Tag Archives: Abiy Administration

ሕዝብና ፓርላማው!                    የዐቢይ አስተዳደር ባደረገው ሣይሆን ባላደረገው በታሪክ ተፈራጅ ሆኖአል! ዛሬ ኢትዮጵያ መንግሥት አላትን?

16 May

Posted by The Ethiopia Observatory (TEO)

የኦነግ ጎዳፋነት!

“ቁጭ ባለበት አባቴን ወስደው ቤቴ በራፍ ላይ ገደሉት! እረ የሕግ ያለህ ድረሱልን! የመንግሥት ያለህ ድረሱልን እያልን 17 ቀበሌ ታጥቆ ትጥቅ ይዞ መጥቶ ፤ ላያችን ላይ ተኩስ ሲከፍትብን ቡየቤቱ እየገባ ሲገድል፣ ምንም የማይሰማን ምንም አካል አጥተናል!…

“በሃገራችን የትምህርት ታሪክ እንዲህ ዐይነት የተማሪ ቁጥር ተፈናቅሎ አያውቅም!
በጣም ከፍተኛ ቁጥር ነው!”

በአደባባይ መስቀለኛ ላይ ፌዴራል ባለበት፣ ፖሊስ ባለበት ስንገደል ስንጨፈጨፍ ስንኖር የመጨረሻ አማራጭ የሆነው በየቤታችን ከየሱቃችን እየተወጣን ስንደበደብ፣ ፖሊሲና ኃይል አጅቦ ነበር ሲይስደበድበን የነበረው!”

 

ማፈር ብቻ? ተጠያቂነትስ?

/ኢሣት

 

በአገሪቷ የወጡ ሕጎች ተግባር ላይ ባለመዋላቸው የሕግ የበላይነትን ለማስከበር አዳጋች ሆኗል-ምሁራን

1 Dec

Posted by The Ethiopia Observatory (TEO)

አዲስ አበባ ኅዳር 22/2011 (ኢዜአ) ኢትዮጵያ ያወጣቻቸው ሕጎች ወደ ተግባር ባለመቀየራቸው የሕግ የበላይነትን ማስከበር አዳጋች እንዳደረገው ምሁራን ገለጹ።

ምሁራኑ ቀደም ሲል በነበረው ሁኔታ ለአገራቷ የሚጠበቅባቸውን ያህል ሙያዊ አስተዋጽኦ አለማበርከታቸውንም ተናግረዋል።

አስተያየታቸውን ለኢዜአ የሰጡ ምሁራን እንዳሉት ኢትዮጵያ እስካሁን ያወጣቻቸውሕጎች ሁሉንም ያማከለና ለአተገባበርም ምቹ ናቸው።

ይሁንናሕጎቹ በአግባቡ ተግባራዊ ባለመደረጋቸው በተደጋጋሚ ሲጣሱ ብሎም ሲረሱ ይስተዋላል።

ህጎቹን በወረቀት ላይ ከማስፈር ባለፈ በተግባር ላይ ውለው ህያው መሆናቸውን ማሳየት እንደሚያስፈልግም ምሁራኑ ይጠቁማሉ።

የታሪክ ተመራማሪና የሕግ ባለሙያ ዶክተር አልማው ክፍሌ እንደተናገሩት አገሪቷ እንደ አገር የራሷ የሆነ ሕግ አላት የወንጀለኛ መቅጫ፣ የፍትሐብሄር አላት ይህ ነገር መሬት መውረድ አለበት ዝም ብሎ እንደ ኳስ ብቻ እየተንከባለለ ከዘመን ዘመን መሸጋገር የለበትም  ስር ማብቀል መቻል አለበት።

መለምለም መቻል አለበት ሁላችንም በሱ ጥላ ስር የምንከለል መሆን አለበት ጾታን ብሄርንም ሃይማኖትንም ባማከለ መልኩ ለሁላችንም ጥላ ሊሆን የሚችል ህግ መሆን አለበት እስከዛሬ እንደ ኳስ እየተንከባለለ ነው የመጣው ስር የለውም ስር ማስያዝ ቅጠል እንዲይዝ ማድረግ ያስፈልጋል።” ብለዋል

በኮተቤ ሜትሮፖሊታን ዩኒቨርስቲ የምርምርና ማህበረሰብ አገልግሎት ምክትል ፕሬዚዳንት ዶክተር ኤሌዘር ታደሰ በበኩላቸው ህገመንግስቱ በራሱ በአብዛኛው ጥሩ ነገር ይዟል። ግን ሕገ መንግስቱን እየፈጸምን ነው ወይ ስንል በጣም ትልቅ ክፍተት አለ ብለዋል ።

በአገሪቷ ከቅርብ ጊዜ ወዲህ እየታየ ካለው ለውጥ አንዱ የህግ የበላይነትን ለማስከበር እየተደረጉ ያሉ ጥረቶች መሆናቸውን የተናገሩት አስተያየት ሰጪዎቹ ይህ ተግባር ተጠናክሮ እንዲቀጥል የሁሉም ዜጋ ሃላፊነትና ግዴታ መሆኑንም ጨምረው  አንስተዋል።

መንግስት የዴሞክራሲ ተቋማትን በማጠናከር የህግ የበላይነትን ለማስከበር እያደረገ ያለውን ጥረትም አድንቀዋል።

የዴሞክራሲ ተቋማት በቂ ልምድና ችሎታ ባላቸው ሰዎች መመራቱ ደግሞ ሥራውን የበለጠ ውጤታማ እንደሚያደርገውም ነው አስተያየት ሰጩዎች የሚናገሩት።

”ኢትዮጵያ ውስጥ የሕግ የበላይነት ተከብሮ አያውቅም በታሪክም በምናይበት ጊዜ የመንግሥት የበላይነት ነው በተቋማት ውስጥ የሚታየው የዕዝ ሂደት ነው የዕዝ ውሳኔዎች ነበሩ፡፡ አሁን እነዚህ ተቋማትን ብቃታቸው እየዳበረ አለምአቀፍም አገራዊም ልምድና ችሎታ ያላቸውን ሰዎች እያመጣ እያየን ነው ይህ በዚህ ከቀጠለ መልካም ነገር የምናይ ይመስለኛል።  ” ብለዋል ዶክተር አልማው ክፍሌ

ዶክተር ኤሌዘር ታደሰ በበኩላቸው ስርዓተ አልበኝነት እየሰፈነ የመጣበት ሁኔታ እንደነበር ሕግን ከማስከበር አንጻር በጣም ጥሩ ጅምር ሥራ እየተሠራ እንደሆነ  ጠቁመዋል  

እስካሁን በነበረው ሁኔታ በተለይ የተማረው የሰው ሃይል ለአገሪቷ በእውቀቱና በክዕሎቱ ማበርከት የነበረበት ሙያዊ አስተዋዕኦ የጎላ እንዳልነበርም  ገልጸዋል።

ምሁራኑ ፍትህና ዴሞክራሲ እንዲሰፍን ጥያቄ ማቅረባቸውን ተከትሎ እስር፣ ከሥራ መታገድና ሌሎች ተጽዕኖ ይደርስባቸው የነበረ በመሆኑ ሙያዊ አስተዋጽኦ ከማበርከት ሸሽተው እንደነበር አስታውሰው አሁን የመጣው ለውጥ ተስፋ ሰጪ እንደሆነ ተናግረዋል።

መንግስት ዴሞክራሲንና የሕግ የበላይነትን ለማረጋገጥ እየወሰዳቸው ካሉ እርምጃዎች መካከል የፍትህና የዴሞክራሲ ተቋማትን  በአዲስ መልክ ማደራጀትና አዳዲስ አመራሮችን መሾም አንዱ ነው።

 

 

የአዲስ አበባ ከተማ መሬት ልማትና አስተዳደር ከማዘጋጃ ቤት እንዲወጣ ተወሰነ! ተጠያቂነትና አቤቱታ ሰሚ ዕጦትን ከጉበኛና ዘራፊው ዘመነ ሕወሃት ለማባባስ? አልያ?

24 Oct

Posted by The Ethiopia Observatory (TEO)

የአዲስ አበባ ከተማ አስተዳደር የመሬት ልማትና ማኔጅመንት ቢሮ ከማዘጋጃ ቤት ቅጥር ግቢ እንዲወጣ ተወሰነ፡፡

የመሬት ልማትና ማኔጅመንት ቢሮ ለዓመታት ከነበረበት ማዘጋጃ ቤት እንዲወጣ የተወሰነው፣ በማዕከል ደረጃ የሚገኙ ሁሉም የመሬት ተቋማት በአንድ ላይ ሆነው አገልግሎት መስጠት አለባቸው ተብሎ ነው፡፡

በዚህ መሠረት የመሬት ልማትና ማኔጅመንት ቢሮና በሥሩ የሚገኙ ስድስት ተቋማት፣ እንዲሁም የከተማውን ማስተር ፕላን የመቆጣጠር ሥልጣን የተሰጠው የፕላን ኮሚሽንና የግንባታ ፈቃድና ቁጥጥር ባለሥልጣን ካሉበት ተነስተው ቦሌ ክፍለ ከተማ የቀድሞ 24 ቀበሌ አካባቢ በሚገኝ የግለሰብ ሕንፃ ውስጥ ይገባሉ ተብሏል፡፡

የከተማ አስተዳደሩ ውሳኔ ግን በመሬት ሥሪት ባለሙያዎች ላይ አግራሞት ፈጥሯል፡፡ ሪፖርተር ያነጋገራቸው የመሬት ሥሪት ባለሙያዎች እንደሚሉት፣ ከአስተዳደሩ ዋነኛ ሥራዎች መካከል መሬትና መሬት ነክ ሥራዎች ግንባር ቀደሞች ናቸው፡፡ ይህንን ግዙፍ ተቋም ከማዘጋጃ ቤት ማስወጣት አግባብ እንዳልሆነ፣ ምክንያቱም ቅሬታ ያለው አካል ለከንቲባው አቤቱታ ማቅረብ የሚችለው እዚያው ሆኖ አገልግሎት መስጠት ሲችል ነው በማለት ያስረዳሉ፡፡

ያም ሆኖ ግን በዚህ ሳምንት የመሬት ተቋማቱ ከማዘጋጃ ቤት፣ እንዲሁም ከያሉበት ሌሎች ሕንፃዎች ወጥተው ወደ አዲሱ ቦታቸው ያቀናሉ ተብሏል፡፡


“Even though Addis Ababa had master plans proposed by internationally well-known urban planners, most of the plans failed to direct the development of the city in accordance with the intended goals. In some cases, the planning practices have become part of the prevailing urban problems, such as uncontrolled urban sprawl, high cost of infrastructure development, poor land use management, and deteriorating quality of life.”

— Yirgalem Mahtemie: Carrying the Burden of Long-term Ineffective Urban Planning’ An Overview of Addis Ababa’s Successive Master Plans and their Implications on the Growth of the City (2007)


የአዲስ አበባ ከተማ አስተዳደር መሬት ልማትና ማኔጅመንት ቢሮ ኃላፊ አቶ ሽመልስ እሸቱ (ኢንጂነር) ለሪፖርተር እንደገለጹት፣ የመሬት ተቋማት ተበታትነው ከሚሰጡት አገልግሎት ይልቅ በአንድ ቦታ ሆነው የሚሰጡት አገልግሎት የተሻለ መሆኑ ታምኖበታል፡፡ በዚህ መሠረት ሁሉም የመሬት ተቋማት አንድ ላይ ሆነው አገልግሎት መስጠት የሚጀምሩበት አሠራር እየተመቻቸ ነው ሲሉ ኃላፊው ገልጸዋል፡፡



የመሬት ልማትና ማኔጅመንት ከአፄ ኃይለ ሥላሴ ዘመነ መንግሥት ጀምሮ መቀመጫውን አራዳ በሚገኘው ማዘጋጃ ቤት አድርጎ አገልግሎት ሲሰጥ ቆይቷል፡፡

ከዚያ ጊዜ ጀምሮ አገልግሎት የተሰጠባቸው ከሦስት መቶ ሺሕ በላይ ፋይሎች በማዘጋጃ ቤት በሚገኘው ማኅደር ክፍል ይገኛሉ፡፡ ቢሮው ወደ ሌላ ቦታ ሲንቀሳቀስ እነዚህን ነባር ፋይሎች አብሮ ባያንቀሳቅስም፣ ሌሎች በእንቅስቃሴ ላይ የሚገኙ ፋይሎችን ግን ይዞ ይጓዛል፡፡

በተለይ በቀድሞ የአዲስ አበባ ከተማ አስተዳደር ከንቲባዎች አቶ ኩማ ደመቅሳና አቶ ድሪባ ኩማ ጊዜ፣ የመሬት ልማትና ማኔጅመንት ቢሮ ቀድሞ ከነበረበት ቢሮ ወደ እሳትና ድንገተኛ አደጋ አገልግሎት የሚገኝበት ሕንፃ ተዛውሮ ነበር፡፡ ከዚያ በኋላም ማዘጋጃ ቤት በሚገኘው ባህል አዳራሽ በመለያያ ግድግዳ የተከፋፈለ ቢሮ ውስጥ እንዲገባ ተደርጎም ነበር፡፡

ነገር ግን ቦታዎቹ ለሥራ ብቻ ሳይሆን ለአገልግሎትና ለፋይል አያያዝ የተመቹ ስላልሆነ፣ ቢሮው በድጋሚ ወደነበረበት ተመልሷል፡፡ አሁን ግን ለመጀመርያ ጊዜ ከማዘጋጃ ቤትና ከከንቲባው በብዙ ኪሎ ሜትሮች ርቆ እንዲከትም ተወስኗል፡

 

ሪፖርተር: የመሬት ልማትና ማኔጅመንት ቢሮ ከማዘጋጃ ቤት እንዲወጣ ተወሰነ

 

 

%d bloggers like this: