22 አካባቢ ከተፈጠረው ችግር ጋር በተያያዘ ነፍሰ ገዳዮቹ ሣይሆኑ፣ እንደተለመደው ‘ተጠርጣሪዎች’ ተብለው ንፁሃን ዜጎች ታሥረዋል!

5 Feb

Posted by The Ethiopia Observatory (TEO)

ክቡር የከተማችን ተጠባባቂ ከንቲባ፡ የሁለት ዜጎች ሕይወት [በትዕዛዛቸው] መጥፋቱ በድርጊቱ ማዘናቸውን ገልፀዋል፤ ለሟች ቤተሰቦችም መፅናናትን ተመኝተዋል” የሚለውን  ልብ ይሏል!

 

አዲስ አበባ ፣ ጥር 27 ፣ 2012 (ኤፍ ቢ ሲ) በአዲስ አበባ ከተማ 22 አካባቢ ትናንት ከተፈጠረው ችግር ጋር በተያያዘ ሰባት ተጠርጣሪዎች በቁጥጥር ስር መዋላቸውን የአዲስ አበባ ምክትል ከንቲባ ኢንጂነር ታከለ ኡማ ገለፁ።

ምክትል ከንቲባው ከጉዳዩ ጋር በተያያዘ ዛሬ መግለጫ ሰጥተዋል።
 
በተከሰተው ችግር የሁለት ሰዎች ህይወት መጥፋቱን በማንሳት በድርጊቱ ማዘናቸውን ገልፀዋል፤ ለሟች ቤተሰቦችም መፅናናትን ተመኝተዋል።
 
“እነዚህን ወጣቶች ለማጣት ያበቁንን በየትኛውም ወገን ያሉ የጥፋቱ አካላት በሕግ እንዲጠየቁ እናደርጋለን” ብለዋል።

የከተማ አስተዳደሩ የሃይማኖት ተቋማት በተለይም ከይዞታ ጋር የተያያዙ ጥያቄዎችን ሲመልስ መቆየቱን አስታውሰዋል።
 
ይሁን እንጅ በመንግሥትና በሐይማኖት ተቋማት ውስጥ በሚገኙ ጥቂት አጥፊዎች ምክንያት ያልታሰበ ድርጊት መፈጸሙን ነው ያስታወቁት።
 
ምንም እንኳን ቦታው ህጋዊ ባይሆንም በምሽት እንዲፈርስ ትእዛዝ መተላለፉ ልክ አልነበረም ያሉት ምክትል ከንቲባው፥ ትእዛዙን ያስተላለፈውን አካልም ለህግ እናቀርባለን ብለዋል።


 
ከዚህ ባለፈ ድርጊቱ የኢትዮጵያ ኦርቶዶክስ ተዋህዶ ቤተክርስቲያንና መንግስትን የማይወክል ነው ያሉት ኢንጅነር ታከለ፥ በቀጣይም ጉዳዩን ፖሊስ እየመረመረው እንደሆነ ገልፀዋል።
 
መንግስትና የሃይማኖት ተቋማት በጋራና በመተሳሰብ እየሰሩ ባሉበት በዚህ ወቅት ይህ እኩይ ድርጊት መፈጸሙ በኢትዮጵያ ኦርቶዶክስ ተዋህዶ ቤተክርስቲያንና በመንግስት መካከል ያለውን ግንኙነት ሊሸረሽረው አይችልም ብልዋል።
%d bloggers like this: