Tag Archives: MIDROC

በማዕድናት ፍለጋና ምርት ዙርያ ሃገራችን ያጋጠማት የአመራሮች በጥቅም መታወር በዜጎች ላይ ያስከተለው ጉዳት ገና ብዙ ሊመርመር ይገባል

13 May

Posted by The Ethiopia Observatory (TEO)

በሪፖርተር የሚድሮክ ወርቅ ቀውስ እንደቀጠለ ነው

“ኩባንያዎቹ በበኩላቸው የማዕድን ሚኒስቴሩ እንዳልበደላቸው ገልጸዋል። ነገር ግን ሚኒስቴሩና የማዕድን ኩባንያዎች እጅና ጓንት ሆነው እንደሚሠሩ፣ ሚኒስቴሩ የቴክኒክ ድጋፍ እንደሚያደርግ፣ አሁን እየተፈጠረ ያለው ችግር ግን የቴክኒክ ሳይሆን የፖለቲካ ችግር በመሆኑ ከሚኒስቴሩ አቅም በላይ መሆኑን፣ የማይታወቅ ችግር እንደሌለ፣ ነገር ግን ከአቅም በላይ ስለሆነ ጉዳዩን ለጠቅላይ ሚኒስትሩ በማቅረብ መፍትሔ ይሰጠን ሲሉ ኩባንያዎቹ ጠይቀዋል። በምክክር ጉባዔው ላይ የሚድሮክ ወርቅ ኩባንያ ኃላፊዎች እንዳልተገኙ ለማወቅ ተችሏል።”

የሚድሮክ ወርቅ ኩባንያ በለገደንቢ ወርቅ ማውጫ አካባቢ የሚኖሩ ነዋሪዎች ኩባንያው በአካባቢያችንና ጤናችን ላይ ጉዳት አድርሶብናል በማለት ባነሱት ተቃውሞ ምክንያት የማዕድን፣ ነዳጅና የተፈጥሮ ጋዝ ሚኒስቴር የኩባንያውን የማዕድን ምርት ፈቃድ አግዷል።

የማዕድን፣ ነዳጅና የተፈጥሮ ጋዝ ሚኒስቴር ረቡዕ ግንቦት 1 ቀን 2010 ዓ.ም. በሰጠው መግለጫ፣ ለሚድሮክ ወርቅ በኦሮሚያ ክልላዊ መንግሥት ጉጂ ዞን ሻኪሶ ከተማ አቅራቢያ የሚገኘው የወርቅ ማዕድን ማውጫ ለአሥር ዓመታት ሰጥቶት የነበረውን የወርቅ ፈቃድ እንዳገደ አስታውቋል። ፈቃዱ የታገደው በአካባቢው ነዋሪዎች ዘንድ የተለያዩ ጉዳቶችን እያስከተለብን ነው የሚል ቅሬታ በመነሳቱ ምክንያት እንደሆነ ሚኒስቴሩ አስታውቋል። በጉዳዩ ላይ በገለልተኛ አካል ትክክለኛ ጥናት ተካሂዶ በውጤቱ ላይ መግባባት እስከሚደረስበት ድረስ፣ የድርጅቱ የወርቅ ማምረት ሥራ እንዲቆም መደረጉን ሚኒስቴሩ አስታውቋል።

የሚኒስቴሩንና የሚድሮክ ወርቅ ኩባንያ ኃላፊዎችን ሪፖርተር ለማነጋገር በተደጋጋሚ ያደረገው ጥረት ሊሳካ አልቻለም። ሚድሮክ የለገደንቢ ወርቅ ማውጫን የቀድሞው የፕራይቬታይዜሽን ኤጀንሲ ያወጣውን ጨረታ በ172 ሚሊዮን ዶላር በማሸነፍ እ.ኤ.አ በ1997 እንደተረከበው ይታወሳል።

እ.ኤ.አ. ከ1998 ጀምሮ ሚድሮክ የወርቅና የብር ማዕድናት ሲያመርት ቆይቷል። በዓመት አራት ቶን ወርቅ የማምረት አቅም ያለው ኩባንያው፣ በአብዛኛው ምርቱን ወደ ስዊዘርላንድ እንደሚልክ ይታወቃል።

ሚድሮክ ወርቅ የለገንደንቢ ማዕድን ማውጫ ሲረከብ በክፍት ጉድጓድ ወርቅ ይመረት የነበረ ሲሆን፣ ኩባንያው ከፍተኛ ወጪ በማውጣት የመሬት ውስጥ ማዕድን ማውጫ በመገንባት የወርቅ ምርት መጠኑን ለመጨመር ችሏል። ክፍት ጉድጓድ ውስጥ የሚመረተው ወርቅ እየተሟጠጠ በመምጣቱ ኩባንያው የመሬት ውስጥ ምርት መጀመሩ የማዕድን ማውጫውን ዕድሜ እንዳራዘመውና ለአካባቢውም የተሻለ አማራጭ እንደሆነ ባለሙያዎቹ ይናገራሉ።

ሚድሮክ ወርቅ ለሚዲያ ዝግ ከመሆኑም በላይ ከአካባቢው ማኅበረሰብ ጋር መልካም ግንኙነት የለውም። በአካባቢው ማኅበረሰብ ልማት ሥራም ስሙ በበጎ አይነሳም። የሻኪሶ ከተማ አካባቢ ነዋሪዎች ለረዥም ዓመታት ስለኩባንያው ሲያማርሩ ኖረዋል።

ከቅርብ ጊዜ ወዲህ ግን ኩባንያው የሚጠቀመው ኬሚካል በአካባቢው ነዋሪዎች፣ በተለይም በሕፃናት ላይ ከፍተኛ ጉዳት እያደረሰ እንደሆነ በመግለጽ ብሶታቸውን አሰምተዋል። በተለይም አዲስ የሚወለዱ ጨቅላ ሕፃናት ገጠማቸው የተባለው የአካል ችግር ብዙዎችን አስደንግጧል። ለዚህ ሁሉ ምክንያት ተደርጎ የተጠቀሰው ኩባንያ ወርቅ ለማምረት የሚጠቀምበት ሳይናይድ የተሰኘው አደገኛ ኬሚካል እንደሆነ ተገልጿል።

ሚድሮክ ወርቅ ቀደም ሲል የ20 ዓመት የከፍተኛ ማዕድን ምርት ፈቃድ የነበረው ሲሆን፣ የውል ጊዜው በ2010 ዓ.ም. መጀመሪያ ተጠናቋል። ውሉ ከመጠናቀቁ ስድስት ወራት ቀደም ብሎ የምርት ፈቃዱ ለአሥር ዓመት እንዲራዘምለት ለማዕድን፣ ነዳጅና የተፈጥሮ ጋዝ ሚኒስቴር አመልክቷል። ማመልከቻውን የመረመረው ሚኒስቴሩ ኩባንያው እስካሁን የሠራቸውን ሥራዎችና ያቀረበውን የወደፊት የሥራ ዕቅድ ከመረመረ በኋላ  ፈቃዱን ለአሥር ዓመት አራዝሞለታል።

የማዕድን ምርት ፈቃዱ መታደስ የአካባቢው ነዋሪዎችን ቁጣ ቀስቅሷል። ከሁለት ሳምንት ባፊት ለተቃውሞ የወጡ ወጣቶች መንገድ በመዝጋት ተቃውሟቸውን አሰምተዋል።

የቀድሞ የማዕድን፣ ነዳጅና የተፈጥሮ ጋዝ ሚኒስትር አቶ ሞቱማ መቃሳ ለሪፖርተር እንደገለጹት፣ የተባለው ብክለት ተከስቶ ከሆነ ወንጀል ነው። ነገር ግን የተባለው የጤና ችግር የተከሰተው በትክክል ከማዕድን ማውጫው በሚወጣ ኬሚካል ነው ወይ የሚለው በጥናት መረጋገጥ እንደሚኖርበት የገለጹት አቶ ሞቱማ፣ ሚኒስቴሩ ከኩባንያው ጋር በመነጋገር የአዲስ አበባ ዩኒቨርሲቲ ጥናት እንዲያካሂድ መደረጉን ተናግረዋል። ይሁን እንጂ ሚኒስቴሩም ሆነ ሚድሮክ ወርቅ ዩኒቨርሲቲው ያጠናውን ጥናት ይፋ አላደረጉም።

ሪፖርተር ያነጋገራቸው በሚድሮክ ጎልድ ለገደንቢ ወርቅ ማውጫ ይሠሩ የነበሩ ጂኦጆሎጂስቶችና ኬሚስቶች ሳይናይድ የተሰኘው መርዛማ ኬሚካል ሚድሮክ ወርቅ ብቻ ሳይሆን፣ በሌሎች አገሮችም የሚገኙ የማዕድን ኩባንዎች ወርቅ ለማምረት እንደሚጠቀሙበት አስረድተዋል።

ወርቅ አዘል ድንጋዮች ከተፋጩ በኋላ ወርቁን ከሌሎች ነገሮች ለይቶ ለማውጣት በሳይናይድ እንደሚብላላ ባለሙያዎቹ አስረድተዋል። ችግሩ ሳይናይድ መጠቀሙ ሳይሆን መታየት ያለበት ኬሚካሉ ጉዳት እንዳያደርስ የሚደረገው ጥንቃቄ ነው ያሉት ባለሙያዎቹ፣ ሳይናይዱ ጥቅም ላይ ከዋለ በኋላ በውኃ ታጥቦ ወደ ማጠራቀሚያ ኩሬ እንደሚገባ ገልጸዋል። ሳይናይዱን የሚያጣራ ጣቢያም እንዳለ አክለዋል።

ከረዥም ዓመታት በፊት ከኩሬው ውኃ የጠጡ ከብቶች ወዲያው መሞታቸውን ያስታወሱት ባለሙያዎች፣ ከዚያ በኋላ ኩሬው እንዲታጠር መደረጉን ጠቁመዋል።

አሁን በአካባቢው ነዋሪዎች ላይ ደረሰ የተባለው የጤና ችግር እንዴት ሊከሰት ቻለ የሚለውን ጥያቄ ለመመለስ፣ በገለልተኛ ወገን ጥንቃቄ የተሞላበት ሥራ መከናወን እንደሚኖርበት ጠቁመዋል። ብቃት ያላቸው ገለልተኛ የሆኑ ባለሙያዎች ወደ ሥፍራው ተጉዘው ናሙናዎች ሰብስበው ጥልቅ ጥናት ማካሄድ ይኖርባቸዋል ብለው፣ ይህ ትልቅ ሥራ ነው ሲሉም አስረድተዋል።

በሚድሮክ ወርቅ የኢንቫይሮመንት ማኔጅመንት ቡድን መሪ የነበሩ ባለሙያ በበኩላቸው፣ ሚድሮክ ጎልድ ኢትዮጵያ ውስጥ ከሚንቀሳቀሱ ከአብዛኞቹ የማዕድን ኩባንያዎች የተሻለ የአካባቢ ፖሊሲ እንዳለው ገልጸዋል። ‹‹ኩባንያው የአካባቢ አስተዳደር ክፍል አለው። ይህ ክፍል የአካባቢ ባለሙያዎችና የራሱ በጀት አለው። የክትትል፣ የቁጥጥርና መልሶ የማቋቋም ክፍሎች ያሉት ሲሆን፣ በየጊዜው የውኃና አየር ናሙናዎች እየወሰደ ምርመራ ያካሂዳል፤›› ያሉት ባለሙያው፣ አሁን ተከሰተ የተባለው የጤና ችግር በአግባቡ ሊጤን ይገባል ብለዋል።

‹‹የችግሩ መንስዔ በሳይንሳዊ መንገድ ተመርምሮ መታወቅ ይኖርበታል። ተገቢ ምርመራ ሳይካሄድ የችግሩ ምንጭ ይኼ ነው ብሎ መደምደም ተገቢ አይደለም፤›› ብለዋል።

በማዕድን ሚኒስቴር የአካባቢና የማኅበረሰብ ልማት ዳይሬክቶሬት ሚድሮክ ወርቅን ጨምሮ በሁሉም ኩባንያዎች ላይ ክትትል የሚያደርግ በመሆኑ ይህ ሁሉ ችግር እንዴት ሊፈጠር ቻለ? ኩባንያው በአካባቢ ተፅዕኖ ላይ የሚያከናውነውን ሥራ የሚገመግም በመሆኑ ፈቃዱ እንዴት ሊታደስ ቻለ? የሚለው ከሚኒስቴሩ ምላሽ ያልተሰጣቸው ጥያቄዎች ናቸው። የሚድሮክ ወርቅ ኃላፊዎችም ስለተፈጠረው ችግር መግለጫ ከመስጠት ተቆጥበዋል።

በተያያዘ ዜና የማዕድን ኩባንያዎች በክልሎች የሕግ ጥሰት እንደሚፈጸምባቸው ገለጹ። ኩባንያዎቹ ብሶታቸውን ያሰሙት ሚያዝያ 29 ቀን 2010 ዓ.ም. የማዕድን፣ ነዳጅና የተፈጥሮ ጋዝ ሚኒስቴር ባዘጋጀው የምክክር መድረክ ላይ ነበር። በሚኒስትር ዴኤታው አቶ ቴዎድሮስ ገብረ እግዚአብሔር (አሁን የኢትዮጵያ ገቢዎች ጉምሩክ ባለሥልጣን ምክትል ዋና ዳይሬክተር) በተመራው የምክክር መድረክ ላይ በማዕድን ፍለጋና ልማት የተሰማሩ ኩባንያዎች ክልሎች ከሚኒስቴሩ ጋር ተናበው እየሠሩ እንዳልሆነ፣ በወረዳ አስተዳዳሪዎችና በአካባቢ ነዋሪዎች በደል እየተፈጸመባቸው እንደሆነ አስረድተዋል።

በቤንሻንጉል ጉምዝ ክልል በዕምነበረድ ምርት የተሰማሩ ኩባንያዎች ክልሉ በቅርቡ ያወጣውን የመሬት ይዞታ መመርያ ክፉኛ ተቃውመውታል። ከ20 ሔክታር በላይ መሬት የያዙ በዕምነበረድ ፍለጋና ምርት ላይ የተሰማሩ ኩባንያዎች እንዲመልሱ ክልሉ አዟል፡፡ መመርያው የማዕድን ፍለጋና ምርት ፈቃድ ከክልሉና ከፌዴራል መንግሥት የወሰዱ የአገር ውስጥና የውጭ ኩባንያዎችን እንደሚመለከት መዘገባችን ይታወሳል።

የሳማካ ማርብል ኩባንያ ተወካይ የህንድ ኩባንያዎች ወደ ዕምነበረድ ምርት ከገቡ በኋላ የአገሪቱ የዕምነበረድ ምርት መጨመሩን ተናግረዋል፡፡ ‹‹ይህ ሆኖ ሳለ ኩባንያችን ብዙ ሚሊዮን ዶላር ካወጣ በኋላ ከ20 ሔክታር በላይ ያለውን ይዞታህን መልስ መባሉ አግባብ አይደለም። ሕጋዊ ውልን የሚጥስና ኢንቨስትመንትን የሚያሸሽ ውሳኔ ነው፤›› ብለዋል

በኦሮሚያ ክልል የተሰማሩ ኩባንያዎች በበኩላቸው በክልሉ ውስጥ የማዕድን ሥራ መሥራት አስቸጋሪ እየሆነ እንደመጣ ገልጸዋል። ‹‹በቡድን በተደራጁ ወጣቶች ወይም በወረዳ አስተዳዳሪዎች ግልጽ ባልሆነ ምክንያት ሥራችንን እንድናቆም እንገደዳለን፤›› ብለዋል የአንድ የማዕድን ኩባንያ ኃላፊ።

የኢትዮጵያ ማዕድን፣ ነዳጅና ባዩፊውል ልማት ኮርፖሬሽን ኃላፊዎች በጉጂ ዞን ሰባ ቦሩ ወረዳ ቀንጢቻ አካባቢ የሚገኘው የታንታለም ማውጫ ያላግባብ ሥራ እንዲያቆም ከተደረገ አምስት ወራት እንዳለፈው፣ በዚህም ሳቢያ አገሪቱ ከታንታለም ኤክስፖርት ማግኘት የሚገባትን የውጭ ምንዛሪ እንዳጣች የገለጹት የኮርፖሬሽኑ ኃላፊዎች፣ ግለሰቦች ወደ ኮርፖሬሽኑ ይዞታ በመግባት ዘረፋ በመፈጸም ላይ እንደሆኑ በምሬት ገልጸዋል።

በተመሳሳይ ክብረ መንግሥት አቅራቢያ ቧንቧ ውኃ አካባቢ የሚገኘው የኮርፖሬሽኑ የካኦሊን ማዕድን ማምረቻ በአካባቢው ማኅበረሰብና ወረዳ አስተዳዳሪዎች እንዲዘጋ በመደረጉ ድርጅቱ ለከፍተኛ ችግር እንደተጋለጠ ተናግረዋል። ካኦሊን የአዋሽ መልካሳ አሉሙኒየም ሰልፌት ፋብሪካ ለንፁህ የመጠጥ ውኃ ማጣሪያ የሚውል ኬሚካል ለማምረት የሚጠቀምበት ዋነኛ ግብዓት በመሆኑ፣ የጎላ ችግር እንደተፈጠረ ተገልጿል።

አቶ ቴዎድሮስ በበኩላቸው የመንግሥት ባለሥልጣናት አገር በማረጋጋት ሥራ ላይ ተጠምደው የነበረ በመሆኑ፣ ኩባንያዎችን ጠርተው ማወያየት ሳይችሉ እንደቆዩ ገልጸዋል። ከአሁን በኋላ ግን በኩባንያዎቹ የተነሱትን ጥያቄዎች መርምረው ምላሽ እንደሚሰጡ ተናግረዋል። ‹‹በአዲስ አመራር በአዲስ መንፈስ ከክልሎች ጋር እየተመካከርን መፍትሔ እንሰጣለን፤›› ብለዋል አቶ ቴዎድሮስ።

ኩባንያዎቹ በበኩላቸው የማዕድን ሚኒስቴሩ እንዳልበደላቸው ገልጸዋል። ነገር ግን ሚኒስቴሩና የማዕድን ኩባንያዎች እጅና ጓንት ሆነው እንደሚሠሩ፣ ሚኒስቴሩ የቴክኒክ ድጋፍ እንደሚያደርግ፣ አሁን እየተፈጠረ ያለው ችግር ግን የቴክኒክ ሳይሆን የፖለቲካ ችግር በመሆኑ ከሚኒስቴሩ አቅም በላይ መሆኑን፣ የማይታወቅ ችግር እንደሌለ፣ ነገር ግን ከአቅም በላይ ስለሆነ ጉዳዩን ለጠቅላይ ሚኒስትሩ በማቅረብ መፍትሔ ይሰጠን ሲሉ ኩባንያዎቹ ጠይቀዋል። በምክክር ጉባዔው ላይ የሚድሮክ ወርቅ ኩባንያ ኃላፊዎች እንዳልተገኙ ለማወቅ ተችሏል።

Ethiopia’s attains lowest standing in the 2017 Resource Governance Index (RGI)

28 Jun

Posted by The Ethiopia Observatory (TEO)

The Natural Resource Governance Index (RGI), according to its authors, is the metric measuring how the known resource-rich nations govern their oil, gas and mineral wealths.

The index composite score is made up of three components and aims to:

    (a) Assess characteristics of the extractives sector;

    (b) Look into a given nation’s value realization and revenue management performance; and,

    (c) Capture essence of the broader context of governance, especially the policy environment

Continue reading

Swedish television channel (TV4) exposes H&M’s cotton sourcing from Al Amoudi Ethiopia

29 Mar

Posted by The Ethiopia Observatory (TEO)
 


 
Is H&M turning a blind eye to land grabs in Ethiopia? TV4 does an investigation into H&M’s cotton sourcing from Ethiopia and discovers the disturbing truth. The corrupt businessman Sheik Mohammed Al Amoudi the second richest man in the Arab world also badly exposed in this investigation. watch the following video for the full documentation.


 

ሁለተኛው የአላሙዲ ወርቅ ማምረቻ ፋብሪካ ተከላ በቤኒሻንጉል ጉሙዝ ክልል ሊካሄድ መሆኑ በሚዲያ ቢገለጽም፡ ለምን ሚድሮክ ብቸኛ የሃገሪቱ ወርቅ ሞኖፖል ያዥ እንዲሆን እንደተፈለገ አልታወቀም

24 Sep

የአዘጋጁ ጥያቄ፡

    ወርቅ ለኢትዮጵያ ክፍተኛው የውጭ ምንዛሬ ማግኛ ምንጭ ሆኖ ቆይቷል። እስካሁን ክፍተኛው ገቢ ከወርቅ የተገኘው $602.4 ሚልዮን በ2011/12 ነበር፡፡ ከዚያ በፊት ግን በ2010/11 የተገኘው $48´61.7 ሚልዮን ነበር። በ2012/13 የገቢው መጠን ወደ $584.4 ሚልዮን ወርዷል –ካለፈው ጋር ሲነጻጸር – የኢትዮጵያ ብሔራዊ ባንክ እንደዘገበው። የገቢው መለዋወጥ ከተላከው መጠን መቀያየር ወይንም ከዓለም የወርቅ ገበያ ጋር የተያያዘ ሊሆን ይችላል።
    Continue reading

Billionaire Al-amoudi reorganizes MIDROC’s agriculture sector

23 Sep

Posted by The Ethiopia Observatory (TEO)

An executive reshuffle by Mohammed Ali Al Amoudi (Sheikh) has led to the departure of Haile Assegdie from Saudi Star Agricultural Development Plc. He has been replaced by Jemal Ahmed, who becomes the new CEO. This is on top of his responsibilities at Horizon Plantations.
Continue reading

የጠቅላይ ሚኒስትር ጽሕፈት ቤት ሚድሮክ ያቀረበውን የካርታ መምከን አቤቱታ ተቀበለ: ከፍተኛ የውርደትና የሃዘን ቀን በኢትዮጵያ

13 Aug

Posted by The Ethiopia Observatory (TEO)

በውድነህ ዘነበ፡ ከሪፖርተር

      •   የአዲስ አበባ አስተዳደር የመከነው ካርታ እንዲመለስ አዘዘ

የአዲስ አበባ አስተዳደር ግንባታ ሳይካሄድባቸው ለዓመታት ታጥረው የተቀመጡ ሁለት ቦታዎች ካርታ ማምከኑን የተቃወመው ሚድሮክ፣ ለጠቅላይ ሚኒስትር ጽሕፈት ቤት ያቀረበው አቤቱታ ተቀባይነት ማግኘቱን ምንጮች ገለጹ፡፡

Continue reading

Midroc & Omo River: Bridge under water 8 years since signing

26 Jun

Posted by The Ethiopia Observatory

Pan African Construction retrieved part of the Omo River Bridge that collapsed two years ago. In April 2011, a 90 metre portion of the Omo River Bridge, which was under construction in Omorate Zone of the Southern Nations, Nationalities and Peoples Regional state, 850km from Addis Ababa, collapsed.
Continue reading

One of many fast slipping Al-Amoudi’s downpayment deadlines in no penalties land

10 Jul

By Elleni Araya*

The 1.25 billion Br privatisation deal between MIDROC and its affiliates on one side and the Privatisation & Public Enterprises Supervising Agency (PPESA) on the other is failing due to the companies failure to make the requisite down-payment of around half a billion Birr.
Continue reading

%d bloggers like this: