Tag Archives: Ethiopian Sugar Corporation

ስኳር ኮርፖሬሽን ከውጪ የገዛውን 3, 777 ኩንታል ስኳር ሲቀብር ከረመ፤ በቀብሩ ላይ ያልተገኘው ፌደራል ኦዲተር ገለጻና ምክንያቱን እንደማይቀበል አስታወቀ!

13 Dec

Posted by The Ethiopia Observatory (TEO)
 
(ኢሳት ዜና ታህሳስ 4 ቀን 2010 ዓም) ከውጭ አገር የተገዛውን ሁለት መርከብ ስኳር ተበላሽቶ እንዲቀበር ማድረጉን ስኳር ኮርፖሬሽን ቢያስታውቅም ኦዲተር መስሪያ ቤት ግን ምክንያቱን እንደማይቀበለው አስታወቀ።

በመበላሸቱ በመተሃራ እንዲቀበር አድርጌዋለሁ ቢልም የፌደራል ኦዲተር ግን ተቀብርዋል ስለተባለው ስኳር ምንም ዓይነት ሕጋዊ መረጃ አለማግኘቱን አስታወቀ። የስኳር ኮርፖሬሽኑ ስኳሩ መበላሸቱንና ለምግብነት እንደማይውል ውጪ አገር ድረስ ልኮ ማስመርመሩንና ስኳሩ በሚቀበርበት ወቅት በስፍራው የነበሩ የዓይን እማኞች እንዳሉ ገልጿል።
Continue reading

አንድ ሚሊዮን ኩንታል ስኳር ግዥ ከዱባይ – ለምግብስ የውጭ ምንዛሪው ከየት ይመጣ ይሆን?

16 Jul

Posted by The Ethiopia Observatory (TEO)

መንግሥት ሰሞኑን የተፈጠረውን የስኳር እጥረት ለመቅረፍና ከሁለት ወራት በላይ የአገሪቱን ፍጆታ ለመሸፈን ያስችላል የተባለ የአንድ ሚሊዮን ኩንታል ስኳር አስቸኳይ ግዥ መፈጸሙ ተገለጸ፡፡

ምንጮች እንደገለጹት ከስኳር ፋብሪካዎች ብልሽት ጋር ተያይዞ የተፈጠረውን እጥረት ለመቅረፍ ያግዛል የተባለው አስቸኳይ የስኳር ግዥ የተፈጸመው ከአንድ የዱባይ ኩባንያ ነው፡፡ በኢትዮጵያ ስኳር ኮርፖሬሽን በኩል ከዱባይ የተገዛው ስኳር ከሚቀጥለው ሳምንት ጀምሮ አገር ውስጥ ይገባል ተብሎ ይጠበቃል፡፡ ኮርፖሬሽኑ ይኼንን ግዥ ከመፈጸሙ በፊት ከሱዳን ለማስመጣት ሞክሮ ከፍተኛ ዋጋ በመጠየቁና የግዥ ድርድሩ በመቋረጡ፣ ከዱባይ ኩባንያ ጋር ስምምነት ሊያደርግ መቻሉን ለማወቅ ተችሏል፡፡

ሰሞኑን የተከሰተው የስኳር እጥረት በተለይ የለስላሳ መጠጦች ፋብሪካዎችን ችግር ላይ የጣለ ነው፡፡ ኮርፖሬሽኑ ለለስላ መጠጥ ፋብሪካዎች ይሰጥ የነበረውን ስኳር ያቋረጠው ቅድሚያ ለሸማቾች ይሰጥ በሚል ውሳኔ ነው፡፡ ሆኖም በአሥር ቀናት ውስጥ ለፋብሪካዎቹም ስኳር ማቅረብ የሚችል መሆኑን ገልጿል፡፡ ባለፉት ሁለት ሳምንታት ስኳር ባለማግኘታቸው ምርታቸው የተስተጓጎለባቸው ፋብሪካዎች በገበያቸው ላይ ከፍተኛ ተፅዕኖ ከመፍጠሩም በላይ የለስላሰሳ መመጦች ዋጋ እንዲወደድ ምክንያት እየሆነም ነው፡፡

ይህ በእንዲህ እንዳለ ስኳር ማግኘት ያልቻሉ ፋብሪካዎች በተናጠል ስኳር ከውጭ ለማስገባት እንዲፈቀድላቸው ጥያቄ አቅርበዋል፡፡

እንደየምንጮቹ ገለጻ፣ ፋብሪካዎቹ ለመንግሥት ላቀረቡት ጥያቄ ምላሽ እየተጠባበቁ ነው፡፡ በአሁኑ ወቅት የአገሪቱ ወርኃዊ የስኳር ፍጆታ 412 ሺሕ ኩንታል እንደሚሆን በማሰብ በዚሁ መሠረት የስኳር ሥርጭት የሚካሄድ ሲሆን፣ አንዳንድ ጥናቶች ግን የአገሪቱ ወርኃዊ ፍጆታ በየጊዜው እያደገ በመምጣቱ በአሁኑ ወቅት የስኳር ፍጆታ ከ600 እስከ 650 ሺሕ ኩንታል መድረሱን ያስረዳሉ፡፡
/ሪፖተር
 

ተዛማጅ ዜና:

Trade Minister: Major Export Items Performance Low
 

%d bloggers like this: