ኢትዮጵያ/ኤርትራ በጤናማ ግንኙነት ጎዳና: አየር መንገድ በረራውን ነገ ይጀምራል! የአሰብ ወደብን ለመጠቀም ፈጣን እንቅስቃሴ እየተደረገ ነው

17 Jul

Posted by The Ethiopia Observatory (TEO)

የኢፌዲሪ ጠቅላይ ሚኒስትር ዶ/ር ዐብይ አሕመድ በኤርትራ ጉብኝት ማድረጋቸውን ተከትሎ የተፈረመው የሠላምና የወዳጅነት የጋራ መግለጫ በተፋጠነ ሁኔታ እየተፈፀመ መሆኑን የውጭ ጉዳይ ሚኒስቴር ቃል አቀባይ አቶ መለስ ዓለም ገልጸዋል፡፡

አቶ መለስ ዛሬ በሰጡት መገለጫ የኢትዮጵያ አየር መንገድ ወደ አስመራ ከሁለት አስርት ዓመታት በኃላ የመጀመሪያውን በረራ በነገው ዕለት ሐምሌ 11/2010 ዓ.ም እንደሚጀምር፤ 465 ተጓዦች ወደ አስመራ እንደሚጓዙ አስታውቀዋል።

________________________________________________________________________________________________________________________________________________________________

________________________________________________________________________________________________________________________________________________________________

የኢትዮጵያ አየር መንገድ ወደ አሥመራ መብረር ሲጀመር ኤርትራ ከ115 ዓለም አቀፍ የመዳረሻ ጣቢያዎች ጋር ትገናኛለች፤ ምቹ የአየር ግንኙነት መፈጠሩም ለሁለቱም ሀገሮች ኢንቨስተሮችን ለመሳብ እና የቱርስቶች ፍሰት እንዲጨምር ያደርጋል ሲሉ አቶ መለስ በመግለጫቸው ተናግረዋል።

Assab Port (Fana foto)

የአሰብ ወደብ አገልግሎት በአፋጣኝ የሚጀመሩበት ሁኔታ እንዲመቻች የሁለቱ አገራት መሪዎች መመሪያ መስጠታቸውንና በዚህም መሰረት የትራንስፓርት ሚኒስቴር፣ የኢትዮጵያ የማሪታይም አገልግሎት ባለስልጣን እና የኢትዮጵያ የባህር ትራንስፖርት ሎጂስቲክ አገሎግሎት ድርጅት እና ሌሎች አካላት ያሉበት ግብረሀይል ተቋቁሞ ዝግጅት እየተደረገ መሆኑን አቶ መለስ በመግለጫቸው ተናግረዋል።

በኢትዮጵያና ኤርትራ የድንበር አከባቢዎች በተለይም በትግራይና አፋር ክልሎች የሕዝብ ለሕዝብ ግንኙነት እንዲኖር ሁለቱም አገሮች እየሰሩ እንድሚገኙም ተገልጿል፡፡

ከኮምኒኬሽን አንፃር በሁለቱ ሀገራት ተቋርጦ የነበረው የስልክ አገልግሎት ተጀምሯል፤ የተቋረጠውን ዝምድና መጠገን ተችሏል፤ የልዩነት ግንብ ፈርሶ የወዳጅነት ድልድይ ተሰርቷል፤ ሁለቱም አንድ ህዝቦች ሆነዋል ብለዋል፡፡

________________________________________________________________________________________________________________________________________________________________

________________________________________________________________________________________________________________________________________________________________

በዲፕሎማሲው በኩል ግንኙነቱን ቀድሞ ወደ ነበረበት የመመለስ (Normalization) አስመልክቶ የኤርትራ ኤምባሲ አዲስ አበባ ውስጥ ተከፍቷል፤ የኢትዮጵያ ኤምባሲም አስመራ ለመክፈት እየተሰራ መሆኑን የ ቃል አቀባይ ገልፀዋል፡፡

በኢትዮጵያ እና ኤርትራ መሀል ከሁለት አስርት አመታት በላይ ያስቆጠረ የዕልቂትና የፅልመት ታሪክ ለመለወጥ በመሪዎቻችን በኩል ድፍረት የተሞላበት ቁርጠኛ ውሳኔ በማሳለፋቸው ዓለም አድናቆቱን እየገለፀ መሆኑንም አቶ መለስ በመግለጫቸው ተናግረዋል።

%d bloggers like this: