የብሔራዊ መረጃና ደኅንነት ኃላፊው ጌታቸው አሰፋ ለልጃቸው ለልዕልቲ ጌታቸው ትምህርት ከ1.5 ሚሊዮን ብር በላይ መክፈላቸው ታወቀ! ይህ ገንዘብ ከየት መጣ?

21 Dec

Posted by The Ethiopia Observatory (TEO)
በናትናኤል ኃይለማርያም
 
በብሔራዊ መረጃና ደኅንነት መሥሪያ ቤት ውስጥ በዋና ዳይሬክተርነት የሚሠሩት አቶ ጌታቸው አሰፋ ልጆቻቸውን በአሜሪካን አገር ኢንዲያና ስቴት በሚገኘው ማንቼስተር ዩኒቨርስቲ በሚሊዮን የሚቆጠር የገንዘብ ወጭ እያደረጉ እንደሚያስተምሩ ታውቋል። አቶ ጌታቸው ለልጃቸው ለልዕልቲ ጌታቸው በአንድ ዓመት የምግብና የመጠለያ ወጭዋን ሳይጨምር ለትምህርት ብቻ 1.6 ሚሊዮን ብር እንደከፈሉ ታውቋል።

አብዛኛው የመንግስት ባለስልጣናት የአገሪቷን ሃብት ያለ አግባብ እንደሚያባክኑ የሚታወቅ ሲሆን ልጆቻቸውን በውጭ አገር ለትምህርት እንደሚልኩም ይታወቃል። የኢትዮጵያ የትምህርት አሰጣጥ በአለም ላይ ካሉት አገራት የመጨረሻውን ደረጃ በያዘበት በአሁኑ ወቅት የመንግስት ባለስልጣናት ልጆቻቸውን በአለም ላይ በሚገኙት ምርጥ ምርጥ ዩኒቨርሲቲዎች እየላኩ ከድሃው የኢትዮጵያ ሕዝብ በተመዘበረ ገንዘብ እንደሚያስተምሩ ይታወቃል።

ኢንዲያና ስቴት በሚገኘው ማንቼስተር ዩኒቨርስቲ የምትማረው የደኅነነቱ ኃላፊ ጌታቸው አሰፋ ልጅ የልዕልቲ ጌታቸው ፓስፖርት (አባይ ሚዲያ)

ዛሬ በኢትዮጵያ ውስጥ ብዙ የዩኒቨርስቲ ተማሪዎች እና የከፍተኛና ሁለተኛ ደረጃ ትምህርት ቤቶች ተማሪዎች በአቶ ጌታቸው አሰፋ የደህንነት ሰዎች ስቃይ በመቀበል ላይ ሲሆኑ፣ ገሚሱ እስር ቤት ገሚሱም እየተገደለ ባለበት ወቅት የደህንነቱ ሐላፊ ግን ልጆቻቸውን በውጭ ሀገር በኢትዮጵያ ህዝብ ገንዘብ ማስተማራቸው ብዙዎችን አስቆጭቷል ።

የደኅንነት መስሪያ ቤቱ የአገዛዙን ስልጣን ለማቆየት ከወታደሩ ጋር በመቀናጀት በአገሪቷ ውስጥ ከፍተኛ ሰቆቃና ግድያ እንደሚፈጽም በርካታ መረጃዎች ያሳያሉ። የብሔራዊ መረጃና ደህንነቱ የአገሪቷን ሰላም እና የአገሪቷን ሃብት መጠበቅ ሲገባው ሰላሟን በማፍረስም ሆነ ሃብቷን በመዝረፍ በዋናነት መገኘቱ ሐገሪቷ ያለችበትን ከፍተኛ ችግር ያሳያል ሲሉ አንዳንድ አስተያየት ሰጪዎች ይገልጻሉ።
/AbbayMedia
 

%d bloggers like this: