የአርብ ዕለቱ የደብረጽዮን ‘ጠብ ያለሽ በዳቦ’ መጭውን ቀናትና ወራት በእርሳቸው እጅ በሃገራችን ላይ ምፅዓትን አመላካች ይሆን?

16 Dec

Posted by The Ethiopia Observatory TEO
 
አዲሱ የሕወሃት ሊቀ መንበር በየሄዱበት ለዘመናት ዝናቸው የሚቀድማቸው በመሆናቸው፣ ስለእርሳቸው ብዙ የሚሠማው ሠቅጠጥ የሚያደርግ ከደም ማፍሰስ ጋር የተያያዘ ብቻ ነው።

ውስጡ እንዲህ የሆነውን ግለሰብ ፈረንሣዮች ‘ደመ መራራ’ — Le misanthrope — ለሰው ልጅ ጥላቻን ያረገዘ ነው! እጅግ ጠቃሚ ቃል ነው። በአንጻሩ እንግሊዞች ደግሞ የዚህን ተጻራሪ ባህሪ Idealist, Positivist ይሉታል። እነዚህን እዚህ የምጠቅስበት ምክንያት፡ የሕወሃቱን አዲስ መሪ በቅርብ በመመዘን ላይ ያሉ ዜጎችን ጥረት ለማገዝ ነው።

በእኔ እምነት ደብረጽዮን ገብረሚካኤል Le misanthrope ክፍል ውስጥ ሊመደቡ ይገባችዋል ብዬ አምናለሁ።

ከቅርብ ጊዜ ወዲህ እንኳ፡ አማሮችና ኦሮሞች በሕወሃት ሩብ ምዕተ ዓመት ያተረፍነው የወገኖቻችንን መጨፍጨፍ፣ ከሞት የተረፉት ልጆቻችን ከየአልጋዎቻቸው በየማታው እየተጎተቱ በየእሥር ቤቱ ሠቆቃ ይፈጸምባቸዋል። መሬቶቻችን፡ ቤቶቻችንንና የንግድ ተቋሞቻችንን ከሕግ ውጭ መዘረፍና በትግሬዎች በተለይም የሕወሃት አባላት መክፋፈልን አንቀበልም ብለው በሰኔ ወር 2016 ዓ.ም. ቁጣቸው ተጋግሎ ለተቃውሞ ሠልፍ መውጣታቸው ደብረጽዮንን በማስቆጣቱ፣ በፌስ ቡክ ገጻቸው ይኸው የተለመደ ባህርያቸውን በሚያሳይ መልኩ እንኳን 30 ሚልዮን አማራን (ምነው አማራ ላይ ብቻ) መላውን አፍሪካን መደምሰስ እንችላለን ማለታቸውን እንኳን ኢትዮጵያውያን ልብ ያላቸው አፍሪካውያንም አይዘነጉትም!

ሩቅ ሳንሄድ፣ በቅርቡ መቀሌ በተደረገው የግንባሩ ስብሰባ ወቅት፡ ዶር ደብረጽዮን ስንቴ ተናደውና ተቆጥተው ከስብሰባው እንደሚሳይል ተሰፈንጥረው እንደወጡ ድፍን ሃገር የሚያውቀው ጉዳይ ነው። እዚህ ፎቶ ላይ የሚታየውም የማንም ወዳጅ ሳይሆኑ የሁሉም ወዳጅ-መሰሉ አርከበ ዕቁባይ አንዴ ‘የወዳጃቸውን ጉንጭ አለያም የሸሚዝ ኮሌታ እያስተካከሉ — ብዙ የማይታመኑ ወዳጆች እንደሚያደርጉት — በንዴት ማዕበል ተውጠው ወደልቅሶ ያጋደሉትን የዛሬውን የሕወሃት ሊቀ መንበር ሲያቀዛቅዟቸው ይታያሉ!

‘ያደቆስ ሠይጣን…’ እንዲሉ፣ አዲሱ የሕወሃት ሊቀ መንበርም ቁጡነት፡ ከቃላት ይልቅ አፍቅሮተ ኃይል ተጠቃሚነት የወቅቱ የሃግራችን አሳሳቢ ጉዳይ ሆኖአል!

ሌላው ችግር፣ ግለሰቡ ፖለቲከኛ መሆኑን ቢመርጡም ሃሣባቸውን መግለጽ ስለማይችሉ፡ አንዳንዴ የተናገሩትና የሚያደርጉት አራብምባና ቆቦ ሆኖ ይታያል። ይህም ብዙ ጊዜ ግራ መጋባትን ሲፈጥር ተሰተውሷል።

ለምሣሌ ትናንት አርብ ታኅሳስ 15 ቀን ከፋና ጋር ያደረጉት ቃለ መጠይቅ ከላይ እስከታች በቁጣ የተሞላ በመሆኑ፡ በሕዝቡ በኩል፣ በምን ጣጣችን ነው ይኼ ግለሰብ ሚዲያ ላይ በቀረበ ቁጥር የሚደነፋብን ማሰኘቱ ነባር ነገር ነው!

ለነገሩ ቃለ መጠይቁ ሰላማዊ አለመሆኑን ሁሉም የሚስማማበት ይመስለኛል።

ሃቁን ለመናገር፣ ከዚህ በታች ያሠፈርኩት ምን ማለት እንደፈለጉ፣ እነማንን መግደልና ማስገደል፣ ለአገዛዛቸው መሳካት ጭዳ ማድረግና ማስደረግ እንደፈለጉ ግልጽ ስላልሆነ፣ የገባችሁና ብርሃኑ የታያችሁ ለኔም ብርሃኑን ብታካፍሉኝ ባለውለታ ሆናለሁ!
================
 
ለክልላዊና ሀገራዊ ችግሮች ተጠያቂው አመራሩ ነው- የህውሃት ሊቀመንበር

አዲስ አበባ፣ ታህሳስ 6፣ 2010 (ኤፍ ቢ ሲ) ለክልላዊና ሀገራዊ ችግሮች አመራሩ ተጠያቂ መሆኑን አዲሱ አዲሱ የህውሃት ሊቀመንበር ገለፁ።

ሊቀ መንበሩ ዶክተር ደብረፅዮን ገብረሚካኤል በቀደመው የህውሃት አመራር ወስጥ መናቆር እና በዝምድና እስከ መስራት የዘለቀ ችግር እንደነበር ተናግረዋል።

ዶክተር ደብረፅዮን ከፋና ቴሌቪዥን ጋር በነበራቸው ቆይታ በህዝብዊ ወያኔ ሓርነት ትግራይ /ህወሓት/ አመራር ስለተደረገ ሹም ሽር ድርጅቱን ኢላማ ስላደረገው ጥቃት፣ ስለሀገራዊ እና ክልላዊ ሁኔታ አንስተዋል።

ሊቀመንበሩ እንደተናገሩት 35 ቀናት በወሰደው የህወሓት ግምገማ የድርጅት የውስጥ ችግር በጥልቀት ታይቷል።

በዚህ ግምገማ የአመራሩ ደክመት ድርጅቱን እንደጎዳው እና የበላይ አመራሩም ስለዚህ ስራው ሲገመገም ብዙ ጉድለት እንደተገኘበት ነው ያመለከቱት።

የድርጅቱ ማዕከላዊ ኮሚቴ ቅድሚያ ድርጅታዊ፣ ክልላዊ እና ሀገራዊ ጉዳዮችን ገምግሞ ወደ አመራሩ በማለፉም ለእርምጃ ያበቃ ጠንካራ ግምገማ እንዲያካሂድ እንደረዳው ገልፀዋል።

ሶሰት ስራ አስፈፃሚዎችን ከስፍራቸው ያነሳው፣ ለድርጅቱም አዲስ ሊቀመንበር እና ምክትል ሊቀመንበር ያስገኘው ይህ እርምጃ በጠንካራ ግምገማ የመጣ መሆኑን ዶክተር ደብረጽዮን አንስተዋል።

በአሁኑ ወቅት በስፋት እየታየ ስላለው ህወሓትን ኢላማ ያደረገ የጥቃት ዘመቻም ሊቀመንበሩ ድርጊቱን የቆየ ምንጩም የጠላት ምልከታ ነው ብለዋል።

የትግራይ ክልል ከስርዓቱ የተለየ ጥቅም እንዳገኘ አስመስሎ ማቅረብም የዘመቻው ዋና አካል መሆኑን አንስተዋል።

ይህ “ህወሓትን ማዳከም ስርዓቱን ለማፍረስ መሰረት ነው” ከሚል ስሌት የመጣ መሆኑን ያነሱት ሊቀመንበሩ፥ ይህም ዘመቻ የትግራይ ህዝብ ላይ ያነጣጠረ መሆኑን ነው ያስታወቁት።

በጠላት ሀይል ተቀነባብሮ እየተነዛ ያለው የሃሰት ሀሳብ ብዙዎችን እያሳሳተ መሆኑ እንዳለ ሆኖ እውነታውን መግለፅ አለመቻል ግን የድርጅታቸው ድክመት ተደርጎ መነሳቱን ገልፀዋል።

በህወሓት እና በትግራይ ህዝብ ስም የሚቆምሩ እና በጥፋታቸው ልክም በህግ ያልተቀጡ ግለሰቦች መኖራቸው የችግሩ ሌላ ምንጭ ነው ሲሉ አንስተዋል።

ሌሎች የኢህአዴግ ድርጅቶች ጣትን ወደሌላ መጠቆመም አንዱ የችግሩ ምንጭ እንደሆነ ይናገራሉ።

እነዚህ ሁሉ ድክመቶች ተደማምረው ውስጣዊ ተገላጭነትን አስፍተዋል ነው የሚሉት።

ለእነዚህ ፖለቲካዊ ችግሮች መፍትሄ ፖለቲካዊ መሆኑን የተናገሩት ዶክተር ደብረፅዮን፥ በትግራይ ህዝብ እና በድርጅቱ ስም የሚነግዱ ግለሰቦችም ለህግ እንዲቀርቡ ያደርጋል ብለዋል።

በእነዚህ ጉዳዮች ዙሪያ በሰጡት ዝርዝር ማብራሪያ ላይ የተጠናቀረውን ዘገባ ዛሬ ምሽት በፋና ቴሌቪዥን ፋና 90 ላይ ይከታተሉ።
 

ማጠቃለያ

ከቃላት ባሻገር በተግባር ያልፈለጉትን አጥፊነት ቀደም ብለው የተሸጋገሩት ዶር ደብረጽዮን ገብረሚካኤል — የሕወሃት ሊቀ መንበርና የትግራይ ክልል ፕሬዚደንት— ምን ይጠቅማቸው ይሆን እንደታመመ ውሻ ሁሉንም — ‘በሕወሃትና በትግራይ ሕዝብ ስም ከሚቆምሩት ከግለሰቦች ጣቶቻቸውን በሕውሃት ላይ ከሚቆስሩት የኢሕአዴግ ድርጅቶች፣ የትግራይን ክልል ከሥርዓቱ የተለየ ተጠቃሚ አስመሳይ ዘማቾች—“ህወሓትን ማዳከም ስርዓቱን ለማፍረስ መሰረት ነው” — በጥቅስ ውስጥ ያለው የአፍራሽ ስትራቴጂ መሠረትነት ሃሣብ ባይገባኝም — እንዳበደ ውሻ ሁሉንም መንከስ ከጥቅሙ ጉዳቱ ያመዝናል፣ በተለይም የሁሉም ኢትዮጵያዊ ናፍቆት የአፋኙንና ጸረ-ሕዝቡን የሕወሃትን ጀርባ ለአንዴና ለመጨረሻ ጊዜ ማየት ርሃብ ቀዳሚው ስሜት በሆነበት ሁኔታ!

ለመሆኑ፣ ሕወሃት የሚባል ድርጅት አለን? እኛ የምናውቀው ጥቂት ሽፍቶችና ወንበዴዎች በትግራይ ሕዝብም ላይ እንደመዥገር ተጣብቀው የቻሉትን ያህል የሁላችንንም ደም መጠጣት; ያልፈለጉትን ማፍሰሳቸውን ነው!
 

%d bloggers like this: