Tag Archives: Abiy Ahmed in Parliament

ሽፍጥ የጎላበት ፖለቲካዊ ውሎ ዛሬም በኢትዮጵያ ፓርላማ!

19 Oct

Posted by The Ethiopia Observatory (TEO)

ጠቅላይ ሚኒስትር ዐቢይ አሕመድ በየሥፍራው ንግግር ባደረጉ ወቅት፣ ስንቱን ጠቅሰን አጣቅሰን ለማመሳክር እንችላለን?

ዝም ብለን ብናልፍ፣ ጉዳዩ የሚታየው ሰልችቷቸው ተዉት በሚል ሣይሆን—’ኮንፍዩዝ አደረግናቸው’ ብለው ሽመልስ አብዲሣ በኢትዮጵያ ሕዝብ ላይ እንዳፌዙ—የዐቢይ አሕመድ እውነትን በነፃነት መደፍጠጥ ሕዝባችን ለዘለዓለም መቀለጃ ያደርጋል!

ነፃነቱንና ክብሩን የተለየ ሥፍራ የሚሠጥ ዜጋ ሁሉ ይህንን እምቢ ማለት አለበት! ውሸት በሉት ቅጥፈት፣ ምንጊዜም የእውነትና የሃቅ ጠላቶች ናቸው! ሃሰቱ ኅሊናን ማቁሰሉ ብቻ ሣይሆን ሰብዓዊነትን ማዋረዱ ጉዳቱ ከፍተኛ ነው!

ሁልጊዜም ፖለቲከኞች ይዋሻሉ ይባላል፣፤ ይህንንም ሁላችንም በጠቅላይ ሚኒስትር ዐቢይ ላይ በተደጋጋሚ ታዝበናል፤ ቀደም ሲል አብረዋቸው ከሠሩ የቀድሞ የሥራ ባልደረቦቻቸው ሠምተናል!

ዐቢይ አሕመድ ዛሬ ፓርላማ ሲደመጡ፡ በፍትህ ጉዳይ በምንም መልኩ መንግሥታቸው ጣልቅ እንዳልገቡ ሲተረትሩ መስማትን የበለጠ የሚያሳዛን ነገር የለም! ለኔ እስክንድር ነጋ ወዳጅም ጓደኛም አይደለንም። ስለዚህ ለእርሱ ያለኝ አመለካከት፡ በራሱ መንገድ እውነቱ አድርጎ በያዘው አቋም ለኢትዮጵያ ሕዝብ ደኅንነት የሚታገል ስው አድርጌ አየዋለሁ። ይህ ማለት እኔ እርሱ የያዘውን መንገድ ደግፋለሁ ማለት ሣይሆን፣ ግለሰቡ በጥሩ ዕውነትና ለኢትዮጵያውያን የተሳካ ነገ የሚታገል ስወ አድርጌ ተቀብየዋለሁ።

ዐቢይ አሕመድ ግን ግለሰባዊ መብቶቹን በመረጋገጥ ከቤተ መንግሥትዎ ጦርነት ያወጁበት ሰው ሆኖ፣ ቄሮም የመንግሥትዎም ፖሊሶች እስከዛሬ የሚያሳድዱት ዜጋ ሆኗል!

የቀድሞ ዐቃቤ ሕግ አዳነች አቤቤ እንኳ በሚያሳፍር መንገድ ለአሜሪካ ድምፅ በሠጡት ቃለ መጠይቅ ክስ የመሠረቱበት መካከል —ኦሮሞችን ማጥላላትና ቆሮ ላይ ጥላች ዘመቻ ማድረጉ ማለታቸውን በጆሮዬ ሰምቻለሁ! እነዚህን ነገሮች እስክንድር ያደርጋል ብየ አላምንም! ቄሮች ለፈጸሙት ወንጀሎች እንደዚያ ቢልስ—መላው የኢትዮጵያ ሕዝብ አይደለም ወይ ያንን ስለወንጀለኛው ቄሮ ያለው?

ሌላው አንድ አስገራሚ ነጥብ ጠቅላይ ሚኒስትሩ ያነሱት ከሃቅ የራቀው ጉዳይ የሃገራችን 2012 የኤኮኖሚ ዓመታዊ ዕድገት 6.1% ነው። ልክ ከሕወሃት በተገኘው ልምድ መሠረት፡ የዋጋ ግሽበቱ ሕዝቡን ባማረረበት ሁኔታ አፍሪካ ውስጥ ይህን መሰል ዕድገት እንደማይገኝ ዓለም አቀፍ ድርጅቶች ቀደም አድርገው ቢተነብዩና ሕዝባችንም በግሽበቱ በሚገረፍባት ሃገር ለፈበረኩት ሃቅ በቁጥር መቆማቸው በሚያሳዝን መንገድ ትዝብት ብቻ ነው ያተረፈላልችው!

ግራ የገባት የቤት እመቤት ዘይትን በምሣሌነት በማንሳት፡ መንግሥት ድጎማ በሠጠ መጠን ተጠቃሚው ቸርቻሪው እየተጠቀመ፣ ዋጋው ታቹ ያለውን ኅብረተሰብን መዘንጋቱን ብቻ ነው ያሳየን ማለቷ ግርም ሲለኝ ነበር! ይህ ለእርሳቸው ትርጉም ባይሠጣቸው፡ እምብዛም አይገርምም ዛሬ አባባላቸው እንዳሳየን!

መቼ ይሆን ጠቅላይ ሚኒስትሩ ዕውነቱን ጋሻ የሚያደርጉት?

የጠ/ሚሩ የሰኞ የምክር ቤት ውሎ!

9 Jun

Posted by The Ethiopia Observatory (TEO)

 

 

 

%d bloggers like this: