ወደ ውጭ የሚላክ ሸቀጣ ሸቀጥ በመጥፋቱ አብዛኛው የኢትዮጵያ አየር መንገድ የጭነት አገልግሎቱ መቋረጡ ታወቀ

8 Mar

Posted by The Ethiopia Observatory (TEO)
 
የካቲት 29 ቀን 2010 ዓ/ም (ኢሳት) በኦሮምያ የሚካሄደውን የስራ ማቆም አድማ ተከትሎ ከክልሉ የሚመጡና ወደ ውጭ አገር በኢክስፖርት ስም የሚላኩ እቃዎች በመቋረጣቸው የኢትዮጵያ አየር መንገድ የካርጎ አገልግሎት በአብዛኛው ስራ ማቋረጡን ምንጮች ገልጸዋል።

አመጹ ከመጀመሩ በፊት ዕረፍት ያልነበረው የአየር መንገዱ የጭነት አገልግሎት፣ በአሁኑ ሰዓት ሙሉ በሙሉ በሚባል ደረጃ አገልግሎት እየሰጠ ባለመሆኑ በአየር መንገዱ ውስጥ የሚሰሩ ሰራተኞች ይናገራሉ።

በጭነት (ካርጎ) አግልገሎት ላይ የሚሰሩ የአየር መንገዱ ሰራተኞች፣ ብዙዎቹ ዕረፍት እንዲወስዱ መደረጉን ምንጮች ገልጸው፣ የስራ ማቆም አድማው የሚቀጥል ከሆነ በአየር መንገዱ ህልውና ላይ ቀላል የማይባል ተጽኖ ይፈጥራል ብለዋል።

በተከታታይ የተደረጉት የሥራ ማቆም አድማዎች በቡና፣ በጫት፣ በተለያዩ ማዕድናት የንግድ እንቅስቃሴ እንዲሁም በቱሪዝም ላይ ከፍተኛ ተጽዕኖ ያሳደሩ ሲሆን፣ በአገሪቱ ያለውን የውጭ ምንዛሬ ዕጥረትም እንዳባባሱት የሚደርሱን መረጃዎች ያሳያሉ።
 

%d bloggers like this: