Tag Archives: Opposing State of Emergency (SOE)

የሕዝብ ተወካዮች ምክር ቤት የአስቸኳይ ጊዜ አዋጁን አፀደቀ

2 Mar

Posted by The Ethiopia Observatory (TEO)
 
አዲስ አበባ፣ የካቲት 23፣ 2010 (ኤፍ.ቢ.ሲ) ዛሬ አስቸኳይ ስብሰባውን ያካሄደው የሕዝብ ተወካዮች ምክር ቤት የሚኒስትሮች ምክር ቤት የካቲት 6 ቀን 2010 ዓመተ ምህረት ለስድስት ወራት ያወጀውን የአስቸኳይ ጊዜ አዋጅ አፀደቀ።

ምክር ቤቱ በኢፌዴሪ ሕገ መንግስት አንቀጽ 93 ንዑስ አንቀጽ 1 (ሀ) መሰረት በታወጀው የአስቸኳይ ጊዜ አዋጅ ላይ ከተወያየ በኋላ በ346 ድጋፍ፣ በ88 ተቃውሞና በ7 ድምጸ ታእቅቦ አፅድቆታል።

ለምክር ቤቱ የቀረበው የውሳኔ ሀሳብ ሕገ መንግስቱንና ሕገ መንግስታዊ ሥርዓቱን ከአደጋ ለመከላከል የአስቸኳይ ጊዜ አዋጅ መታወጁን ያመለክታል።

መንግስት ሕገ መንግስቱንና ህገ መንግስታዊ ስርዓቱን ከአደጋ የመከላከልና የመጠበቅ፣ የአገርን ሰላምና ደህንንነት የማስከበርና የህዝቦችን አንድነትና እኩልነት እውን በማድረግ የዜጎችን በነፃነት የመዘዋወር፣ በመረጡት ቦታ የመኖርና ሀብት የማፍራት ሕገ መንግስታዊ መብታቸውን የመጠበቅ ኃላፊነት ያለበት መሆኑን በመገንዘብ መታወጁም ተጠቅሷል።

ከቅርብ ጊዜ ወዲህ በሀገሪቱ አንዳንድ አካባቢዎች ሕገ መንግስቱንና ሕገ መንግስታዊ ስርአቱን እንዲሁም የህዝብን ሰላምና ደህንነት የሚጥስና ለአደጋ የሚያጋልጥ ሁኔታ እየተስፋፋና እየተራዘመ መሄዱ ተነስቷል።

በተፈጠረው ሁከትና ብጥብጥ የተነሳ በተለያዩ አካባቢዎች የሚገኙ የህብረተሰብ ክፍሎች መንግስት የሕግ ጥበቃና ከለላ እንዲያደርግላቸው መንግስትን በተለያዩ መድረኮች መጠየቃቸውንም ነው መንግስት ከዚህ ቀደም የገለፀው።

በሕገ መንግስቱና በሕገ መንግስታዊ ስርዓቱ ላይ የተጋረጠውን ይህን አደጋ በመደበኛው የህግ ማስከበር ስርዓት ለመከላከልና ለመቆጣጠር ከማይቻልበት ደረጃ ላይ መድረሱንና ህገ መንግስታዊ ስርአቱን ለመጠበቅ የሚያስችል የአስቸኳይ ጊዜ አዋጅ ማውጣት አሰፈላጊ መሆኑ እንደታመነበትም አስታውቋል።
 

መካነ ኢየሱስ ቤተክርስቲያን በአስቸኳይ ጊዜ አዋጁ ላይ ምክክር እንዲደረግ ጠየቀች!

25 Feb

Posted by Ethiopia Observatory (TEO)
 
የኢትዮጵያ ወንጌላዊት መካነ ኢየሱስ ቤተ ክርስቲያን ኢትዮጵያ በአስቸኳይ ጊዜ አዋጅ እንድተተዳደር መደረጓ “ሀገሪቱን ይበልጥ አሳሳቢ በሆነ ውስብስብ ችግር ውስጥ ሊያስገባት ይችላል የሚል ስጋት” እንዳለባት ገለጸች፡፡

የኢትዮጵያ መንግስት “አዋጁን ማንሳት በሚቻልበት መንገድ ላይ እንደገና እንዲመክርም” ጠይቃለች፡፡ ቤተክርስቲያኒቱ በኢትዮጵያ ወቅታዊ ሁኔታ ላይ ዛሬ በይፋዊ የፌስ ቡክ ገጿ ላይ ባወጣችው ረዘም ያለ መግለጫ “ኢትዮጵያ አሁን የምትገኝበት ሁኔታ በእጅጉ አሳሳቢ ነው” ብላለች፡፡ “የሀገር አንድነት እና የህዝቡ ሰላም ይበልጥ በአስተማማኝ ሁኔታ እንዲገነባ በጋራ መግባባት ላይ መስራት ያስፈልጋል” ስትል ለሚመለከታቸው አካላት ጥሪ አቅርባለች፡፡ የቤተክርስቲያኒቱ ፕሬዝዳንት ቄስ ዮናስ ይገሱ ጥሪውን በቅድሚያ ለመንግስት መስጠታቸውን ለዶይቼ ቬለ ተናግረዋል።
Continue reading

%d bloggers like this: