ወንጀል የፈጸሙ በሕግ ይጠየቁ፣ ጉዳተኞች ካሣ እንዲያገኙና አፋኝ ሕጎች እንዲነሱ የሕግ ባለሙያዎች አሳሰቡ

3 Jul

Posted by The Ethiopia Observatory (TEO)

(ኢሳት ዜና ሰኔ 25 ቀን 2010 ዓ/ም) በመላው ኢትዮጵያ ላለፉት 27 ዓመታት ሕግን ተገን በማድረግ ለተፈጸሙ የመብት ጥሰቶች ተጠያቂ የሆኑ ግለሰቦችና ተቋማት በሕግ ሊጠየቁ እንደሚገባ፤ ወንጀሎቹ በገለልተኛ አካል ተጣርተው ለ ሕግ መጠየቅ አለባቸው። ጉዳተኞቹ ለደረሰባቸው ጉዳቶች ተገቢውን የሞራል ካሣ ሊያገኙ እንደሚገባና የሕግ ተቋማት ዳግም በባልሙያና በገለልተኛ አካል ሊዋቅቀሩ ይገባል ሲሉ የሕግ ባለሙያዎች ተናገሩ።

የሕግ ጠበቃና የሰብዓዊ መብት ተሟጋች የሆኑት አቶ ተማም አባቡልጉ እንዳሉት ‘’አፋኝ የሆነው የጸረ ሽብር ህጉና የወንጀለኛ አንቀጽሕጎች መሻር አለባቸው። ይህን ያስፈጸሙ ግለሰቦች በሕግ ሊጠየቁ ይገባል። በፌደራል ፖሊስ ውስጥ የጸረ ሽብር ግብረኃይል መፍረስ አለበት። ከሕግ ውጪ ጉዳት የደረሰባቸው ሰዎች ህክምናን ጨምሮ የሞራል ካሣ ሊከፈላቸው ይገባል። በሰብዓዊነት ላይ ወንጀል የተፈጸሙት ወንጀልለኞች ጉዳይ በገለልተኛ ዓለም አቀፍ አካል ተጣርቶ በህግ መጠየቅ አለባቸው። በዓለም አቀፍ ፍርድ ቤትም ሊቆሙ ይገባቸዋል። አንድ ሽብርተኛ መንግስት ይቅርታ ጠይቆ አገር ሊያስተዳድር አይችልም። ስልጣኑን ለኢትዮጵያ ሕዝብ ማስረከብ አለባቸው።’’ ብለዋል።

_____________________________________________________________________________________________________________________________________

__________________________________________________________________________________________________________________________

በኢትዮጵያ የተጀመረው የለውጥ እንቅስቃሴን በመጠቀም በውጭ ያሉት የፖለቲካ ፓርቲዎች ወደ አገራቸው መመለሳቸው መልካም ጅምር መሆኑን የሕግ ባለሙያው አስምረውበታል። ይህን አጋጣሚ በመጠቀም የራሳቸውን ሥርዓት መዘርጋት ይገባቸዋልም ብለዋል። ‘’አሁን ያለው አስተዳደር የሞግዚት አስተዳደር ሊያበቃ ይገባዋል። አገዛዙ ኢትዮጵያን ለኢትዮጵያዊያን ማስረከብ አለባቸው። ኢሕአዴግ ማለት የቅኝ ግዛት ሥርዓት ማለት ነው።ሕወሃት የኢትዮጵያን ሕዝብ ለመቆጣጠር የዘረጋው ስርዓት ማብቃት አለበት። የኢትዮጵያ ሕዝብ የራሱን ገለልተኛ ተቋማትና መንግስት ሊያቋቁም ይገባል።’’ ሲሉ አቶ ተማም አባቡልጉ አስተያየታቸውን ደምድመዋል።

የሕግ ባለሙያ የሆኑት ጠበቃ አምሃ መኮንን በበኩላቸው እንዳሉት ‘’ብዙ መስዋእትነት ተከፍሎ አሁን ላለንበት ለውጥ ደርሰናል። አሁን የተጀመረው የጠቅላይ ሚንስትር ዐብይ አሕመድ የለውጥ እንቅሳሴ መልካም ጅምር ነው። ጅምሩ ውጤታማ እንዲሆን በሁሉም የኅብረተሰብ ክፍል ሊታገዙ ይገባቸዋል። ለውጡ ሊቀለበስ በማይችል ደረጃ ተጀምሯል። ከዚህ በኋላ ሁላችንም ዳር ቆመን መመልከትና ጉድለቶችን ብቻ እያጎላን ከመቀመጥ ቀረብ ብለን ለውጡን እየመራ ያለውን ኃይል ማገዝ አለብን። ብዙ የሚቀሩ ነገሮች አሉ። በተጀመረው ለውጥ ግን ደስተኛ ነኝ።’’ ብለዋ።

በመላው ኢትዮጵያ ለተፈጸሙ ኢሰብዓዊ የመብት ጥሰቶች አስመልክቶ ለቀረበላቸው ጥያቄ ጠበቃ አምሃ ሲመልሱ ‘’ዳግመኛ እንደዚህ ዓይነት ወንጀሎች እንዳይደገሙ በማስረጃ ተደግፎ አጣሪ ኮሚሽን በገለልተኛነት ሥራውን እንዲሰራ መፍቀድ ያስፈልጋል። ተጨባጭ ወንጀል የፈጸሙ ግለሰቦች በሕግ ሊጠየቁ ይገባል። ተቋማቱ በባለሙያ ሊመሩ ይገባል። የሰብዓዊ መብት ጥሰት ሲፈጸም አቤቱታ በቀላሉ የሚቀርቡባቸው ተቋማት ሊኖሩ ይገባል።

ፍርድ ቤቶች ሚናቸው በጣም ወሳኝ ስለሆነ እንደገና ሊታዩ ይገባቸዋል። አሁን ባላቸው አደረጃጀት ይህንን ሚና ሊወጡ ይችላሉ ብዬ በኔ በኩል ብዙም እምነት የለኝም።” ሲሉ አቶ አምሃ መኮንን አስተያየታቸውን ሰጥተዋል።

Leave comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

This site uses Akismet to reduce spam. Learn how your comment data is processed.

%d bloggers like this: