የሞያሌውን ግድያ እንዲያጣራ የተቋቋመው ቡድን ማጣራቱን እንዲያቆም ታዘዘ! የሠሩትን ስለሚያውቁ መረጃው አስፈርቷቸው መሆን አለበት!

30 Mar

Posted by The Ethiopia Observatory (TEO)
 
ዋዜማ ራዲዮ– በቅርቡ በኦሮሚያ ክልል ቦረና ዞን ሞያሌ ከተማ በመከላከያ ሰራዊት አባላት ስለተገደሉት ዜጎች ጉዳይ እንዲያጣራ የተሰየመውና የአስቸኳይ ጊዜ አዋጁን አፈፃፀም የሚከታተለው መርማሪ ቦርድ የማጣራት ተልዕኮውን እንዲያቋርጥ መታዘዙን የዋዜማ ምንጮች አመለከቱ።

በህዝብ ተወካዮች ምክር ቤት የተቋቋመው የአስቸኳይ ጊዜ አዋጅ መርማሪ ቦርዱ ስብሳቢ በአቶ ታደሰ ወርዶፋ የሚመራውና አስራ ሁለት አባላትን ያካተተው መርማሪ ቡድን ከመጋቢት 16 እስከ መጋቢት 24 ድረስ ወደ ሞያሌ ተጉዞ ምርመራ የማካሄድ እቅድ ነበረው።

ይሁንና መጋቢት 16 የመርማሪ ቡድኑ አባላት ወደ ሞያሌ ለመጓዝ በተሰባሰቡበት ወቅት “ከበላይ የመጣ ትዕዛዝ” ነው በሚል ከጉዟቸው እንዲመለሱ መደረጋቸውን የቡድኑ አንድ አባል ይናገራሉ።

“የተወሰነው ጉዞውን መቀጠል አለብን አንመለስም ስንል ሌሎች ደግሞ መመለስ አለብን ስላሉ ጉዞው ሳይካሄድ ቀርቷል” ይላሉ ለዋዜማ ጉዳዩን ያሰረዱት አባል።

የመርማሪ ቡድኑ እንዲመለስ የትኛው ባለስልጣን ትዕዛዝ እንደሰጠ እንደማያውቁም ይናገራሉ።
________________________________________________________________________________________________________________________________________

________________________________________________________________________________________________________________________________________
ቡድኑ ወደ ሞያሌ ተጉዞ ከሟች ቤተሰብ፣ ከቁስለኞች እና ከአካባቢው ነዋሪዎች ጋር በመነጋገርና መረጃ በማሰባሰብ በመከላከያ ሰራዊቱ ስለተገደሉት ዜጎች አጣርቶ ለመምጣት ተልዕኮ ነበረው። ከዚህ በኋላ መርማሪ ቡድኑ ስራውን ይቀጥል እንደሆነ አባላቱ ብዙም ተስፋ አያደርጉም።

የመከላከያ ሰራዊቱ አባላት በመረጃ ስህተት ነው በሚል ቢያንስ ዘጠኝ ሰዎች ገድለው አስራ ሶስት ያቆሰሉ ሲሆን ስምንት ሺ ያህል ወገኖች ደግሞ ወደ ኬንያ ተሰደዋል።

ድርጊቱ በርካቶችን ያስቆጣ ሲሆን መንግስት ድርጊቱን የፈፀሙትን የሰራዊቱ አባላት ትጥቅ አስፈትቶ በቁጥጥር ስር ማዋሉን ተናግሯል።
________________________________________________________________________________________________________________________________________

________________________________________________________________________________________________________________________________________የሰራዊቱ አባላይ የኦነግ ታጣቂዎች በድንበር በኩል ጥሰው ገብተዋል የሚል መረጃ ደርሶት ለወታደራዊ ግዳጅ ወደ አካባቢው እንደተሰማራም መንግስት ገልጿል።

ወታደራዊ አዋቂዎች ግን ሽምቅ ተዋጊን ለመምታት የተንቀሳቀሰ ስራዊት እንዴት በመሀል ከተማና ህዝባዊ እንቅስቃሴ በሚደረግበት አካባቢ የሚገኙ ነዋሪዎችን መለየት ይሳነዋል? ሲሉ መንግስት የሰጠውን ምክንያት ተዓማኒነት አጠራጣሪነት ያሰምሩበታል።

መንግስት ባለፉት ሁለት አመታት በተለያየ መንገድ ለተከሰቱ ግድያዎች አጣሪ ቡድ አቋቁሜ ጥፋተኞችን ለፍርድ አቀርባለሁ ቢልም እስካሁን ተዓማኒ የሆነ ማጣራት ተደረጎ ለፍርድ የቀረበ አካል የለም።
 

ተዛማጅ፡

    ወያኔ በየሥፍራው ወገኖቻችንን እየጨፈጨፈ ነው! በዛሬው ዕለት 15 ዜጎች ቦረና ውስጥ በአጋዚ ተረሽኑ!

    Nine Ethiopians TPLF Agazi killed today in Moyale were innocent citizens, TPLF admits! The killers not charged under the law!

    ሕወሃት የኢትዮጵያ ሕዝብ ጠላት ነው! ሕወሃቶች በኦሮሚያ የጀመሩትን ኅብረተሰብ የማጥፋት እኩይ ተግባር መቋቋም የኢትዮጵያውያን ሁሉ የወቅቱ አስገዳጅ ተግባር ነው! — መደመጥ ያለበት!

    Kenya media preoccupied with onset in earnest of TPLF regime crisis

 

Leave comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: