“ወያኔ እስካልወደቀ ድረስ አንተኛም!” ከባሕር ዳር ወጣቶች የተሰጠ መግለጫ

5 Jan

Posted by The Ethiopia Observatory (TEO)
 

እኛ የባሕር ዳር ወጣቶች ወያኔ እስከሚወድቅ ድረስ ያለንን አቅም በሙሉ በመጠቀም የዜግነት ድርሻችንን ለመወጣት ዐይናችን እያየ ባሕር ዳር ኮበል ላይ በተሰውት ወንድሞቻችን ስም ቃል ገብተናል። ከዚህ ቀደም ባደረስናቸው ጥቃቶች የሰው ሕይወት ላይ ምንም ዓይነት ጉዳት አላደረስንም።

*   ባለሥልጣኖችን ፈልገን አጠናቸው እንዳይመስላችሁ

*   እነሱን መግደል አቅቶንም እንዳይመስላችሁ፧ ወይም ደግሞ ስለእነርነሱስ ሙሉ መረጃ የሌለን እንዳይመስላችሁ

*   እመኑን ለእኛ የባሕር ዳር ወጣቶች ሁሉም ቀላል ነው ማድረግ የምንፈልገውን እናደርጋለን

እስካሁንም ባለሥልጣን ላይ ግድያ ያልጀመርነው የጎንዮሽ ጉዳቱን ለመቀነስ አስበን ስለነበረ ነው። ከዚህ በኋላ ግን በዝርዝር እንዳስቀመጥናችሁ ቅደም ተከተል መሠረት በእናንተም ሆነ በቤተሰባችሁ ላይ ዋጋ እናስከፍላለን።

በመጨረሻም ለገና በአል የሙዚቃ ድግስ በግራንድ ሪዞርት ለማቅረብ የተዘጋጃችሁ ሙዚቀኞች እውነት የባሕር ዳር ነዋሪ የሚታደምላችሁ ይመስላችኋል? እውነት ለከተማችን በዚህ ሰዓት ዘፈን ያስፈልጋታል? የባሕር ዳር ነዋሪ እንዳኮረፈ ነው።ያኮረፈ ደግሞ ዝም ይላል። ለዝምታው ደግሞ መልስ ይፈልጋል ወያኔ ደግሞ በሕመማችንና በዝምታችን በመሳለቅ ወር ባልሞላ ጊዜ ውስጥ ሁለት የሙዚቃ ድግስ ደገሰልን።

ለባሕር ዳር ነዋሪ ግን መልስ አለን። መልሱንም ዛሬ ግራንድ ሪዞርት በር ላይ የማስጠንቀቂያ የቦንብ ፍንዳታ አድርሰናል በቀጣይም አጥጋቢ መልስ እኛ ልጆችህ እንደምንሰጥህ ቃል እንገባልሃለን!

ይሄንን ዝግጅት ለመታደም ያሰባችሁ የከተማችን ነዋሪዎች ሃሳባችሁን ከወዲሁ እንድትቀይሩ ትመከራላችሁ አለበለዚያ እናንተም የጥቃቱ ሰለባ ትሆናላችሁ።

ለሙዚቀኞች:-

አሻፈረን ብላችሁ ዝግጅቱ ላይ ከፍተኛ ጥበቃ ተደርጎላችሁ ብትቀርቡና ጥቃት ሳናደርስባችሁ ብትሄዱ እኳን እስከመጨረሻው ድረስ ባሕር ዳርን የማትረግጧት ከተማ ትሆናለች።

ሞት ለወያኔ ድል ለሰፊው ሕዝብ!
/ምንጭYirgalem Ambachew
 

ተዛማጅ:

 

%d bloggers like this: