Tag Archives: Oromo Liberation Front (OLF)

ቡልቻ ደመቅሳ:                        በኢትዮጲስ ቃለ መጠይቅ ላይ ተመሥርተው ስለሃገር፡ ኢትዮጵያዊነትና ኦነግ የሠነዘሯቸው አስተያየቶች!

5 Feb

Posted by The Ethiopia Observatory (TEO)

 

/Yeneta Tube

 

 

መጭው ምርጫ ከፊታችን ተደቅኖ የኦዲፓና ኦነግ ግብግብና ጠለፋ ለሕዝቡ ደኅንነትና ለሃገሪቱም ፖለቲካ መስከንና ኤኮኖሚ ዕድገትዋ አሳሳቢ የችግር ምንጭ ነው!

23 Dec

Posted by The Ethiopia Observatory (TEO)

ሰሞኑን መንግሥት (ኦዲፒ) ከኦነግ ጋር ያለውን የተበላሸ ግንኝነት አስመልክቶ መግለጫ ከሠጠበት ቀን ጀምሮ፣ በየዕለቱ ግንኙነታቸው ወደ ከፋ አቅጣጭ ሲያመራ ይታያል። ይህን አስመልክቶ ኦዲፒና ኦነግ ሳይደማመጡ የሚመክሩ መምሰላቸው በጊዜ ማብቃት አለበት! የሚል አጠር ያለ ጽሁፍ አቅርበን ነበር።

ይህንኑ አስመልክቶ የዚህ ገጽ ኢዲቶሪያል ከሁሉ በላይ የዜጎችን ነጻነትና እኩልነት እንዲሁም ለሃገራችን የተረጋጋ ሁኔታ መፈጠርን ይደግፋል። ስለሆነም መግለጫውን እንዳየን፡ በሃገሪቱ ከተፈጠረው አለመረጋጋት ጋር ተያይዞ፡ የሚከተለውን አመለካከት ሠንዝረናል፦


ይህ በእንዲህ እንዳለ ቅዳሜ ጠቅላይ ሚኒስትሩ ጊዜያቸውን ካሳለፉባቸው ጉዳዮች አንዱ “የረፐብሊኩን ጥበቃ ኃይል” ዝግጅት መመልከት ነበር። በወቅቱ እንደተገለጸው፡ “የሪፑብሊክ የጥበቃ ኃይል አባላት የመንግሥት ባለስልጣናትንና ቤተሰቦቻቸውን የጥቃት ዓላማን አንግበው በሚንቀሳቀሱ ኃይሎች ከሚሰነዘር ጠለፋና እንግልት ለመከላከል የተቋቋመ” መሆኑ ታውቋል።

ይህ ረፐብሊካን ኃይል ሲሉ ዓላማው በአንድ በኩል “የአገሪቱን ሕገ መንግሥትና ሕገ መንግሥታዊ ሥርዓት ከማንኛውም ጥቃት ለመከላከል በአዲስ የተቋቋመ የደኅንነት መሣሪያ” መሆኑን ሲጠቆም፡” የጠቅላይ ሚኒስትሩ ጽ/ቤት ትኩረት ሚዛን ያረፈው “የመንግስት ባለስልጣኖችና ቤተሰቦቻቸውን የጥቃት ዓላማን አንግበው ከሚንቀሳቀሱ ኃይሎች ከሚሰነዘር ጠለፋና እንግልት ለመከላከልና ለማዳን” ስለመሆኑ ያወሳል።

ምናልባትም ዋና መንስዔው ከሁሉም በላይ ኦዲፓ (መንግሥት)  ከኦነግ ጋር ያለው ሽኩቻ ነው የሚል ጠንካራ ግምት አሳድሮብናል። ለረፐብሊኩ ልዩ ኃይል መቋቋም ምክንያቱ ይኸው ኦዲፓ (መንግሥት)  ከኦነግ ጋር ያለበት ፍልሚያ አድርገን ወስደነዋል። አሳሳቢው ነገር (ምናልባትም ለሁለቱ ቡድኖች)  ከፊታችን ምርጫ እየተቃረበ መሆኑ ችግሩን ሳያወሳስበው አልቀረም።

ምርጫውን በተመለከተ ኦዲፓም ሆነ ኦነግ እኩል ዕድል እንዲኖራቸውና ሕዝቡ እኩልነትን፥ ነጻነትን፡ የሕግ የበላይነትንና ዲሞክራሲን ያሠፍንልናል የሚለውን ለመምረጥ ዕድል እንዲያገኝ እንመኛለን። እንሻለን።

በሌላ በኩል ደግሞ በኃይል የሚፈልገውን ለማግኘት የሚደራደር ቡድንን ወይንም አካል እንደ ሕገ ወጥና ለሕዝባችን የችግር ምንጭ አድርገን ስለምንወስድ— ኦነግ ሃገር እንዲገባ የጋበዘውን አስተዳደር በኃይልና በሸፍጥ ለመናድ የሚያደርጋቸው ጥረቶች በሃገራችን ላይ አደጋ ጋርጧል። 

ይህንንም አስመልክቶ፣ በትዊተር ገጻችን ወዲያው እኩለ ቀን ላይ የሚከተሉትን ሃሣቦት ሠንዝረናል፦



 


ከላይ የተጠቀስው የረፐብሊኩ ጥበቃ ኃይል፡ አሰያየሙ ከግለሰቦች ይልቅ ሃገርና አመራሯ ላይ ያተኮረ ቢመስልም፡ ምሣሌው ከየት እንደተወሰደ አናውቅም። ስንገምት ግን ክ11936-1939 በተደረገው የስፔይን የሲቪል ጦርነት የተበደርነው ይመስላል። የስፔን ብሐርተኞች ( Nationalists)/ሕዝብ ሁለተኛውን ረፐብሊክ ከቀኝ ዘመም አማጺ ወታደራዊ ኃይሎች ለማዳን የተደረገውን ትግል አመላክች ነው። ብዙ ዋጋ ተከፍሎበት፥ ስፔን አንድነቷንና የመንግሥቷን ሉዓላዊነት ለማስከበር አስችሏታል— በወታደሩና በሲቪሉ መካከል እስከዛሬ የዘለቀ መራራቅን/አለመተማመን ቁስልን የፈጠረ ችግር ቢሆንም!

================

ከዋዜማ ሬዲዮ የተዋስነው–ከአሰመራ ከተመለሰው ዉጪ ያለው የኦነግ ተዋጊ ከየት መጣ? የሚለው ውይይት ጠቃሚ ሆኖ አግኝተነዋል:-

ኦነግ ማንስ አስታጠቀው? የኦነግን ሠራዊት እየመሩ ያሉት እነማን ናቸው? እውነታው ኦነግ ያለፉትን ሶስት ዓመታት በተለይ ባለፉት ወራት በሕቡዕ ሲደራጅና ተዋጊዎች ሲያሰለጥን ቆይቷል። ይህን ገዥው የኦሮሞ ዲሞክራሲዊ ፓርቲም ያውቅ ነበር። ዋዜማ ያሰባሰበችውን መረጃ እንደሚከተለው አሰናድተነዋል።

 

 

 

ኦዲፒና ኦነግ ሳይደማመጡ የሚመክሩ መምሰላቸው በጊዜ ማብቃት አለበት!

21 Dec

Posted by The Ethiopia Observatory (TEO)

የኦሮሞ ዴሞመራሲያዊ ፓርቲ (ኦዲሥራ አስፈፃሚ ኮሚቴ ታህሳስ 20/2018 አሰቸኳይ ስብሰባ አክሂዶ፣ “ማንኛውም የፖለቲካ ፉክክር በጠመንጃ አፈሙዝ ሳይሆን በሰላማዊ መንገድ ሊሆን ይገባል” የሚል መግለጫ አውጥቷል።

በዚህም መግለጫው ሥራ አስፈፃሚ ኮሚቴው በብዙ መሥዋዕትነት የተገኘውን ድል ለማስቀጠል የፖለቲካ ፉክክር በሰላማዊ መንድ መካሄድ እንዳለበት አሥምሮበታል

የአሁኑ የኦዲፒ መግለጫ ኮስተር ያለና ”በሕዝብ ትግል የተቀዳጀነው ድል በጠላት ሴራ ለሰከንድም ቢሆን አይደናቀፍም፤ ወደ ኋላም አይመለስም” አባባሉ ለፍጥጫ የተደረገውን ዝግጅት የሚያውጅ ይመስላል።

ኦነግ በበኩሉ እስካሁን ከተሰማው በላይ ቅላጼውን እያካረረ የሚያነሳው ጉዳይ ኢትዮጵያ ከመምጣቱ በፊት የተደረስው ስምምነት በመንግሥት በኩል አልተከበረልኝም የሚለው ነው።

ከኦዲፓ አስቸኳይ መግለጫ አንድ ቀን ቀደም ብሎ ኦነግ የራሱ የሆነ ነጻ ግዛት አለው የሚል ዕወጃ ተደርጎ ነበር። ዛሬ ደግሞ አባሎቻችን ሰሞኑ ታሥረውብናል የሚል ሮሮ አቶ ዳውድ ኢብሳ አሰምተዋል።

በሌላ በኩል ግን ኦነግ ውስጠ ግንዛቤው ሸብረክ እያለ ራሱን ከመንግሥት እኩል አድርጎ የሚመለከትና በአጭር ቆይታው በዚህ ዙርያ ብዙ ሲናገር ተደምጧል። በተለይም ከኛ ጋር ሳይመከር ይህ ያ ተደረገ አቶ ዳውድ ኢብሳ ሲናገሩ ይሰማል። ገና ከመጀመሪያው በትጥቅ መፍታት ዙሪያ ‘ማን ማንን ያስፈታል’ አባባላቸው አያሌ ኢትዮጵያውያንን እንዳስቀየመ እሳቸውም ሳይሰሙ አይቀሩም።

መንግሥትም በፈለገውና ቦታና ወቅት፣ የሃገሪቱ የግዛት አንድነትና ሉዓላዊነቷ እንዳይደፈር አስፈልጊ ሆኖ ባግኘበት ወቅት፣ በሕጉ መሠረት ሠራዊቱን የማዝ መቱን አቶ ዳውድ ኢብሳ ከእርሳቸው ጋር አለምክክር መደረጉን በምሬት ማንሳታቸው በቅንዓት የሚያዩት አስመስሏቸዋል!

እሳቸው ግን ዛሬም፥ ከፍተኛ የሆነ የመንግስት ሠራዊት በባሌ፣ በጉጂና በወለጋ ተገቢ ያልሆነ እንቅስቃሴ አደረገ ብለው የመንግሥትን ሥልጣን ለመገደብ የሚሻ እሮሮ አሰምተዋል።

የትኛው ሃገር መንግሥትና ዜጎች ናቸው  አንድ ነፃ አውጭ ግንባር ነኝ ባይ የታጠቀ ኃይል ሃገራቸው ውስጥ ነጻ ወታደራዊ ሥልጠና ክልል አለኝ ሲል በፈንጠዝያ ሊመለከቱ  የሚችሉት?

ነገሮች እንደዚህ ቀኝና ግራ በሚሥፈነጠሩበት ወቅት፡ ዛሬ እንዳደረጉት አቶ ዳውድ ኢብሳ  ደግሞ ቀዝቀዝ ይሉና “የኦሮሚያ ክልላዊ መንግስት በክልሉ ሰላም እንዲኖር ቁርጠኛ አቋም ካለው ለመነጋገር ዝግጁ መሆናቸውን” ያሰማሉ!

እስከመቼ ነው እንዲህ መንግሥትና ኦነግ የሚንገታገቱት— በተለይም በምዕራቡና ደቡቡ የሃገራችን ክፍሎች— ሕዝቡ በፍርሃትና ለጭፍጭፋ ተጋልጦ እያለ? የጡንቻ ፖለቲካ አስከፊ በሆነ መልኩ ለምን ለሥልጣን መደራደሪያና በር ከፋች ተደርጎ ሲወሰድ ተውኝ የፈለገኝኝን ላድርግ ይባላል ወይ?

ለአቶ ዳውድና የኦነግ ጓዶቻቸው ታስቦ ነው መሰለኝ፡ የኦዲፒ ሥራ አስፈጻሚ ኮሚቴ በሃገሪቱ የሰብዓዊና ዴሞክራሲያዊ መብቶች እንዲከበሩ፣ የመጠላላትና የአፈሙዝ ፖለቲካ በውይይትና ሰላማዊ እንዲቀየር ኢትዮጵያ ውስጥ ምቹ ሁኔታ መፍጠር መቻሉን እንደገና ማስታወስ ያስፈለገበት!

ለዚህ የአቶ ዳውድ መልስ፡ “ትላንት የኦሮሞ ዲሞክራሲያዊ ፓርቲ/ኦዴፓ/ጦርነት የሚመስል አዋጅ አውጆብናል…ከጠቅላይ ሚኒስትሩ ጽሕፈት ቤት ዛሬ የወጣው መግለጫም ይህንኑ ያጠናክራል” ነው።

ይባስ ብሎም፣ አቶ ዳውድ “ሠራዊታችን ጥቃት አይፈጽምም” ያሉት የኦነጉ ሊቀመንበር “ራሱን እንዲከላከል ግን ትዕዛዝ ሠጥተናል” ብለዋል።

ኢትዮጵያ የሁላችን ናትና ሌላውም የኢትዮጵያ ሕዝብ ድርሻ እንዳለው አቶ ዳውድ ኢብሣ ልብ ሊሉ ይገባል!

ልብ የሚሉ ከሆነ፣ ዛሬ ከሶስት አሥርታት ባርነት በኋላ፣ ዛሬ ሕዝባችን የሚሻው ሙሉ ነፃነቱንና በሰላም ወጥቶ መግባትና ኑሮውን ማሻሻል ነው እንጂ የሥልጣን ጥመኞችን ፍላጎት ለማርካት አይደለም!

 

በወለጋ በኦነግ ስም የታጠቁ ቡድኖችን ለማስፈታት በተጀመረው እንቅስቃሴ ጉዳት ደረሰ!

31 Oct

Posted by The Ethiopia Observatory (TEO)

በሪፖርተር

ትጥቅ ላለመፍታት ባሸመቁ ላይ በተወሰደ የኃይል ዕርምጃ በርካቶች መሞታቸውን እማኞች ገለጹ

በፀጥታ አስከባሪዎች ላይ በተሰነዘረ የቦምብ ጥቃትም የአካል ጉዳት መድረሱ ተሰምቷል

የመከላከያ ሠራዊት በወለጋ አካባቢ በኦሮሞ ነፃነት ግንባር (ኦነግ) ስም የጦር መሣሪያ ታጥቀው የፖለቲካ ንቅናቄ የሚያደርጉ ቡድኖችን ትጥቅ ለማስፈታት የጀመረው እንቅስቃሴ፣ በአንዳንድ አካባቢዎች በሰው ሕይወትና አካል ላይ ጉዳት ማድረሱና በአካባቢውም የግጭት ውጥረት መንገሡ ተሰማ፡፡

የመከላከያ ሠራዊቱ ከቅዳሜ ጥቅምት 17 ቀን 2011 ዓ.ም. ጀምሮ በምዕራብና በምሥራቅ ወለጋ አካባቢዎች መሰማራት መጀመሩን የሚገልጹት ሪፖርተር ያነጋገራቸው የአካባቢው ምንጮች፣ ሠራዊቱ እንደሚሰማራ ቀደም ሲል መረጃ የነበራቸው የአካባቢው ወጣቶች ከቅዳሜ በፊት በነበሩት ቀናት በተለያዩ አካባቢዎች የተቃውሞ ሠልፎችን በማድረግ ትጥቅ የማስፈታት ዓላማውን ሲቃወሙ እንደነበር ጠቁመዋል።



የመከላከያ ሠራዊቱ በአካባቢዎቹ እንዳይሰማሩ መንገዶችን በመዝጋት ድርጊት ላይ መሰማራታቸውን ምንጮች ገልጸው፣ የመከላከያ ሠራዊቱ የተዘጉ መንገዶችን በመጥረግ መሰማራት ቢቀጥልም በአንዳንድ አካባቢዎች በጦር መሣሪያ የታጀበ ግጭት እንደገጠመውና በዚህ ምክንያትም የኃይል ዕርምጃ መውሰድ መጀመሩን ገልጸዋል።

የታጠቁት ወጣቶች ለኃይል ዕርምጃው የአፀፋ ምላሽ እየሰጡ በማፈግፈግ ወደ ማኅበረሰቡ ውስጥ፣ የተቀሩት ደግሞ ወደ ጫካ በመሸሽ እንደተሸሸጉ ይናገራሉ። መከላከያ ሠራዊት አባላት የአካባቢው አመራሮችንና ሽማግሌዎችን በማስተባበር ትጥቅ የማስፈታት ተልዕኳቸውን ቤት ለቤት በመዞር ለመፈጸም ጥረት እያደረጉ መሆኑን፣ ነገር ግን መሽገው የሚንቀሳቀሱ ቡድኖች መንገድ በመዝጋትና ድንገተኛ ጥቃት በመሰንዘር እየተሰወሩ መሆናቸውን ምንጮች ተናግረዋል፡፡

በምዕራብ ወለጋ አይራ ጉሊሶ በሚባል አካባቢ መንገድ በመዝጋት የሠራዊቱን እንቅስቃሴ ለመገደብ በሞከሩ ቡድኖች ላይ ሰኞ ጥቅምት 20 ቀን 2011 ዓ.ም. በተወሰደ የኃይል ዕርምጃ፣ ሁለት ሰዎች መሞታቸውን የዓይን እማኞች ገልጸዋል። በምዕራብ ወለጋ ቤጊ በተባለ አካባቢ በተወሰደ ዕርምጃ ጉዳት ባይደርስም የታጠቁት ቡድኖች መሸሻቸውን፣ በደምቢዶሎ አካባቢ በመንግሥት የፀጥታ አስከባሪዎች ላይ በተሰነዘረ የቦምብ ጥቃት፣ በሦስት ወታደሮች ላይ ከፍተኛ የአካል ጉዳት መድረሱን ጠቁመዋል።

በቄለም ወለጋ፣ ሆሮ፣ ዋበራ በተባሉ አካባቢዎችም ተመሳሳይ ሁኔታ መኖሩንና ነዋሪዎችም አካባቢዎቹን ለመልቀቅ መገደዳቸውን ምንጮች ገልጸዋል። የኦነግ ሊቀመንበር አቶ ዳውድ ኢብሳ በቤጊና በነቀምት የአካባቢውን ነዋሪዎችና ወጣቶች በመሰብሰብ ሲያነጋግሩና ሲያግባቡ እንደነበር ምንጮች አስረድተዋል፡፡



በአካባቢው ስለተጀመረው ሕግ የማስከበር እንቅስቃሴና እስካሁን ስለደረሰው ጉዳት ማብራሪያ እንዲሰጡ ለመከላከያ ሚንስትሯ ወ/ሮ አይሻ መሐመድ ጥያቄ ቢቀርብላቸውም የጉዳት መረጃ እንደሌላቸው፣ ወደ አስቸኳይ ሰብሰባ እየገቡ ስለሆነም ማብራሪያ ለመስጠት እንደሚቸገሩ ገልጸዋል።

ሪፖርተር የኦሮሚያ ፀጥታ ቢሮ ምክትል ኃላፊ ለአቶ ሁሴን ፋይሶና የምዕራብ ወለጋ ዞን አስተዳዳሪ ለአቶ ሌሊሳ ዋቆያ ተመሳሳይ ጥያቄ ያቀረበ ቢሆንም፣ ኃላፊዎቹ ምላሽ ከመስጠት ተቆጥበዋል። ይሁን እንጂ አቶ ሁሴን በቀጣዮቹ ቀናት የተጠናቀረ መረጃ ይፋ እንደሚደረግ ተናግረዋል።

የኦሮሚያ ክልል ርዕሰ መስተዳደር አቶ ለማ መገርሳ ማክሰኞ ማምሻውን ለክልሉ ቴሌቪዥን በሰጡት መግለጫ፣ በምዕራብ ወለጋና በቄለም ወለጋ በኦነግ ስም በመታጠቅ ሕዝቡን ለችግር እየዳረገ ያለ አካል በአፋጣኝ ከዚህ ተግባር እንዲታቀብ አሳስበዋል፡፡

መንግሥት እስካሁን እንዲህ ዓይነቱን ተግባር በትዕግሥት ሲመለከት ነበር ያሉት አቶ ለማ፣ ከዚህ በኋላ ግን መንግሥት የሕዝቡን ደኅንነት ለመጠበቅና ሕገ መንግሥቱን ለማስከበር እንደሚሠራ ተናግረዋል፡፡

በወለጋ አካባቢ ትጥቅ የማስፈታት እንቅስቃሴውን ለማደናቀፍ የሚጥሩና ከጀርባ ሆነው ወጣቶችን የሚያሳስቱ ከተግባራቸው እንዲቆጠቡ፣ እንዲሁም መንግሥት ሕግ የማስከበር ኃላፊነቱን እንደሚቀጥልና ምንም ዓይነት ትዕግሥት እንደማይኖረው አስጠንቅቀዋል፡፡

ሪፖርተር በአካባቢው ማግባባት ሲያደርጉ ታይተዋል የተባሉትን የኦነግ ሊቀመንበር በስልክ ለማግኘት ያደረገው ሙከራ አልተሳካም።

ጠ/ሚሩ ተፎካካሪ ፓርቲዎች ትጥቅ መፍታት እንዳለባቸው አስገነዘቡ! የኦሮሞ ነፃነት ግንባሩ (ኦነግ) ዳውድ ኢብሣ ‘ትጥቅ ፈታ መባል ሴንሲቲቭ ጥያቄ’ ነው ይላሉ! ኢትዮጵያ ወዴት እያመራች ነው?

7 Oct

Posted by The Ethiopia Observatory (TEO)

 

በቡራዩና አካባቢዋ በቅርቡ በደረሰው የንፁሃን ማፈናቀል፣ግድያና ዘረፋ—ምናልባትም የመጀመሪያው ግልጽ ሊባል የሚቻል—የ2 ተቃዋሚ ፓርቲዎች ዕይታ!

24 Sep

Posted by The Ethiopia Observatory (TEO)

 

ተዛማጅ:

በቡራዩ አረመኔያዊውን ተግባር የፈጸሙት መንግሥት ‘የተደራጁ ኃይሎች’ ናቸው ብሎናል! መንግሥትም በተከታታይ ከመንግሥትነቱ እንዲያንስ በመደረጉ ኢትዮጵያዊነት ስለተጎዳ፣መንግሥትና ሕዝቡ በጊዜ በቃ ሊሉ ይገባል!

የሚኒስትሮች ምክር ቤት ኦነግ፣ ኦብነግና ግንቦት 7 ከሽብርተኝነት ዝርዝር እንዲሰረዙ ወሰነ!

30 Jun

Posted by The Ethiopia Observatory (TEO)

አዲስ አባባ፣ ሰኔ፣ 23፣ 2010(ኤፍ.ቢ.ሲ) ዛሬ መደበኛ ስብሰባውን ያደረገው የሚኒስትሮች ምክር ቤት ኦነግ፣ ኦብነግና ግንቦት 7 ከሽብርተኝነት ዝርዝር እንዲሰረዙ ወሰነ።

ምክር ቤቱ የኦሮሞ ነፃ አውጪ ግምባር (ኦነግ)፣ የኦጋዴን ብሄራዊ ነፃ አውጪ ግንባር (ኦብነግ) እና ግንቦት ሰባት የፖለቲካ ድርጅቶች ላይ ተጥሎ የነበረው የሽብርተኝነት ፍረጃ እንዲነሳ ነው የውሳኔ ሀሳቡን ማሳለፉን የጠቅላይ ሚኒስትር ጽህፈት ቤት ልዩ ሀላፊ አቶ ፍፁም አረጋ አስታውቀዋል

_________________________________________________________________________________________________________________________________

_________________________________________________________________________________________________________________________________

የሚኒስትሮች ምክር ቤት ኦነግ፣ ኦብነግና ግንቦት 7 ከሽብርተኝነት ዝርዝር እንዲሰረዙ የሚጠይቅ ረቂቅ የውሳኔ ሀሳብ እንዲፀድቅ ወደ ህዝብ ተወካዮች ምክር ቤት ልኳል።

ምክር ቤቱ ያሳለፈው ውሳኔ ሀሳብም የተለያዩ የፖለቲካ ፓርቲዎች በሀገሪቱ ፖለቲካ ውስጥ በሰለማዊ መንገድ እንዲሳተፉ የሚያበረታታ መሆኑንም ገልፀዋል።

_________________________________________________________________________________________________________________________________

_________________________________________________________________________________________________________________________________

 

_________________________________________________________________________________________________________________________________

 

History repeating itself in the Horn of Africa: Is the crime in Darfur being replicated in Eastern, South & Southern Oromia Regional State of Ethiopia? A MUST-READ!

15 Sep

Posted by The Ethiopia Observatory (TEO)
by J. Bonsa (PhD), Special to Addis Standard
 

“Liyyu” is an Amharic expression to mean “special”, so Liyyu police denotes a “special police”. If the Janjaweed are devils on horseback, then Liyyu police can be described as demons maneuvering armored vehicles. It is instructive to examine why, where, and when the regime in Addis Abeba has created Liyyu police.

Addis Abeba, April 10, 2017 – It is saddening to witness repetitions of similar tragic events in history. Recurrences of such dreadful events can even sound farcical when they happen in a very short span of both time and space. This is exactly what is currently happening in the Horn of Africa. It is barely over a decade since the height of the Darfur genocide. One would hope that the international community has been well informed to avoid repetition of Darfur like tragedy anywhere in the world. However, it is depressing to observe that the Darfur crisis is in the process of being replicated in Ethiopia.

In this piece, I will explain how the scale of the crisis unfolding in Ethiopia’s Eastern and Southern regions (and those brewing up in other regions) can have a potential to dwarf the Darfur crisis. The Janjaweed militia (in the case of Sudan) and the so-called Liyyu police (in the case of Ethiopia) are the catalysts for the crisis in their respective regions. For this reason, I will focus my analysis on explaining missions and functions of these two proxy militias.
Continue reading

%d bloggers like this: