከንቱ ለተጉላሉበት ሕወሃት እንዴት ነው የሚጠየቀው?

4 Dec

የአዘጋጁ አስተያየት፡

    ሃገር ለማፍረስ እንጂ ላለመገንባት ሥልጣን የዘረፈው ሕወሃት ገና ብዙ ጉዳት በሃገሪቱ ላይ ያደርሳል። ይህም ችግር የሚመነጨው ከሕግ ወጥነቱና እንደ እንቋላል በእጁ የሚጠብቅበትን ኅይሉን ለሌሎች ዜጎች እንደማስፈራሪያ በመጠቀም ነው! ዶር መረራ ጉዲናን ሲያስር ሌሎችን ለማስፈራራት መሆኑ ግልጽ ነው። አሁን እነዚህን ሁለት ግለሰቦች ሲያሰር ሌሎቹ በፍርሃት በመራድ ሕጉን ያከብራሉ የሚለውን ተስፋ በማድረግ ነው!

    የአስቸኳይ ጊዜ ሕጉን አላከበሩም ያላቸውን ገና አያሌ ያስራል። ይህም ለዘለዓለም ሊቀጥል አይችልም! የሕዝቡ መንፈሰ ጠንካራነት – በተለይም የወጣቱ – አስክ ውድቀቱ ድረስ እምቢተኝነቱን ለመቀጠል ያስችለዋል!

    ይህም የሚያረጋግጠው የኢትዮጵያ ሕዝብ ግድያው፡ እሥርና መረገጡ ስለበረታበት፡ በተለይም ወጣቱ ሞትን መምረጡን ያሳያል።

    ነገር ግን የሕጉ መውጣት የሕወሃትን ዲክታተርነት እንጂ መንግሥት መሆኑን አሁንም ሊያሳይልት አይችልም! መንግሥት በዜጎቹ ከበሬታና ተቀባይነት ሲያጣ የውጭው ኃይል ሊያከበረው እንደማይችል፣ እንደ ድንጋይ የደደረው የሕወሃት ጭንቅላት ውስጥ ሊገባ አልቻለም!

    ቆላ ወገራ አማራ ውስጥ ገበሬዎች ላይ ወረራ ከፍቶ፣ ኮንሶ ውስጥ ሕዝቡን በየቀኑ እየጨፈጨፈ፡ 104 የጎንደር ዩኒቨርሲቲ የአማራና ኦሮሞ ተማሪዎችን ከትምህርት ገበታቸው ካበረረ በኋላ እራሱን ያላንዳች ሃፍረት “ልማታዊ መንግሥት” ለማለት መድፈሩ ሕወሃት ጤነኛ ስላለመሆኑ ምስክርነት ይሠጣል!

    እነዚህ የሃገሪቱ የነገ ተስፋዎች የሆኑት ወጣቶች ወደትምህርት ገበታቸው በአሰቸኳይ እንዴመለሱ ትግሉ በሁሉም መስክ መፋፋም ይኖርበርታል!

    ይግረም ብሎ፣ መረራ ጉዲናን አስሮ የበለጸጉት ሃግሮች ቱሪስቶቻቸው ሃገሪቱን እንዲጎበኙና ዶላርና ዩሮ ለማግኝት ልመናውን በማግሥቱ አሰማ! መልሱን ከወዲሁ ሠጥተነዋል!

    የአውሮፓ ኮሚሽን ምላሽ የብዙ ኢትዮጵያውያንን አንጀት አርሷል፡

ሕወሃት ሊገነዘብ አልቻለም እንጂ፡ የኢትዮጵያና የአሜሪካ ወዳጅነትም እስትንፋስ እያጣ መሆኑ እየተተረከ ነው!

 

Posted by The Ethiopia Observatory (TEO)
በኢትዮጵያ ሰብዓዊ መብቶች ጉባዔ
 
ከፍተኛ ፍርድ ቤት በነፃ ባሰናበታቸው 5ት ተከሳሾች (ሃብታሙ አያሌው፣ ዳንኤል ሺበሺ፣ አብረሃ ደስታ፣ የሽዋስ አሰፋ እና አብረሃም ሰለሞን) ላይ አቃቢ ህግ ለጠቅላይ ፍርድ ቤት ይግባኝ ብሎ አመት ከ3ወር በላይ በቀጠሮ ሲራዘም የነበረው ጉዳይ ዛሬ ብይን ተሰጥቶበታል።

ዳኞች በአራቱ ተከሳሾች ላይ ማለትም፤ ሃብታሙ አያሌው፣ ዳንኤል ሺበሺ፣ አብረሃ ደስታ እና የሽዋስ አሰፋ ላይ ከደህንነት መስሪያ ቤት የቀረበባቸውን የሽብርተኛ ድርጅት አባል ከሆኑ ግለሰቦች ጋር ካደረጉትን የስልክ ልውውጥ በመርመር ነው ውሳኔ የሰጡት። በዚህም መሰረት ሃብታሙ አያሌው ያደረጋቸው የስልክ ልውውጦች ሲታዩ በሽብርተኛ ድርጅት የተፈረጁ ድርጅቶች አባላት ጋር የተደረገ ቢሆንም “በሰላማዊ መንገድ ሁኔታዎችን ለመለወጥ እና ዲሞክራሲያዊ ስርአት ስለመገንባት” የሚያወሩ በመሆኑ የስር ፍርድ ቤት ውሳኔ ትክክል ነው ብለው በነፃ እንዲሰናበት ወስነዋል።

ዳንኤል ሺበሺ እና አብረሃ ደስታ ከፋሲል የኔአለም ጋር ያደረጉት የስልክ ልውውጥ ሲታይ በክሱ እንደቀረበው የሽብር ተግባር ሊፈፅሙ ባያቅዱም፤ በሽብርተኛ ድርጅት ከተፈረጀው ግንቦት 7 ጋር ሁለገብ ትግል በሚለው ሃሳብ የመስማማት አዝማሚያ እንዳላቸው እና ከሰላማዊ ትግል ባለፈ የመንቀሳቀስ ፍላጎት እንዳላቸው እንደሚያሳይ ገልፀዋል ዳኞቹ። ስለሆነም የፀረ ሽብር አዋጁ አንቀፅ 7(1)ን የእንዲከላከሉ ሲሉ ብይን ሰጥተዋል።

የሽዋስ አሰፋም እንዲሁ ከፋሲል የኔአለም ጋር ያደረገውን የስልክ ምልልስ እንዳዩት የገለፁት ዳኞቹ፤ የሽብር ድርጊት ለመፈፀምም ሆነ በሽብርተኛ ድርጅት ውስጥ ለመሳተፍ ፍላጎት እንዳለው ስለማያሳይ በነፃ እንዲሰናበት ተበይኗል።

አብረሃም ሰለሞንን በተመለከተ የቀረበ የተጠለፈ የስልክ ልውውጥ ከደህንነት የቀረበ ሪፓርት ስላልነበረ፤ በቀረቡት የአቃቢ ህግ ምስክሮችን መሰረት አድርገው ነው ዳኞች ውሳኔውን የሰጡት። ከአቃቤ ህግ ምስክሮች ተከሳሹ በመንግስት ላይ ያለውን ጥላቻ እና በግንቦት 7 እየተሳበ መምጣቱን መመልከት ይቻላል ሆኖም ግን በአባልነት ስለመመልመሉ እና ስለተሳትፎው የተገለፀ ነገር ባለመኖሩ በነፃ እንዲሰናበት ወስኗል።

በዛሬው ችሎት ላለፉት በርካታ ጊዜያት በህመም ምክንያት ችሎት ሳይቀርብ በተወካዩ አማካኝነት ጉዳዩን ሲከታተል የነበረው ሃብታሙ አያሌው ከህመሙ በመጠኑ አገግሞ በችሎት የተገኘ ሲሆን አብረሃ ደስታ ደግሞ እዛው መቀሌ የሚገኝ ፍርድ ቤት በፕላዝማ ችሎቱን ተከታትሏል። በአስቸኳይ ጊዜ አዋጁን ጥሰሃል በሚል በእስር የሚገኘው ዳንኤል ሺበሺ ችሎት ሳይቀርብ ቀርቷል።

በፀረሽብር አዋጁ አንቀፅ 7(1) እንዲከላከሉ የተበየነባቸው አብረሃ እና ዳንኤል፤ ክሳቸውን አቃቤ ህግ ሲያንቀሳቅስ እና መጥሪያ ከደረሳቸው በኋላ በድጋሚ ወደ እስር ቤት ተመልሰው የፌደራሉ ከፍተኛ ፍርድ ቤት ጉዳያቸውን መከታተል እንደሚጀምሩ ይጠበቃል።
 

%d bloggers like this: