ያ ሁሉ የማኑፋክቸሪንግ መዋዕለ ንዋይ የት ገባ? ወይንም ምርቱና አገልግሎቱ የት እንዳለ ንገሩን እያለ ሕዝቡ በቁጣ ፋብሪካ ማቃጠል ጀምሯል! አርከበ ሃገር ሰላም ነው ይላል!

8 Nov

Posted by The Ethiopia Observatory (TEO)



በሪፖርተር
 
ለሁለተኛ ጊዜ በተካሄደው የጃፓንና የኢትዮጵያ ባለሥልጣናትና ባለሙያዎች የሚሳተፉበት የኢንዱስትሪ ፖሊሲ ከፍተኛ የምክክር መድረክ ወቅት በቀረቡ የጥናት ውጤቶች መሠረት፣ የአገሪቱ ጨርቃ ጨርቅና አልባሳት ኢንዱስትሪ ዘርፍ ከጊዜ ወደ ጊዜ የሚጠበቀውን ውጤት ከማስገኘት ይልቅ እያሽቆለቆለ እንደመጣ ታይቷል፡፡

በጃፓን ዓለም አቀፍ የልማት ትብብር ኤጀንሲ (ጃይካ) እና በኢትዮጵያ ልማት ምርምር ኢንስቲትዩት ትብብር በተሰናዳውና፣ ማክሰኞ ጥቅምት 28 ቀን 2010 ዓ.ም. በተካሄደው ከፍተኛ የፖሊሲ ምክክር መድረክ ወቅት የልማት ምርምር ኢንስቲትዩት ተመራማሪው ፀጋዬ ገብረ ኪዳን (ዶ/ር) እና የሙያ አጋሮቻቸው ባቀረቡት ጥናት መሠረት፣ የጨርቃ ጨርቅና አልባሳት ኢንዱስትሪው በተለይም በመካከለኛና በትልልቅ አምራቾች ዘንድ የታየው ማሽቆልቆል ከፍ እያለ መጥቷል፡፡

እንደ ምሁራኑ ጥናት ከሆነ፣ ከ15 ዓመታት በፊት ዘርፉ የፈጠረው 29 በመቶ የሥራ ዕድል ከሁለት ዓመት በፊት በተደረገ ዳሰሳ ወደ 11 በመቶ ዝቅ ብሏል፡፡ በዚሁ ጊዜ ውስጥ ዘርፉ ያደረገው የእሴት ጭመራም ከሰባት በመቶ ወደ አራት በመቶ ዝቅ ማለቱን ተመራማሪው ገልጸዋል፡፡

ዓምና በ137 ከጨርቃ ጨርቅና አልበሳት አምራቾች በተሰበሰበ የመጀመርያ ደረጃ መረጃ መሠረት፣ ዋና ዋና ችግሮች ተብለው በፋብሪካዎቹ የተጠቀሱ የምርታማነት ችግሮች ከኤሌክትሪክ ኃይል አቅርቦት፣ በቂ የጥሬ ዕቃ አቅርቦት አለማግኘት፣ የሠለጠነ የሰው ኃይል አለመኖር፣ የፋይናንስ አቅርቦት፣ የውጭ ምንዛሪ አቅርቦት ችግር፣ እንዲሁም የትራንስፖርትና ሎጂስቲክስ ችግሮች ጎልተው ይጠቀሳሉ፡፡

በምሁራኑ ጥናት መሠረት በኤሌክትሪክ ኃይል አቅርቦት እየተቸገሩ ከሚገኙት ፋብሪካዎች ውስጥ 42 በመቶዎቹ ዋና ችግራቸው እንደሆነ አስታውቀዋል፡፡ በአንፃሩ የኢትዮጵያን መንግሥት በኢንዱስትሪ ፖሊሲ ረገድ ለረዥም ዓመታት እያማከሩ የሚገኙት ጃፓናዊው ፕሮፌሰር ኪኒቺ ኦህኖ፣ የኢትዮጵያን የኢንዱስትሪ እንቅስቃሴ ከሴሪላንካ ጋር በማነጻጸር ባቀረቡት ጽሑፍ ውስጥ በኢትዮጵያ ያለው ርካሽ የኤሌክትሪክ ኃይል አቅርቦት የውጭ ኩባንያዎችን ከሚስቡ ማበረታቻዎች ውስጥ እንደሚጠቀስ ገልጸዋል፡፡
 
___________________________________________________________________________________________________________________________________________________

Related:

Ethiopia’s industry minister admits Ethiopia’s manufacturing sector too sluggish, despite all support

Ethiopia misses planned target of earning $713.4 mil. this year from manufacturing by $500 mil: Could lies be a factor?

Manufacturing faces bright future in investors’ haven Ethiopia, if only citizens not pushed down by inequality, politics of unrepresentative, repressive state

Ethiopia’s manufacturing Malaise

Can Ethiopia serve as a Role Model for the rest of African Countries in Promoting Manufacturing Industries?

—————————————————————————————————————————————————

Manufacturing value adde (MVA) has 5.0% share in GDP (2016). About same at 4% in 1990, according to UNIDO.

በኢትዮጵያ በአሁኑ ወቅት በኪሎ ዋት ኃወር ለኤሌክትሪክ ፍጆታ የሚከፈለው አራት የአሜሪካ ሳንቲም (በአሁኑ ምንዛሪ 10.8 ብር) እንደሆነ ጠቅሰው ይህ በስሪላንካ ከ16 ሳንቲም ወይም ከ43 ብር በላይ በመሆኑ ኢትዮጵያን ተመራጭ የውጭ ኢንቨስትመንት መዳረሻ ከሚያደርጓት መካከል እንደሚመደብ ፕሮፌሰሩ ጠቅሰዋል፡፡

ምንም እንኳ ለሠራተኞች የሚከፈለው ደመወዝ ስሪላንካን ጨምሮ ከሌሎችም የእስያ አገሮች አኳያ ዝቅተኛ እንደሆነና በቀላሉ ለፋብሪካ ሥራዎች ሊሠለጥን የሚችል የሰው ኃይል መኖሩ ቢጠቀስም፣ የአገር ውስጥ አምራቾች ተወዳዳሪ መሆን እንዳልቻሉ፣ ይልቁንም በውጭ ተወዳዳሪዎቻቸው እንደተዋጡ ፕሮፌሰር ኦህኖ አብራርተዋል፡፡

በኢትዮጵያ ልማት ምርምር ኢንስቲትዩት ምሁራን ከቀረቡ ምክረ ሐሳቦች መካከል መንግሥት የቴክኒክና ሙያ ሥልጠና ፖሊሲዎችን እንዲፈትሽ ከመጠየቅ ባሻገር፣ ሠራተኞችን በሥራ ላይ ለማቆየት ልዩ ልዩ ማበረታቻዎች እንዲሰጡ፣ መንግሥትም ኩባንያዎች ለሠራተኞቻቸው በሚሰጡት ማበረታቻ ላይ ድጎማ እንዲያደርግ ከሚጠይቁት ውስጥ የሚጠቀሱት ናቸው፡፡

በአገሪቱ የተገነቡት ኢንዱስትሪ ፓርኮች በመቶ ሺዎች የሚቆጠሩ ሠራተኞች የሥራ ዕድል እንዲያገኙ የማድረግ አቅማቸው ትልቅ እንደሆነ የገለጹት የኢትዮጵያ ኢንቨስትመንት ኮሚሽን ኮሚሽነሩ አቶ ፍፁም አረጋ፣ በተለይ ከቦሌ ለሚና ከሐዋሳ ኢንዱስትሪ ፓርኮች ከፍተኛ ቁጥር ያላቸው ሠራተኞች እየለቀቁ መሄዳቸውን አስታውቀዋል፡፡ በተለይ በቦሌ ለሚ ከተቀጠሩት ውስጥ 40 በመቶዎቹ በወራት ጊዜ ውስጥ ለቀው ወጥተዋል ያሉት አቶ ፍፁም፣ አብዛኞቹም በሚከፈላቸው ዝቅተኛ የወር ደመወዝ መነሻነት እንደሚለቁ፣ የሚቀጥሯቸው ፋብሪካዎችም ተገቢውን ማበረታቻ እንደማይሰጣቸው ጠቅሰው፣ ለሠራተኞች ተገቢውን ጥቅማ ጥቅምና ማበረታቻ መስጠት የቻሉ ኩባንያዎች ሠራተኞቻቸውን ማቆየት እንደቻሉ ተናግረዋል፡፡

መንግሥት ከአሥር ዓመት ባነሰ ጊዜ ውስጥ የአገሪቱ የጨርቃ ጨርቅ ዘርፍ በዓመት የ30 ቢሊዮን ዶላር ገቢ ማስገኘት እንደሚጀምር ሲናገር ይደመጣል፡፡ ይኼውም የሐዋሳ ኢንዱስትሪ ዞንን ጨምሮ በአገሪቱ እየተገነቡ ያሉት ሌሎችም የኢንዱስትሪ ፓርኮች የሚያስገኙት ውጤት ታሳቢ ተደርጎ ነው፡፡ ይሁንና በአሁኑ ወቅት ከጨርቃ ጨርቅና አልባሳት ዘርፍ እየተገኘ ያለው ገቢ ከ150 ሚሊዮን ዶላር በታች ሆኖ ይገኛል፡፡
 

Leave comment

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: