Tag Archives: Respect for fundamental human rights

አያ ሆሆ! ያመናል በለው!

30 May

Posted by The Ethiopia Observatory (TEO)

ኢሳትና ኦ ኤም ኤን የተባሉ የቴሌቪዥን ጣቢያዎች እንዲሁም የዶ/ር ብርሃኑ ነጋና ጃዋር መሀመድ ክሶች ተቋረጠ!

29 May

Posted by The Ethiopia Observatory (TEO)

አዲስ አበባ፣ ግንቦት 21፣ 2010 (ኤፍ.ቢ.ሲ) የፌደራሉ ጠቅላይ አቃቤ ህግ ተቀማጭነታቸው በውጭ ሀገር በሆነው ኢሳት እና ኦ ኤም ኤን የተባሉ የቴሌቪዥን ጣቢያዎች እንዲሁም በዶክተር ብርሃኑ ነጋ እና ጃዋር መሀመድ ላይ የከፈተው ክስ እንዲቋረጥ ጠይቋል።

በፌደራል ጠቅላይ አቃቤ ህግ የተደራጁ ድንበር ተሻጋሪ ሀገራዊ ጉዳት የሚያስከትሉ ወንጀሎች መከታተያ ዳይሬክቶሬት ዳይሬክተር አቶ ብርሃኑ ወንድማገኝ ለፋና ብሮድካስቲንግ ኮርፖሬት እንደተናገሩት፥ በአዋጅ ቁጥር 943//08 አንቀፅ 6 ንዑስ ቁጥር 3/ሀ/ መሰረት ክሱ እንዲነሳ ተወስኗል።

የፌደራል ጠቅላይ አቃቤ ህግ ለፌደራሉ ከፍተኛ ፍርድ ቤት 19ኛ ወንጀል ችሎት ክስን ስለማንሳት በፃፈው ደብዳቤ በእነ ዶክተር መረራ ጉዲና መዝገብ ስር የሚገኙት እነዚህ ተቋማትና ግለሰቦች ክስ እንዲቋረጥ ዛሬ የጠየቀ ሲሆን፥ ፍርድ ቤቱም ጥያቄውን ተቀብሏል።

ግለሰቦቹ በሕገ መንግሥቱና ሕገ መንግሥታዊ ሥርዓቱን በኃይል ለማስወገድ ሙከራ ወንጀል እንዲሁም የቴሌቪዥን ጣቢያዎቹ ደግሞ ግለሰቦቹ የሚያስተላልፉትን ጥሪ በመቀበልና የሽብር ቡድን ድጋፍ በማድረግ በዋና ወንጀል ላይ ተካፋይ በመሆን የሽብር ተግባር ወንጀል ተከሰው እንደነበር ነው በወቅቱ የአቃቤ ህግ የክስ መዝገብ ይገልፅ የነበረው።

ተዛማጅ:

ጠ/ሚሩ የዜጎችን ሰብአዊ መብት የማስከበርና የማክበር ተልዕኮ መግሥታቸው እንደሚያከብር አረጋገጡ!

አዲስ አበባ፣ ግንቦት 21፣ 2010 (ኤፍ.ቢ.ሲ) መንግስት የዜጎችን ሰብአዊ መብት የማስከበርና የማክበር ተልእኮን ለመደገፍ ቁርጠኛ እንደሆነ ማረጋገጡን የኢትዮጵያ ሰብአዊ መብት ኮሚሽን ገለፀ።

የኢፌድሪ ጠቅላይ ሚንስትር ዶክተር አብይ አህመድ ከኢትዮጵያ ሰብአዊ መብት ኮሚሽን ኮሚሽነር ዶክተር አዲሱ ገብረእግዚአብሄር ጋር ተወያይተዋል።

የኢትዮጵያ ሰብአዊ መብት ኮሚሽነር ዶክተር አዲሱ ገብረእግዚአብሄር ውይይቱን አስመልክቶ በሰጡት መግለጫ፥ ከጠቅላይ ሚንስትር ዶክተር አብይ ጋር በሀገሪቱ በሚፈፀሙ የሰብአዊ መብት ጥሰቶች ዙሪያ መወያየታቸውን ገልፀዋል።

በውይይታቸውም በተለይ ኮሚሽኑ የሚወስናቸውን ውሳኔዎች በመቀበል እና በመተግበር በኩል የክልል እና ፌደራል ተቋመት ላይ ክፍተት እና የቁርጠኝነት ችግር እንዳለ መነሳቱንም አብራርተዋል።

በነዚህ አካላት ላይ ክትትል እና ቁጥጥር እንዲደረግ ማሳሰቢያ መስጠት የሚያስችል ውይይት መደረጉንም ዶክተር አዲሱ አስታውቀዋል።

ዜጎች በሰብአዊ መብት ጉዳይ ዙሪያ ያላቸውን ግንዛቤ የማዳበር ስራ ከኮሚሽኑ በተጨማሪ የመንግስት እና የፍትህ አካላት ስራ ሊሆን እንደሚገባ መወያየታቸውንም ዶክተር አዲሱ ተናግረዋል።

ግንዛቤ የማዳበር ስራው የእነዚህን አካላት ቁርጠኝነት የሚጠይቅ እንደሆነም በውይይቱ መነሳቱን አብራርተዋል።

ጠቅላይ ሚንስትር ዶክተር አብይ የዜጎችን ሰብአዊ መብት የማስከበርና የማክበር ተልእኮን ለመደገፍ ቁርጠኛ እንደሆኑ በውይይቱ ማረጋገጣቸውን ነው ዶክተር አዲሱ የተናገሩት።

ከመብት ጥሰቶች ጋር ተያይዞም በዜጎች የሚነሱ ጥያቄዎችን በመመለስ እና ኮሚሽኑ በምርመራ በሚለያቸው ጉዳዮች ላይ በመመስረት ቁርጠኛ እና ተግባራዊ ምላሽ ለመስጠት ዝግጁ እንደሆኑ ማረጋገጣቸውንም ዶክተር አዲሱ ገልፀዋል።

ዶክተር አዲሱ ገብረእግዚአብሄር አያይዘውም፥ በአማራ፣ ኦሮሚያ እና ደቡብ ክልል አንዳንድ አካባቢዎች ተከስቶ በነበረው ግጭት የመብት ጥሰት ውስጥ የገቡ የአስፈጻሚ፣ የፀጥታ እና የአስተዳደር አካላት እንደተለዩም ተናግረዋል።

በእነዚህ አካላት የተፈፀሙ የመብት ጥሰቶች ዝርዝር መረጃንም ለህዝብ ተወካዮች ምክር ቤት ለማቅረብ ኮሚሽኑ ዝግጅቱን እንዳጠናቀቀ እና መድረክም እንደተያዘለት ነው ያስታወቁት።

Is world’s top billionaire Bill Gates uncaring & indifferent about Ethiopians under TPLF repression?

22 Jul

By Keffyalew Gebremedhin, The Ethiopia Observatory (TEO)
 

The story on Thursday’s (July 22) The New York Times, hinting by implication, Bill Gates indifference about repression and censorship in Ethiopia comes across as extremely troubling – to put it mildly. Its tone was very much Trump-esque, examined in the lens of the latter’s acceptance speech at the Republican Party Convention.
Continue reading

%d bloggers like this: